કેલેન્ડરમાં આ લોકોની દિવાળી નથી
એમના આગેવાનો નક્કી કરશે દિવાળી
પ્રકૃતિની ગોદમાં સાદગીથી ઉજવશે તહેવાર
સમગ્ર ભારતમાં લોકો અલગ અંદાજમાં દિવાળીનાપર્વ ને ઉજવી રહ્યા છે. ત્યારે શહેરના લોકો પોતાના ઘરોને લાઈટોથી ડેકોરેશન કરી રહ્યા છે અને મોંઘાદાટ ફટાકડાથી આતશબાજી કરી રહ્યા છે. જ્યારે છોટાઉદેપુર જિલ્લામા વસવાટ કરતા આદિવાસી ભીલ સમાજ હજુ ખેતીકામમાં વ્યસ્ત છે કેમ કે તેમની દિવાળી હજુ આવી જ નથી. આદિવાસીઓની દિવાળી ક્યારે આવે છે ચાલો જાણીએ.
છોટાઉદેપુરમાં આદિવાસીઓની દિવાળી ક્યારે?
સમગ્ર ભારતમાં લોકો અલગ અંદાજમાં દિવાળીનાપર્વ ને ઉજવી રહ્યા છે. શહેરના લોકો પોતાના ઘરોને લાઈટોથી ડેકોરેશન કરી રહ્યા છે અને મોંઘાદાટ ફટાકડાથી આતશબાજી કરી રહ્યા છે. ત્યારે છોટાઉદેપુર જિલ્લામા રહેતા આદિવાસી ભીલ સમાજ હજુ ખેતીકામમાં વ્યસ્ત છે, તેઓના પોતાના ખેતરમાં ઉગેલા પાક જેવા કે મકાઈ, અડદ, અને ડાંગર જેવા પાકને લણવામાં વ્યસ્ત છે. એટલું જ નહિ અહીં દરેક પરિવાર માંથી અમુક સભ્યો જે ધંધા રોજગાર અને ખેતી કામ માટે સૌરાષ્ટ્ર તરફ ગયા છે તે પણ હજુ પરત ફર્યા નથી. કારણ એટલુ જ છે કે તેમની દિવાળી હજુ આવી નથી. કદાચ આ સ્ટોરી વાંચી તમને પણ નવાઈ લાગશે. પરંતુ હા આ આદિવાસી લોકોની દિવાળી કોઈ કેલેન્ડરમાં નહીં પરંતુ ગામના આગેવાનો જે દિવસ નક્કી કરે તે દિવસે હોય છે.
દિવાળી નક્કી કરવાની પરંપરા
છોટાઉદેપુર જિલ્લાના વિવિધ જંગલ વિસ્તારમાં પહાડમાં વસવાટ કરતો આદિવાસી ભીલ સમાજ વર્ષોથી જૂની પરંપરા મુજબ તેઓ અલગથી દિવાળીની ઉજવણી કરે છે, આ સમાજ અત્યારે કૃષિકામમાં વ્યસ્ત છે. દેવદિવાળી આસપાસ વિવિધ પાકોની ઉપજ તેમના ઘરમાં આવશે. તેમાંથી જરૂરિયાત જેટલું પોતાની પાસે રાખશે, બીજું બજારમાં વેચશે પછી જે પૈસા આવે તેનાથી દિવાળી ઉજવશે. આપને જણાવી દઈએ કે, દિવાળીનો પર્વ આવતાં શહેરના લોકો પોતાના મકાનોને રોશની થી શણગરવાનું કામ કરવામાં વ્યસ્ત થઈ જાય છે, જયારે છોટાઉદેપુરનો આ લોકો અત્યારે પોતાના ખેતી કામમાં વ્યસ્ત છે.
