તમારા કામનું / વાહનનું ઈન્સ્યોરન્સ લેતા સમયે ન કરતાં આ ભૂલ, થર્ડ પાર્ટી ઈન્સ્યોરન્સથી થશે આટલા ફાયદા

• ઈન્સ્યોરન્સ લેવાનું કે રિન્યૂ કરવાનું વિચારી રહ્યા છો?
• થર્ડ પાર્ટી ઈન્સ્યોરન્સ શું છે?
• કોમ્પ્રીહેન્સિવ પોલિસી શું છે? 

આજકાલ લગભગ દરેક લોકો પાસે કાર કે બાઇક હોય જ છે અને જો તમે તમારી કાર અથવા બાઇક માટે મોટર ઈન્સ્યોરન્સ લેવા ઈચ્છો છો અથવા તેને રિન્યૂ કરવાનું વિચારી રહ્યા છો તો આ સમાચાર તમારા કામના છે.  ઈન્સ્યોરન્સ લેવા કે રિન્યૂ કરવાનું વિચારી રહ્યા થર્ડ પાર્ટી ઈન્સ્યોરન્સ અને કોમ્પ્રીહેન્સિવ પોલિસી વિશે જાણવું જોઈએ. એટલા માટે જરૂરી છે કારણ કે અકસ્માતની સ્થિતિમાં વીમા સંબંધિત શરતોનું સખતપણે પાલન કરવામાં આવે અને જો એવી સ્થિતિમાં તમને તેના વિશે ન ખબર હોય તો તમને જ નુકસાન જઈ શકે છે. એટલા માટે આજે અમે તમને થર્ડ પાર્ટી ઈન્સ્યોરન્સ અને કોમ્પ્રીહેન્સિવ પોલિસી વિશે જણાવવા જઈ રહ્યા છીએ. 

થર્ડ પાર્ટી ઈન્સ્યોરન્સ શું છે?
જો તમે થર્ડ પાર્ટી ઈન્સ્યોરન્સ લીધો છે, તો આ અંતર્ગત અકસ્માતમાં તમારા વાહન દ્વારા થર્ડ પાર્ટીને થયેલા નુકસાન માટે નાણાકીય વળતર મળે છે અને હાલ નવા મોટર વ્હીકલ એક્ટ હેઠળ થર્ડ પાર્ટી વીમો ફરજિયાત છે. જો તમે થર્ડ પાર્ટી ઈન્સ્યોરન્સ કવર લીધું છે, તો વીમા કંપનીએ અકસ્માતમાં અન્ય કોઈ વ્યક્તિ અથવા મિલકતને થયેલા નુકસાનની ભરપાઈ કરવી પડશે.

કોમ્પ્રીહેન્સિવ પોલિસી શું છે? 
જણાવી દઈએ કે કોમ્પ્રીહેન્સિવ ઈન્સ્યોરન્સ પ્લાન વાહન માટે તમામ જરૂરી સુરક્ષા પૂરી પાડે છે અને આ અંતર્ગત ચોરી, કુદરતી આફતો, અકસ્માતો અને આગ વગેરેથી થતા નુકસાન સામે સુરક્ષા આપવામાં આવે છે. મહત્ત્વની વાત એ છે કે કોમ્પ્રીહેન્સિવ ઈન્સ્યોરન્સ પ્લાનમાં થર્ડ પાર્ટી જવાબદારી સુરક્ષા પણ ઉપલબ્ધ છે. જો કે તમે તેને તમારા અનુસાર કસ્ટમાઇઝ કરી શકો છો.

આ કવર પણ લઈ શકો છો
તમારા વાહન માટે તમે ઝીરો ડેપ્રિસિયેશન કવર, એન્જિન પ્રોટેક્શન કવર, નો ક્લેમ બોનસ પ્રોટેક્શન કવર, રોડ સાઈડ અસિસટેન્સ કવર અને રિટર્ન ટુ ઈન્વોઈસ કવર પર પણ લઈ શકો છો. ઝીરો ડેપ્રિસિયેશન કવર લેવાથી તમે અકસ્માત પછી વાહનના મૂલ્યના નુકસાનને ટાળી શકો છો. બીજી તરફ, એન્જીન પ્રોટેક્શન કવર લેવાથી એન્જીન બદલવા કે રીપેર કરવાનું સરળ બને છે. આ સિવાય જો તમે રોડ સાઈડ અસિસટેન્સ કવર લો છો તો તમને વાહન રિપેર કરાવવાની સગવડ મળે છે.