By Assembly election 2024: ખંભાત, વિજાપુર, વાઘોડિયા, પોરબંદર અને માણાવદર વિધાનસભા બેઠકો પર પેટાચૂંટણી લોકસભાની ચૂંટણી સાથે યોજાશે
Share
લોકસભાની ચૂંટણીના પડઘમ વાગી ગયા છે. આજે ચૂંટણી પંચે પણ સત્તાવાર રીતે ચૂંટણી તારીખો જાહેર કરી દીધી છે. ચૂંટણી પંચે મતદાન તારીખથી લઈ મતદાન ગણતરી સુધીના તમામ કાર્યક્રમ સત્તાવાર રીતે જાહેર કરી દીધું છે. ત્યારે આ બધાની સાથે વિધાનસભાની ખાલી બેઠકોને લઈ પેટા ચૂંટણીની પણ જાહેરાત કરી દીધી છે. આપને જણાવીએ કે, ગુજરાતની 5 વિધાનસભા બેઠકો પર પેટા ચૂંટણી યોજાવાની છે. ત્યારે ખંભાત, વિજાપુર, વાઘોડિયા, પોરબંદર અને માણાવદર વિધાનસભા બેઠકો પર પેટાચૂંટણી યોજાશે. આ પેટા ચૂંટણીને લઈ ભાજપ-કોંગ્રેસે પોત પોતાના ઉમેદવારોની પસંદગીને લઇને કવાયત તેજ કરી દીધી છે.
— VTV Gujarati News and Beyond (@VtvGujarati) March 16, 2024
7 મેના રોજ ગુજરાતમાં મતદાન થશે
દેશમાં 26 વિધાનસભા બેઠકોની પેટા ચૂંટણી પણ લોકસભા ચૂંટણીની સાથે યોજાશે. અત્રે જણાવીએ કે, દેશમાં લોકસભાની ચૂંટણી 7 તબક્કામાં યોજાશે. જેમાં ગુજરાતમાં ત્રીજા તબક્કામાં મતદાન થશે. અત્રે જણાવીએ લોકસભાની ચૂંટણીનો પરિણામ 4 જૂને રજૂ કરાશે. પ્રથમ તબક્કામાં ચૂંટણી 19 અપ્રિલના રોજ યોજાશે. 7 મેના રોજ ગુજરાતમાં મતદાન થશે
5 વિધાનસભા બેઠક પર પેટા ચૂંટણી
આ 6 બેઠકની વાત કરીએ તો આ પહેલા 4 બેઠકો પર કોંગ્રેસે જીત હાંસલ કરી હતી. જ્યારે એક બેઠક પર 1 SS જીતી હતી અને 1 અપક્ષના નેતાએ જીતી હતી પરંતુ આ છ બેઠક પરથી ધારાસભ્યોએ પોતાના પદ પરથી રાજીનામું આપતા હવે 5 બેઠકો પર પેટા ચૂંટણી યોજાવા જઈ રહી છે.
વર્તમાનમાં કયાં પક્ષ પાસે કેટલા ધારાસભ્ય બળ
વર્ષ 2022ની વિધાનસભાની ચૂંટણીમાં ગુજરાતની તમામ 182 બેઠકો પર ચૂંટણી યોજાઈ હતી. જે ચૂંટણીમાં ભાજપે 156 બેઠકો પર જીત મેળવી હતી. જ્યારે કોંગ્રેસને 17 બેઠકો મેળવી હતી અને AAPએ 5 તેમજ અપક્ષ 3 અને સમાજવાદી પાર્ટીએ 1 બેઠક મેળવી હતી. પરંતુ સમયજતા અત્યાર સુધીમાં 6 ધારાસભ્યોએ પદ પરથી અને પક્ષમાંથી રાજીનામુ આપી દેતા છ બેઠકો અત્યારે ખાલી પડી છે. જે 6માં 4 કોંગ્રેસ તેમજ 1 AAP અને એક અપક્ષના ધારાસભ્યએ રાજીનામુ આપતા અત્યારની સ્થિતિએ ભાજપ પાસે 156 બેઠકો છે જ્યારે કોંગ્રેસ પાસે 13 અને આમ આદમી પાર્ટી પાસે 4 અને અપક્ષ પાસે 2 અને સપા પાસે 1 બેઠક છે તો 6 બેઠકો ખાલી પડી છે. જેમાંથી પાંચ બેઠકોને ચૂંટણીની જાહેરાત છે
દેશમાં 26 વિધાનસભા બેઠકોની પેટા ચૂંટણી પણ લોકસભા ચૂંટણીની સાથે ચૂંટણી યોજાશે. અત્રે જણાવીએ કે, દેશમાં લોકસભાની ચૂંટણી 7 તબક્કામાં યોજાશે. જેમાં ગુજરાતમાં ત્રીજા તબક્કામાં મતદાન થશે
કોણ ઉમેદવાર હશે ?
સૂત્રો પાપ્ત વિગતો મુજબ ભાજપ આ વખતે આ તમામ બેઠક પર કદાચ પક્ષ પલટો કરી આવેલા પૂર્વ ધારાસભ્યોને ચૂંટણી મેદાનમાં ઉતારી શકે છે. જ્યારે કોંગ્રેસ 5 બેઠકો પરથી કોને ઉતારે તે સૌથી મોટો પ્રશ્ન છે કારણ કે, ચાર બેઠકો પરથી કોંગ્રેસી ધારાસભ્ય જ પક્ષપલટો કરીને ભાજપમાં જોડાયા છે. તો બીજી તરફ એક સવાલ એ પણ છે કે, આમ આદમી પાર્ટી વિધાનસભાની પેટા ચૂંટણીમાં તેમના ઉમેદવારો રાજકીય ઉતારશે કે કેમ ? કારણ કે, લોકસભાની ચૂંટણીને લઈ AAP અને કોંગ્રેસની ગઠબંધનની ગાંઠ વળી ગઈ છે.
'ચૂંટણીનો પર્વ દેશનો ગર્વ '
મુખ્ય ચૂંટણી કમિશનર રાજીવ કુમારે કહ્યું કે, ચૂંટણીનો પર્વ દેશને ગર્વ છે. તેમણે માહિતી આપતા કહ્યું કે, ચૂંટણીમાં 10.5 લાખ પોલિંગ સ્ટેશન રહેશે. દેશમાં કુલ મતદાતાઓ 96.8 કરોડ છે. જેમાં પુરૂષ મતદાતા 49.7 કરોડ છે જ્યારે 47.1 કરોડ મહિલાઓ છે તેમજ ટ્રાન્સજેન્ડર મતદાતાઓ 48 હજાર છે. વધુમનાં વિગતો આપતા કહ્યું હતું કે, પ્રથમવાર મતદાન કરતા મતદાતાઓ (18-19 વર્ષ) 1.8 કરોડ છે. તો 85 વર્ષથી વધુ ઉંમરના 82 લાખ મતદાતાઓ છે
મુખ્ય ચૂંટણી કમિશનર રાજીવ કુમાર જણાવ્યું કે, 96.8 કરોડ નોંધાયેલા મતદારો નોંધાયા છે. જેની સામે 10.5 લાખ મતદાન મથકો, 1.5 કરોડ મતદાન અધિકારીઓ અને સુરક્ષા કર્મચારીઓ, 55 લાખ EVM, 4 લાખ વાહનો છે. ચૂંટણીમાં બળ અને ધનના ઉપયોગને રોકવા માટે ચૂંટણી કમિશન કટિબદ્ધ છે. ચૂંટણીમાં હિંસાને કોઈ સ્થાન નથી, જે રોકવા માટે કડક પગલા લેવામાં આવશે.
