મંદી / શેરબજારમાં પણ તેજીના વાવાઝોડા પર બ્રેક, સેન્સેક્સ 300 અંક ગગડ્યો, આ શેરોમાં 'ભારે દબાણ'

• વાવાઝોડાની આફત વચ્ચે શેર બજારમાં ઉથલપાથલ
• BSE સેંસેક્સ 310 અંકનો ઘટાડો
• રોકાણકારોનું ટેન્શન વધી ગયું

વાવાઝોડાની આફત વચ્ચે શેર બજારમાં ઉથલ પાથલ જોવા મળી હતી. ત્રણ દિવસ તેજીના લીલા રંગના અંકો દેખાયા બાદ ફરી ગુરુવારે અચાનક એ અંકો લાલ થઇ ગયા હતા. ત્રણ દિવસ બાદ બજારમાં ઘટાડો જોવા મળ્યો છે. BSE સેંસેક્સ 310 અંકનો ઘટાડો થશે રોકાણકારોનું ટેન્શન વધી ગયું હતું. બીએસઇ સેંસેક્સ 62,917 પર બંધ રહ્યું હતું. તો નિફ્ટીમાં પણ 67 પોઇન્ટ નીચે ઉતરીને 18,688 પર બંધ રહ્યું હતું. નિષ્ણાંતોના જણાવ્યા પ્રમાણે બજારમાં આવેલા ઘટાડા પાછળ બેંકિંગ શેર જવાબદાર રહ્યાં હતા. જેમાં નિફ્ટીમાં ઇન્ડસઇન્ડ બેંક અને SBIના શેરમાં સૌથી વધારે ઘટાડો આવ્યો હતો. આ પહેલા બુધવારે બીએસઇ 85 અંકના વધારા સાથે 63,228 પર બંધ રહ્યો હતો. 

એપોલો હોસ્પિટલ નો શેર 4.20 ટકા વધ્યો

બીજી બાજુ નિફ્ટીમાં જે શેરમાં વધારો જોવા મળ્યો તેમાં નજર કરીએ તો એપોલો હોસ્પિટલ +4.20 ટકા, Divi Lab +2.80 ટકા, Dr Reddy +2.30 ટકા, Cipla +2.10 ટકા રહ્યો હતો. જ્યારે ઘટાડો આવ્યો એવા શેરની વાત કરીએ તો હિરો મોટોકોર્ટ -3.30 ટકા, ઇન્ડસઇન્ડ બેંક -2 ટકા, વિપ્રો -2 ટકા, એસબીઆઇ -1.90 ટકા રહ્યાં હતા. 

મેડિકલ ડિવાઇસ અને હોસ્પિટલના શેરમાં જબ્બર ઉછાળો

તો બીજી બાજુ શેર બજારમાં તેજી દેખાડનારા શેર પર નજર કરીએ તો મેડિકલ ડિવાઇસ અને હોસ્પિટલના શેરમાં જબ્બર ઉછાળો જોવા મળ્યો હતો. Poly Medicure 13.50 ટકા, Fortis Health +2.50 ટકાનો વધારો થયો છે. ઉલ્લેખનીય છે કે બજારમાં આવેલા ઉતાર ચઢાવ પર FEDની પોલીસીની અસર જોવા મળી હતી. ફાર્ટા, ઓટો, FMCG સ્ટોકમાં ખરીદારી જોવા મળી હતી. બેંક, NBFC, IT, મેટલના શેરમાં ઘટાડો નોંધાયો છે.