- બિશ્નોઈ ગેંગ સાથે જોડાયેલ ગેંગસ્ટર દીપક બોક્સરની ધરપકડ
- સ્પેશિયલ સેલની ટીમે FBIની મદદથી દીપકને મેક્સિકોથી પકડ્યો
- 29 જાન્યુઆરી 2023ના રોજ કોલકાતાથી ફ્લાઈટ લઈને મેક્સિકો ભાગ્યો હતો
લોરેન્સ બિશ્નોઈ ગેંગ સાથે જોડાયેલ ગેંગસ્ટર દીપક બોક્સરની દિલ્હી પોલીસે ધરપકડ કરી છે. જણાવી દઈએ કે સ્પેશિયલ સેલની ટીમે FBIની મદદથી દીપકને મેક્સિકોથી પકડ્યો છે અને દિલ્હી પોલીસે દેશની બહાર ગયા બાદ પહેલીવાર કોઈ ગેંગસ્ટરને પકડ્યો છે.
મેક્સિકો ભાગી ગયો હતો દીપક બોક્સર
પોલીસના જણાવ્યા અનુસાર લોરેન્સ બિશ્નોઈએ દીપક બોક્સરને ભારતમાંથી ભાગવામાં મદદ કરી હતી. મળતી જાણકારી અનુસાર દીપકને એકથી બે દિવસમાં ભારત લાવવામાં આવી શકે છે. નોંધનીય છે કે દીપક બોક્સર સિવિલ લાઈન્સ વિસ્તારમાં બિલ્ડરની હત્યાના કેસમાં વોન્ટેડ હતો. દિલ્હી-એનસીઆરનો ટોપ ગેંગસ્ટર દીપક બોક્સર રોહિણી કોર્ટમાં જીતેન્દ્ર ગોગીની હત્યા બાદ ગોગી ગેંગની કમાન સંભાળી રહ્યો હતો. દીપક બોક્સરને મુરાદાબાદથી રવિ અંતિલના નામે ખોટો પાસપોર્ટ બનાવ્યો હતોઅને 29 જાન્યુઆરી 2023ના રોજ કોલકાતાથી ફ્લાઈટ લઈને મેક્સિકો ભાગી ગયો હતો.
28 ગેંગસ્ટરોના નામ જાહેર કર્યા હતા
નોંધનીય છે કે સેન્ટ્રલ ઇન્વેસ્ટિગેશન એજન્સી (NIA) દ્વારા ગેંગસ્ટર સંબંધિત ઘણા કેસોની તપાસ કર્યા પછી મોટી જાહેરાત કરી છે. વાત જાણે એમ છે કે, NIA દ્વારા લગભગ 28 ગેંગસ્ટરોના નામ અને તેમની ક્રાઇમની યાદી કેન્દ્રીય ગૃહ મંત્રાલય (MHA)ને સુપરત કરવામાં આવી છે. નોંધનીય છે કે, આ ગેંગસ્ટરના પંજાબ, ઉત્તર પ્રદેશ, દિલ્હી, હરિયાણા અને રાજસ્થાન સહિત કેટલાક અન્ય રાજ્યો સાથે પણ કનેક્શન છે.
ગેંગસ્ટર સંબંધિત ઘણા કેસોની તપાસ કર્યા પછી આ લોકોના નામ જાહેર કર્યા
NIA દ્વારા જાહેરાત કરાયેલ આ તમામ ગેંગસ્ટરો વિદેશમાં રહીને ભારતમાં ટાર્ગેટ કિલિંગ, ડ્રગ્સ અને હથિયારોની દાણચોરી સહિત અનેક મોટા ગુનાહિત કેસોને અંજામ આપવામાં રોકાયેલા છે. આવી સ્થિતિમાં કેન્દ્રીય ગૃહ મંત્રાલય (MHA) એ તે ગેંગસ્ટરોના નામોની સૂચિ તૈયાર કરી છે જેઓ ભારત છોડીને વિદેશ ભાગી ગયા છે અને ત્યાંથી ભારતના ઘણા રાજ્યોમાં ગુનાહિત કેસોને અંજામ આપવાનું ચાલુ રાખે છે. મહત્વનું છે કે, હવે વિદેશ મંત્રાલય દ્વારા સંબંધિત દેશોને જાણ કર્યા પછી આ ગેંગસ્ટરો સામે કેવી રીતે કાર્યવાહી કરવી અને તેમને ભારત પ્રત્યાર્પણ કેવી રીતે કરવું તે અંગેની રણનીતિ તૈયાર કરવામાં આવી રહી છે. નોંધનીય છે કે, સેન્ટ્રલ ઇન્વેસ્ટિગેશન એજન્સી (NIA) દ્વારા ગેંગસ્ટર સંબંધિત ઘણા કેસોની તપાસ કર્યા પછી આ લોકોના નામ અને સરનામાની યાદી જાહેર કરી છે.
સૂત્રો મુજબ ગેંગસ્ટરોના નામ અને સ્થાન
ગોલ્ડી બ્રાર ઉર્ફે સતીન્દરજીત સિંહ – મૂળ પંજાબનો રહેવાસી છે, પરંતુ કેનેડા કે અમેરિકામાં છુપાયેલો છે.
અનમોલ બિશ્નોઈ – મૂળ પંજાબનો રહેવાસી, પણ અમેરિકામાં છુપાયેલો છે.
કુલદીપ સિંહ – પંજાબનો રહેવાસી છે અને હાલમાં UAEમાં છુપાયેલો છે.
જગજીત સિંહ - પંજાબનો આ ગેંગસ્ટર હાલ મલેશિયામાં રહે છે.
ધર્મન કાહલોન – મૂળ પંજાબનો રહેવાસી અને હાલમાં અમેરિકામાં છુપાયેલો છે.
રોહિત ગોદારા - રાજસ્થાનનો રહેવાસી રોહિત હાલમાં યુરોપના એક દેશમાં છુપાયેલો છે.
ગુરવિંદર સિંહ – પંજાબનો રહેવાસી ગુરવિંદર કેનેડામાં છુપાયેલો છે.
સચિન થાપન - પંજાબનો રહેવાસી સચિન હાલમાં અઝરબૈજાનમાં છુપાયેલો છે.
સતવીર સિંહ – પંજાબનો રહેવાસી પરંતુ કેનેડામાં છુપાયેલો છે.
સંવર ધિલ્લોન - તે કેનેડિયન ગેંગસ્ટર છે, પરંતુ તેના પૂર્વજો ભારતીય હતા.
રાજેશ કુમાર - બ્રાઝિલમાં રહે છે.
ગુરપિન્દર સિંહ પંજાબનો રહેવાસી છે અને હાલમાં કેનેડામાં છુપાયેલો છે.
હરજોત સિંહ ગિલ – પંજાબ મૂળનો હરજોત હાલમાં અમેરિકામાં છુપાયેલો છે.
દરમનજીત સિંહ ઉર્ફે દરમન કાહલોન અમેરિકામાં છુપાયેલો છે.
અમૃત બલ અમેરિકામાં છુપાયેલો છે.
સુખદુલ સિંહ ઉર્ફે સુખા દુનેકે કેનેડામાં છુપાયેલો છે.
ગુરપિન્દર સિંહ ઉર્ફે બાબા દલ્લા કેનેડામાં છુપાયેલો છે.
સતવીર સિંહ વારિંગ ઉર્ફે સેમ હાલમાં કેનેડામાં રહે છે.
લખબીર સિંહ લંડા કેનેડામાં છુપાયો છે.
અર્શદીપ સિંહ ઉર્ફે અર્શ દલા - કેનેડામાં છુપાયેલો છે.
ચરણજીત સિંહ ઉર્ફે રિંકુ બિહલા - કેનેડામાં છુપાયેલો છે.
રામદીપ સિંહ ઉર્ફે રમણ જજ – કેનેડામાં છુપાયેલો છે.
ગૌરવ પટિયાલ ઉર્ફે લકી પટિયાલ - આર્મેનિયામાં છુપાયેલો છે.
સુપ્રીપ સિંહ હેરી ચટ્ટા – મૂળ પંજાબનો પરંતુ જર્મનીમાં છુપાયેલો છે.
મનપ્રીત સિંહ ઉર્ફે પીતા - મૂળ પંજાબનો પરંતુ હાલમાં ફિલિપાઈન્સમાં રહે છે.
રમનજીત સિંહ ઉર્મ રોમી હોંગકોંગ હાલમાં હોંગકોંગમાં રહે છે.
ગુરજંત સિંહ ઉર્ફે જનતા — ઓસ્ટ્રેલિયામાં રહે છે.
સંદીપ ગ્રેવાલ ઉર્ફે બિલ્લા હાલમાં ઈન્ડોનેશિયામાં રહે છે અને ભારતમાં ગુના કરી રહ્યો છે.
