- ઘીરજ સાહૂના ઘરેથી ધનનો ખજાનો મળી આવ્યો
- ઘીરજ સાહૂના ઠેકાણા પરથી 300 કરોડની રોકડ જપ્ત
- કોંગ્રેસ નેતાએ જ ધીરજ સાહૂ પર ઊભા કર્યા સવાલ
કોંગ્રેસના રાજ્યસભા સાંસદ ધીરજ સાહૂ હાલમાં મુશ્કેલીઓથી ઘેરાઈ ગયા છે. ઘીરજ સાહૂના ઘર અને અન્ય ઠેકાણાઓ પરથી ધનનો ખજાનો મળી આવ્યો છે. 4 દિવસ પછી પણ નોટોની ગણતરા કરવામાં આવી રહી છે. 136 બેગમાં રહેલ રોકડની ગણતરી કરવામાં આવશે. કોંગ્રેસે પણ પોતાના જ નેતા પર સવાલ ઉભા કર્યા છે. કોંગ્રેસ નેતા જયરામ રમેશે જણાવ્યું કે, સાંસદ ધીરજ સાહૂના બિઝનેસ સાથે કોંગ્રેસનો કોઈ સંબંધ નથી. આવકવેરા વિભાગના અધિકારીઓએ રોકડ જપ્ત કરી છે, જેથી આ અંગે માત્ર તેઓ જ જાણકારી આપી શકે છે.
રોકડ મળવાની રાજનીતિ
સાંસદ ધીરજ સાહૂના ઠેકાણા પરથી રોકડ મળ્યા પછી રાજનીતિ કરવામાં આવી રહી છે. ઝારખંડ ભાજપ નેતાઓ જણાવી રહ્યા છે કે, જપ્ત થયેલ રોકડ કોંગ્રેસ નેતાની છે, તો બીજી તરફ કોંગ્રેસ કહી રહી છે કે તે ભાજપ નેતાઓની છે. ભાજપ સાસંદ સંજય શેઠે જણાવ્યું કે, ‘અત્યાર સુધાrમાં 300 કરોડની રોકડ જપ્ત કરવામાં આવી છે. હજુ પણ રોકડની ગણતરી કરવામાં આવી રહી છે. મશીન ખરાબ થઈ રહી છે, પરંતુ પૈસા ખતમ નથી થઈ રહ્યા. રાહુલ ગાંધી અને સોનિયા ગાંધી જણાવે કે, આ પૈસા ક્યાંથી આવ્યા. જેની યોગ્ય તપાસ થવી જોઈએ, આ પૈસા સારી કમાણીના છે કે, કાળુ નાણું છે.’
સાંસદ ધીરજ સાહૂના ધરેથી 300 કરોડની રોકડ જપ્ત કરવામાં આવી છે, જે અત્યાર સુધીની સૌથી મોટી રકમ છે. ઉપરાંત જ્વેલરીની 3 સૂટકેસ પણ મળી છે.
50 કર્મચારી ગણતરી કરી રહ્યા છે
ભારતીય SBI બાલાંગિરના ક્ષેત્રીય પ્રબંધક ભગત બેહરાએ જણાવ્યું કે, અમે બે દિવસમાં તમામ રોકડની ગણતરી કરવાનું લક્ષ્ય રાખ્યું છે. 50 કર્મચારી નોટની ગણતરી રહ્યા છે તથા અન્ય લોકોને પણ બોલાવવામાં આવ્યા છે. કેટલાક પૈસા ટિટલાગઢમાં ગણવામાં આવ્યા. આવકવેરા અને પોલીસ વિભાગે બેન્ક ક્ષેત્રમાં તમામ સુરક્ષા વ્યવસ્થા કરી છે.
8-10 તિજોરીમાંથી 300 કરોડ મળી આવ્યા
મીડિયા રિપોર્ટ અનુસાર બાલાંગિર જિલ્લામાં કંપનીના પરિસરમાં રાખવામાં આવેલ 8-10 તિજોરીઓમાંથી લગભગ 300 કરોડ રૂપિયાની રોકડ જપ્ત કરવામાં આવી છે. અન્ય સંપત્તિ ટિટલાગઢ, સંબલપુર અને રાંચીમાંથી જપ્ત કરવામાં આવી છે.
_0.png)
