હેલ્થ / ઘીમાં ચોપડેલી રોટલી ખાઓ છો? આ લોકોએ ભૂલથી પણ ન ખાવું જોઈએ દેશી ઘી, ફાયદાની જગ્યાએ નુકસાન નોતરશો

• દેશી ઘી કબજિયાતની સારવારમાં ફાયદાકારક મનાય છે
• પરંતું કેટલાક લોકોએ ભૂલથી પણ ઘી નું સેવન ન કરવું
•  હાઈ બ્લડ પ્રેશરના દર્દીઓએ ઘી ન ખાવું જોઈએ

 ઘરનું શુદ્ધ ઘી ખાવાના ઘણા ફાયદા છે. તે કબજિયાત અને સાંધાનો દુખાવો ઓછો કરવામાં મદદ કરે છે.આ ઉપરાંત, તેનો સ્વાદ ખોરાકનો સ્વાદ વધારે છે.ઘી ખાવાના ઘણા સ્વાસ્થ્ય લાભો હોવા છતાં પણ એ જરૂરી નથી કે તેનાથી બધાને સરખો ફાયદો થાય.જો તમે તમારા રોજિંદા આહારમાં દેશી ઘીનો સમાવેશ કરો છો, તો જાણો કયા લોકોએ ઘી ખાવાનું ટાળવું જોઈએ.નહીં તો ફાયદાને બદલે નુકસાન થવા લાગે છે.

ખરાબ પાચન ક્રિયા
જો કે ઘી કબજિયાત માટે ખૂબ જ ફાયદાકારક કહેવાય છે. પરંતુ જો તમે ખરાબ પાચનક્રિયાનો સામનો કરી રહ્યા છો અને ખોરાક પચવાની પ્રક્રિયા ધીમી છે. તો તમારે જમતી વખતે ઘીનો બિલકુલ પણ ઉપયોગ ન કરવો જોઈએ.

ફેટી લિવર અથવા લિવર સિરોસિસ
જો તમે નોન-આલ્કોહોલિક ફેટી લિવરના દર્દી છો અથવા લિવર સિરોસિસ જેવી ગંભીર બીમારીનો ભોગ બન્યા છો. તો આ સંજોગોમાં ઘી બિલકુલ ન ખાવું જોઈએ. ફેટી લીવરની સમસ્યાના કિસ્સામાં ઘી ઝેર જેવું કામ કરે છે અને નુકસાન પહોંચાડે છે. 
જો તમને ઋતુગત તાવ હોય તો ઘી ન ખાઓ
જો તમને શરદી કે તાવ હોય તો દેશી ઘી બિલકુલ ન ખાઓ. તાવ અને શરદીમાં શરીરમાં કફની માત્રા વધી જાય છે અને ઘી આ કફને વધુ વધારવા લાગે છે. તેથી ઉધરસ અને તાવ હોય તો ઘી બિલકુલ ન ખાવું જોઈએ.
હાઈ બ્લડ પ્રેશરના દર્દીઓએ ઘી ન ખાવું જોઈએ
જો તમે હાઈ બ્લડ પ્રેશર અને હાઈપરટેન્શનથી પરેશાન છો તો તમારા આહારમાં દેશી ઘીનો સમાવેશ ન કરો. તેમાં યોગ્ય ફેટ હોવા છતાં તે નસોને બ્લોક કરવા લાગે છે જેના કારણે હાર્ટ એટેકનો ખતરો રહે છે.