લોકસભા 2024 / ચૂંટણીમાં સોશિયલ મીડિયા પર ખબર રાખવા સાયબર સેલની રચના, હેલ્પ લાઇન નંબર જાહેર

લોકસભા ચૂંટણી જાહેર થઈ ચૂકી છે. જેના પગલે ચૂંટણી પંચ, પોલીસ સહિતનું તંત્ર કામે લાગ્યુ છે. ત્યારે અમદાવાદ સાયબર આચાર સંહિતા ભંગ કરતા શખ્સો સામે કાર્યવાહી કરવા સાયબર સેલની રચના કરી છે. સાયબર ક્રાઈમના DCP અજીત રાજીયણને નોર્ડલ ઓફિસર તરીકે નિમણૂક કરવામાં આવી છે

સોશિયલ મીડિયા પર બાજ નજર
સાયબર સેલ દ્વારા અમદાવાદમાં SMS અને સોશિયલ મીડિયા પર સતત મોનેટરીંગ કરવામાં આવી રહ્યું છે. જેમાં આપત્તિજનક મેસેજ ,સોશિયલ મીડિયા પર પોસ્ટ તેમજ યુ-ટ્યુબ પર ઓડિયો કે વીડિયો દ્વારા આચારસંહિતા કે કાયદા વ્યવસ્થાને નુકશાન પહોચાડનાર શખ્સો સામે કાયદેસરની કાર્યવાહી કરવામાં આવશે. 

વાંચવા જેવું: આજે 4 અકસ્માત: સુરેન્દ્રનગરમાં ટ્રક ઘુસી જતાં કાકા ભત્રીજાનું મોત, તો અમદાવાદમાં નશેડી કોન્સ્ટેબલની કરતૂતે કર્યા ઘાયલ

હેલ્પ લાઈન નંબર જાહેર કરાયો
જેમાં લોકપ્રતિનિધિ કલમ 1951 તેમજ ચૂંટણી આચારસંહિતા 1961 મુજબ કાયદેસરની કાર્યવાહી કરવામાં આવશે. આ ઉપરાંત નાગરિકો માટે એક હેલ્પલાઈન વોટ્સએપ નંબર 9974011140 જાહેર કર્યો છે. જેના પર લોકો પણ આવી પોસ્ટની માહિતી સાયબર ક્રાઈમ સુધી પહોંચાડી શકશે. સાયબર ક્રાઇમનાં અધિકારીઓ વાધાંજનક પોસ્ટ કે મેસેજ નહી કરવા નાગરિકોને અપીલ પણ કરી રહ્યાં છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો