- આ વિટામિનની કમિના લીધે શરીરમાં થાય છે અઢળક રોગ
- સફેદ દાગની સમસ્યા પણ લે છે જન્મ
- વિટામિનની કમિના લીધે આ સમસ્યા થઈ શકે છે
આજકાલ દુનિયામાં લોકો તેમની જીવનશૈલીથી સંબધિત બીમારીઓથી પરેશાન છે. લોકો જંક ફૂડ, તેલીય વસ્તુઓ ખાવાનું પસંદ કરે છે. જેનાથી શરીરમાં રોગ થવાની સમસ્યા વધી જાય છે. વધારે પડતું બહારનું ખાવાથી શરીરમાં ઘણા વિટામિન અને પોષક તત્વોની કમી જણાય છે. એવામાં એક વિટામિન છે B 12, જો તમારા શરીરમાં આની કમી જણાય તો તમારું શરીર રોગનું ઘર બની શકે છે. શું તમે જાણો છો વિટામિન B 12 ની કમિના લીધે શરીર પર સફેદ દાગ થઈ શકે છે. જાણીએ કે આ વિટામિનની કમિના લીધે તમારા શરીરમાં કઈ સમસ્યાઓ થઈ શકે છે.
વિટામિનની B 12 ની સમસ્યા
સફેદ દાગ જેને પાંડુરોગ પણ કહેવામાં આવે છે. તમારા શરીરમાં વિટામિન B 12 ની કમિના લીધે તમને આ રોગ થઈ શકે છે. પાંડુરોગ હાયપરપીગ્મેન્ટેશન થી તદન જુદું છે. શરીર માં મેલેનિનની કમી ના લીધે પાંડુરોગ થાય છે. જેનાથી શરીર પર સફેદ દાગ થવા લાગે છે. સૂર્યના સીધા સંપર્કમાં આવતા શરીરના ભાગ પર પાંડુરોગ ની સમસ્યા થાય છે. તમારી ચામડી, હાથ, પગ અને ગળાના ભાગમાં તેની અસર જોવા મળે છે.
હાયપરપીગ્મેન્ટેશનથી થતી સમસ્યાઓ
તમારી ચામડી ઉપર દાગ-ફોલ્લીઓ જોવા મળે તો સમજી જવું કે તમે હાયપરપીગ્મેન્ટેશનના શિકાર થઈ ગયા છો. શરીરમાં મેલાનિનનું પ્રમાણ વધી જવાથી આવું થાય છે. વધતી જતી ઉંમર અને તડકામાં વધુ ફરતા લોકોમાં આ સમસ્યા વધુ પ્રમાણમાં જોવા મળે છે.
ખરતા વાળની સમસ્યા
તંદુરસ્ત વાળ માટે તમારા શરીરમાં વિટામિન B 12 ભરપૂર માત્રામાં હોવું જરૂરી છે. વિટામિન B 12 ની ઉણપ હશે તો ગમે તે કરો વાળને ખરતા અટકાવી નહિ શકો.
ઇનફર્ટિલિટીની સમસ્યા વધે
વિટામિન B 12 ની કમિના લીધે પુરુષો અને મહિલાઓમાં ઇનફર્ટિલિટીની સમસ્યા જોવા મળે છે. વિટામિન B 12 ની કમીના લીધે હોમોસિસ્ટીનમાં [ હોમોસિસ્ટીન લોહીમાં હાજર હોમોસિસ્ટીન એમીનો એસિડની માત્રાને માપે છે] જાડા લોહીના લીધે ભ્રૂણને નુકશાન થઈ શકે છે. જેના લીધે ઇનફર્ટિલિટીની સમસ્યા વધી જાય છે.
એનીમિયાની સમસ્યા
વિટામિન B 12 આપણાં નર્વસ સિસ્ટમને મજબૂત રાખવા માટે ખૂબ જરૂરી હોય છે. જો તમે શાકાહારી હોય અને B 12 માટે અન્ય કોઈ સપ્લીમેંટ નથી લેતા તો તમને આની વધુ ઉણપ જણાય શકે છે. કોઈ વિકાર હોય તો તમે પણ આ વિટામિનની ઉણપથી પીડાય શકો છો. તેની કમિના લીધે લાલ રક્ત કણો નથી બનતા જેના લીધે લોહીની કમી થવા લાગે છે. જેનાથી તમને એનીમિયા થઈ શકે છે.
વિટામિન B 12 ની ઉણપને આ રીતે પુરી કરો
વિટામિન B 12 ની ઉણપને પુરી કરવા માટે તમારા આહારમાં ઈંડા, દૂધ, દહી, કેળાં, બદામ, ટામેટાં, ટોફુ, અંકુરિત અનાજ, મશરૂમ, માછલી અને માંસ વિટામિનથી ભરપૂર ખોરાકને તમારા આહાર સમાવેશ કરવો જોઇએ. તમારા શરીરમાં વધુ વિટામિન B 12 ની કમી જણાય તો તમારે ડૉક્ટરની સલાહથી વિટામિન B 12 ના સપ્લીમેન્ટ લેવા જોઇએ.
