- અમેરિકામાં અચાનક વિમાનનું એન્જીન થયું બંધ
- આજુબાજુમાં એરપોર્ટ ન હોવાના લીધે રોડ પર કરાવ્યું લેન્ડ
- સિંગલ એન્જીન વિમાનમાં ખરાબી આવતા કરવું પડ્યું લેન્ડ
પ્લેનનો વાયરલ વીડીયો
હાલમાં જ સોશિયલ મીડિયા પ્લેટફોર્મ ટ્વિટર પર પોલીસ દ્વારા એક ચોંકાવનારો વીડિયો શેર કરવામાં આવ્યો છે. આ વીડિયો જોઈને દરેક જણ પ્લેનના પાયલટના વખાણના કરતા નજરે પડે છે. એક અહેવાલ મુજબ આ ઘટના અમેરિકામાં બની હતી. વીડિયોમાં જે પ્લેન છે તે સિંગલ એન્જિનવાળું છે. પાયલટનું નામ વિન્સેન્ટ ફ્રેઝર હોવાનું કહેવાય છે. આ ઘટના વિમાનના વિંગ કેમેરામાં કેદ થઈ ગઈ હતી. જે પણ આ વીડિયોને જોઈ છે તે ચોંકી રહ્યા છે.
દિલધડક વિડિઓ
પાયલટ આ સિંગલ એન્જિન પ્લેન ઉડાવી રહ્યો હતો. પ્લેનના એન્જિને અચાનક કામ કરવાનું બંધ કરી દીધું ત્યારે પાયલટની સાથે તેના સસરા પણ પ્લેનમાં હાજર હતા. જ્યારે પાયલટે સંબંધિત ઓથોરિટીને આ અંગે જાણકારી આપી તો તેમણે પાયલટને રસ્તા પર જ લેન્ડિંગ કરવાની સલાહ આપી. આ પછી શું થયું તે જુઓ વિડીયોમાં.
રસ્તા પર લોકો ગભરાયા
પાયલોટે ઈમરજન્સી લેન્ડિંગ કરવાનો નિર્ણય લીધો અને વિમાનને હાઈવે તરફ વાળ્યું. વીડિયોમાં જોઈ શકાય છે કે પ્લેન કેવી રીતે હાઈવે તરફ આવી રહ્યું છે અને ત્યાં હાજર વાહનોમાં બેઠેલા લોકો આ બધાથી અજાણ છે. જેમ જેમ વિમાન રસ્તા નજીક આવે છે તેમ તેમ લોકોના મનમાં ભય વધતો જાય છે. પરંતુ સારી વાત એ છે કે આ લેન્ડિંગમાં કોઇ નુકસાન થયું નથી.
વાયરલ થયો વીડિયો
અધિકારીઓનું કહેવું છે કે આ કામ ઘણું મુશ્કેલ હતું, પરંતુ પાયલટે પોતાની સમજથી પરિસ્થિતિને ખૂબ સારી રીતે સંભાળી હતી. અધિકારીઓના જણાવ્યા અનુસાર, પાયલટને વધારે અનુભવ નહોતો, તેમ છતાં તેણે આટલું અદ્ભુત લેન્ડિંગ કર્યું હતું. આ વીડિયો ઇન્ટરનેટ પર વાયરલ થયો છે.
