નિર્ણય / હોમ લોન, ઑટો-પર્સનલ લૉન પર વધી જશે EMI: આ બેન્કે લીધો મોટો નિર્ણય, મિડલ ક્લાસને લાગશે ઝટકો

• SBI દ્વારા MCLRના સીમાંત ખર્ચમાં પસંદગીના મુદતદારો માટે 5-10 બેસિસ પોઈન્ટ્સનો વધારો
• સામાન્ય લોકો માટે હોમ લોન, કાર લોન, પર્સનલ લોનની EMI વધશે
• અગ્રણી બેંકના માર્જિનલ કોસ્ટ ઓફ લેન્ડિંગ રેટ)માં વધારો હવે 8 ટકાથી 8.85 ટકાની વચ્ચે 

Loans Will Become Expensive : સ્ટેટ બેંક ઓફ ઈન્ડિયા એટલે કે SBI એ શુક્રવારે MCLR ના સીમાંત ખર્ચમાં પસંદગીના મુદતદારો માટે 5-10 બેસિસ પોઈન્ટ્સનો વધારો કરવાની જાહેરાત કરી હતી. મતલબ કે સામાન્ય લોકો માટે હોમ લોન, કાર લોન, પર્સનલ લોનની EMI વધશે. લોન લેનારાઓ માટે ઓટો અથવા હોમ લોન જેવી લોન વધુ મોંઘી બનશે. દેશની અગ્રણી બેંકના માર્જિનલ કોસ્ટ ઓફ લેન્ડિંગ રેટ (MCLR)માં વધારો હવે 8 ટકાથી 8.85 ટકાની વચ્ચે છે. નવા દરો 15 ડિસેમ્બરથી અમલમાં આવ્યા છે.

અન્ય બેંકો પણ લોન મોંઘી કરશે ? 
આ તરફ હવે રાતોરાત MCLR દર 8 ટકા પર નિર્ધારિત કરવામાં આવ્યો છે, જ્યારે એક મહિના અને ત્રણ મહિનાના સમયગાળા માટેના દર 8.15 ટકાથી વધારીને 8.20 ટકા કરવામાં આવ્યા છે. SBI બેંકિંગ ક્ષેત્રની અગ્રણી બેંક છે. તેથી, એવી શક્યતા છે કે અન્ય બેંકો પણ તેનું અનુકરણ કરશે અને વ્યાજદરમાં વધારો કરી શકે છે.

આ તરફ હવે MCLRમાં વધારો થવાથી તમામ પ્રકારની લોનના માસિક હપ્તાઓ (EMIs)માં વધારો થશે. હાલમાં લોન માટે અરજી કરી રહેલા ગ્રાહકોને મોંઘા વ્યાજ દરે લોન મળશે.  વધુમાં જે ગ્રાહકોએ પહેલેથી જ લોન લીધી છે તેઓએ આ વધેલા દરે તેમના ભાવિ હપ્તાઓ ચૂકવવા પડશે. જોકે એ નોંધવું અગત્યનું છે કે, MCLR-આધારિત લોનનો રીસેટ સમયગાળો હોય છે, જે પછી લેનારા માટે દરોમાં સુધારો કરવામાં આવે છે.