બેઠક / કેરળ પ્લેન ક્રેશ મુદ્દે નાગરિક ઉડ્ડયન મંત્રાલયની બેઠક, આ અધિકારીઓ બેઠકમાં હજર

• નાગરિક ઉડ્ડયન મંત્રાલયની બેઠક
• DGCAના ડાયરેક્ટર જનરલ સહિતના અધિકારીઓ હાજર
• AAI અને એર ઇન્ડિયા એક્સપ્રેસના અધિકારીઓ પણ હાજર

કેરળ પ્લેન ક્રેશ ઘટના મુદ્દે નાગરિક ઉડ્ડયન મંત્રાલયની બેઠક કરવામાં આવી છે.  આ મિટિંગમાં DGCAના ડાયરેક્ટર જનરલ સહિતના અધિકારીઓ હાજર રહ્યા છે.  AAI અને એર ઇન્ડિયા એક્સપ્રેસના અધિકારીઓ પણ હાજર રહ્યા છે.

ઉલ્લેખનીય છે કે  આ વિમાન રનવે પર લપસ્યું હતું અને ત્યારબાદ 35 ફૂટ ઉંડી ખીણમાં જઈને પડતા આ ઘટના ઘટી હતી. ક્રેશ થયેલ દુબઈ-કોઝિકોડે ફ્લાઇટ X1344 બી બોઇંગ 737 વિમાન છે. આ વિમાનમાં કુલ 190 મુસાફરો હતા. જેમાં 183 મુસાફરો બે પાયલોટ અને 5 ક્રૂ મેમ્બર્સ સામેલ હતા. 

આ દુર્ઘટનામાં બે પાયલોટના નિધન થયા છે. જ્યારે 35 જેટલા મુસાફરોને હોસ્પિટલમાં દાખલ કરવામા આવ્યા છે. NDRFની ટીમ દ્વારા રાહત બચાવની કામગીરી પુરજોશમાં ચાલુ છે. કોરોના મહામારીના લીધે વિદેશમાં ફસાયેલા ભારતીયોને પરત લાવવા ચાલી રહેલા વંદે ભારત મિશન અંતર્ગત આ પ્લેન અહીં આવ્યું હતું. પ્રધાનમંત્રી નરેન્દ્ર મોદીએ કેરળના મુખ્યમંત્રી પી. વિજયન સાથે આ દુર્ઘટના અંગે વાત કરી હતી. તો આ ઘટના પર ગૃહમંત્રી અમિત શાહે પણ દુખ વ્યક્ત કર્યું હતુ.