ગીર સોમનાથ / LIST: ઉના ચેકપોસ્ટ તોડકાંડના ઘેરા પ્રત્યાઘાતો, 49 પોલીસ કર્મચારી પર ગાજ, છૂટયા ટ્રાન્સફર ઓર્ડર

• ગીર સોમનાથની ઉના ચેકપોસ્ટ તોડકાંડના ઘેરા પ્રત્યાઘાતો 
• જિલ્લા પોલીસ વડાએ પોલીસ કર્મચારીના બદલીના કર્યા આદેશ
• પોલીસ કર્મચારી અને ASIને અન્ય જગ્યા પર કરાઈ બદલી
• મોટા ભાગના કર્મચારીને ઊના થી કોડીનારમાં બદલી કરાઈ

ગીર સોમનાથ જિલ્લામાં પોલીસના તોડકાંડ ઉઘાડો પાડયા બાદ હડકંપ મચી ગયો હતો. મળતિયાઓ મારફતે ઉનામાં પ્રવાસીઓનો તોડ થયો હોવાનું સામે આવ્યું હતું. દીવથી આવતા પ્રવાસીઓ પાસે ધમકીથી ઉધરાણાનો પર્દાફાશ થયા બાદ આ ઉના ચેકપોસ્ટ તોડકાંડના ઘેરા પ્રત્યાઘાતો પડ્યા છે. પોલીસની આબરૂ ધૂળધાણી થયા બાદ જિલ્લા પોલીસ વડાએ પોલીસ કર્મચારીની  બદલીનો ઘણવો કાઢ્યો છે. એસપી દ્વારા પોલીસ કર્મચારી અને ASIની અન્ય જગ્યા પર બદલી કરવામાં આવતા હાલ આ બદલી જિલ્લા ભરમાં ચર્ચાના એરણે ચડી છે. 

ગીર સોમનાથની ઉના ચેકપોસ્ટ તોડકાંડના ઘેરા પ્રત્યાઘાતો, જિલ્લા પોલીસ વડાએ 49 પોલીસ કર્મચારીના બદલીના કર્યા આદેશ, પોલીસ કર્મચારી અને ASIને અન્ય જગ્યા પર કરાઈ બદલી, કોડીનારના મોટાભાગના પોલીસ કર્મચારીને ઉના તાલુકા પોલીસ મથકમાં આપી નિમણૂક#Girsomnath #Una #vtvgujarati pic.twitter.com/zl54uS9Taa

— VTV Gujarati News and Beyond (@VtvGujarati) January 10, 2024

કોડીનારના મોટાભાગના પોલીસ કર્મચારીને ઉના તાલુકા પોલીસ મથકમાં આપી નિમણૂક 
મોટા ભાગના કર્મચારીને ઊનાથી કોડીનારમાં બદલી કરી ફરજ સોંપવામાં આવી છે. જ્યારે કોડીનારના મોટાભાગના પોલીસ કર્મચારીને ઉના તાલુકા પોલીસ મથકમાં નિમણૂક અપાઈ છે. નોંધનિય છે કે આ મામલે ઉનાના PI,ASI અને વચેટિયા વિરૂદ્ધ FIR કરાઈ હતી. PI એન.કે.ગોસ્વામી વિરૂદ્ધ  ફરિયાદ બાદ વચેટિયા નિલેશ તડવીની ધરપકડ કરાઈ છે. બાદ 30મી ડિસેમ્બરે ACBએ ઉના પોલીસે ખાનગી વ્યક્તિની ધરપકડ કરી હતી. બાદમાં આ આકરી કાર્યવાહી કરવામાં આવી છે.

30મી ડિસેમ્બરે ACBએ ઉના પોલીસે ખાનગી વ્યક્તિની ધરપકડ કર્યા બાદ કાર્યવાહી
ઉલ્લેખનીય છે કે આ અગાઉ ગીર સોમનાથના ઉનાના PI ના ક્વાર્ટર્સને સીલ કરાયુ હતું. ACB ની ટીમે ઉના પોલીસ લાઈનમાં આવેલા ક્વાટર્સને સીલ કર્યુ હતું. જ્યારે દીવ ચેકપોસ્ટ ઉપર તોડકાંડનો મામલો બહાર આવતા PI અને ASI ભૂગર્ભમાં ઉતરી ગયા હતા.