- પાણી, આહાર અને ઊંઘ મનુષ્યના શરીરમાં ખૂબ જ ઉપયોગી
- પાણીનું શરીરમાં પણ ખૂબ મહત્વ
- પાણી પેટ અને સ્ક્રીન માટે પણ ફાયદાકારક
પાણી, આહાર અને ઊંઘ મનુષ્યના શરીરમાં ખૂબ જ ઉપયોગી બાબત છે. જો શરીરને ઊંઘ, આહાર યોગ્ય આપવામાં ન આવે ત્યારે શરીરમાં ધીમે ધીમે અનેક રોગ ઘર કરવા માંડે છે. તેમજ પાણીનું પણ ખૂબ મહત્વ છે. પાણી પીવાથી ઊંઘ પણ સારી આવે છે અને પેટ અને સ્ક્રીન માટે પણ ફાયદાકારક છે. અયોગ્ય આહારના પરિણામે ઘર કે ઓફિસમાં ફ્રેશ ફિલ કરી શકતા નથી. ત્યારે આળસ અને સુસ્તીથી બચવા માટે શું કરવું જોઈએ આવો જાણીએ વિસ્તારથી!
ડૉક્ટરોનું કહેવું છે કે રોગથી બચવા સમયસર ઊંઘ લેવાનો પ્રયાસ કરવો જોઈએ. રાત્રે સૂવા જાવ જતી વેળાએ ફોન, લેપટોપ, ટીવી તમારાથી દૂર રાખો, કારણ કે ફોન કે લેપટોપને ખોલીને સ્ક્રોલ કરતાની સાથે જ ઊંઘ ઊડી જાય છે. વધુમાં મહત્વની વાત એ પણ છે કે મોડી રાતે ચા કે કોફી ક્યારેય ન પીવા જોઈએ.
સૂતા પહેલા પાણી પીવું જોઈએ
ડોક્ટરનું માનીએ તો રાતે સૂતા પહેલા પાણી પીવું જોઈએ. પાણી પીવાથી સારી ઊંઘ આવે છે. જો તમે રાત્રે પાણી પીધા પછી સારી રીતે સૂઈ જાઓ છો, તો તે તમારી ત્વચા, પેટ અને શરીર માટે ખૂબ જ ફાયદાકારક છે. તબીબો રાત્રે સૂતા પહેલા પાણી પીવુંએ ઔષધ સમાન ગણ્યું છે. ડોક્ટર્સના જણાવ્યા પ્રમાણે જો તમે સૂતા પહેલા રૂમના તાપમાન પ્રમાણે પાણી પીશો તો સવારે ત્વચા ચમકી ઉઠશે. તથા પેટ પણ સાફ રહે છે અને એનર્જી પણ રહેશે.
આવું કહે છે સંશોધન
નિષ્ણાતોના કહેવા પ્રમાણે સૂતા પહેલા પાણી પીવાથી તમારા શરીરનું તાપમાન નિયંત્રણમાં રહે છે. જેના કારણે તમે હાઈડ્રેટ રહેશો. ડિહાઇડ્રેશનના કારણે ઘણા લોકોને સૂતી વખતે ખૂબ ગરમી કે ઠંડી લાગે છે. જો તમે સૂતા પહેલા પુષ્કળ પાણી પીઓ છો, તો તમારા શરીરનું તાપમાન સામાન્ય રહે છે.જેથી તમે ઠંડી કે ગરમી અનુભવી શકશો નહી. તેમ રિસર્ચમાં દાવો કરાયો છે. તેના ફાયદાની વાત કરીએ તો તમે સૂતી વખતે હાઇડ્રેટેડ રહેશો. વર્ષ 2014માં 'નેશનલ લાઇબ્રેરી ઑફ મેડિસિન'માં પ્રકાશિત થયેલા સંશોધન મુજબ, પાણીની ઉણપ મૂડ સ્વિંગનું મુખ્ય કારણ બની શકે છે.
