લાઇફસ્ટાઇલ / શું ખીલને રૂમાલથી દબાવીને ફોડી નાખો છો? આવું કરશો તો આ 6 ખતરનાક સ્ક્નિ પ્રોબ્લેમ માટે રહેજો તૈયાર

• ચહેરા પર પિંપલ્સ આવવું એ સામાન્ય ઘટના
• લોકો પિંપલ્સ ફોડવા હાથ અથવા ટોવેલનો ઉપયોગ કરે છે
• પિંપલ્સ ફોડવું સ્કિન માટે અત્યંત હાનિકારક

શું તમે પણ ચહેરા પર સતત આવતાં પિંપલ્સથી કંટાળીને તેને ફોડી દેવામાં માનો છો? તો હવે ચેતી જજો કારણકે સતત પિંપલ્સને તોડવા કે ફોડવાથી તમને સ્કિન સંબંધિત સમસ્યાઓ આવી શકે છે. પિંપલ્સને ફોડવાની 6 સાઈડ ઈફેક્ટ્સ છે.

1. આપણે જે ટોવેલનો ઉપયોગ શરીર લૂછવામાં કરીએ છીએ તેમાં ઘણાં બેક્ટેરિયા હોઈ શકે છે. જો તમે તેનાથી પિંપલ્સને ફોડો છો તો બેક્ટેરિયા સ્કિનની અંદર જઈ શકે છે જેના લીધે ઈંફેક્શન ફેલાઈ શકે છે. 

2. ટોવેલનું કપડું હાર્ડ હોય છે તેથી જ્યારે તેનાથી પિંપલ્સ ફોડવામાં આવે ત્યારે સ્કિન છોલાઈ શકે છે. જેના લીધે તેમાં બળતરાં અથવા ઈંફેક્શનનો રિસ્ક રહે છે.

3. પિંપલ્સ ફોડવા માટે ટોવેલનો વધુ પડતો ઉપયોગ કરવાથી સ્કિન ડ્રાય થઈ શકે છે. તેનાથી પિંપલની સમસ્યા વધુ ગંભીર થઈ શકે છે. ટૂંકમાં ફાયદાની જગ્યાએ વધુ નુક્સાન થઈ શકે છે.

4. જ્યારે તમે પિંપલને દબાવો છો તો તમારા હાથ અથવા નખમાં બેક્ટેરિયા હોય છે જે સ્કિનમાં ટ્રાંસફર થઈ જાય છે અને સ્કિન સંબંધિત સમસ્યાઓને આમંત્રણ આપી શકે છે.

5. પિંપલ્સને ફોડવાથી તેની આસપાસની સ્કિન ડેમેજ થઈ શકે છે. ઘા, રેશિઝ અને સોજા જેવી સમસ્યાઓ વધી શકે છે.

6. જ્યારે પિંપલ્સને ટોવેલની મદદથી ફોડવામાં આવે છે ત્યારે તેની આસપાસની સ્કિન પોર્સમાં બેક્ટેરિયા જવાને લીધે આસપાસનાં એરિયામાં નવા પિંપલ્સ આવી શકે છે.