- કાઉંટી ચેંપિયનશિપ દરમિયાન બની વિચિત્ર ઘટના
- પ્લેયરે છગ્ગો ફટકાર્યો, એમ્પાયરે પણ સિક્સ જાહેર કર્યો
- પરંતુ પછી સામેની ટીમે કર્યો ખુલાસો
બેટ્સમેને છગ્ગો ફટકાર્યો અને અંપાયરે સિક્સનો ઈશારો પણ કરી દીધો પરંતુ પછી એ જ બોલ પર બેટ્સમેન આઉટ જાહેર થયો. આ ઘટના સાંભળવામાં થોડી વિચિત્ર લાગે છે પરંતુ ઈંગ્લેંડમાં ચાલતી કાઉંટી ચેંપિયનશિપ ડિવિઝન વનમાં મેચ દરમિયાન કંઈક આવું જ બન્યું હતું. ખ્યાતનામ પ્લેયર ટોબી રોલેંડ જોંસની સાથે જ આ બનાવ બન્યો હતો. જુઓ વીડિયો.
થોડી સેકેન્ડસમાં જ છગ્ગો આઉટમાં ફેરવાઈ ગયો
ટોબી રોલેંડ છગ્ગો ફટકાર્યાં બાદ ખુશ થઈ ગયાં હતાં પરંતુ તેમની આ ખુશી થોડી સેકેન્ડ્સ માટે જ ટકી રહી. થોડી જ ક્ષણમાં એમ્પાયેરે તેમને આઉટ જાહેર કરી દીધાં. જોંસે 50મી ઓવરનાં છેલ્લા બોલમાં છગ્ગો ફટકાર્યો અને કોઈ રન પણ ન લીધો. તેમણે બોલને બાઉંડ્રીની બહાર પણ ફેંકી દીધો હતો. ફીલ્ડ એમ્પાયરે સિક્સનો ઈશારો પણ કર્યો પરંતુ સામેની ટીમનાં વિકેટકીપર બર્ગેસે અંપાયરનું ધ્યાન સ્ટંપ તરફ વાળ્યું. વિકેટ બેલ્સ નીચે પડી ગયાં હતાં એટલે કે જોંસે જ્યારે છગ્ગો હિટ કર્યો ત્યારે બેટ સ્ટંપને અડકી ગયો હતો અને તેઓ આઉટ થયાં હતાં.
કાઉંટી ચેંપિયનશિપ દરમિયાન બની ઘટના
બર્મિઘમમાં મિડલસેક્સ અને વોરિકશોયરની વચ્ચે મેચ રમાઈ રહી હતી. આ મેચમાં વોરિકશોયરની ટીમ 22.5 ઓવરમાં 66 રન બનાવી શકી. મિડિલસેક્સનાં કેપ્ટન પ્રથમ ઈનિંગમાં રોલેંડ 9માં ક્રમ પર બેટિંગ કરવા માટે ઊતર્યાં હતાં. તે સમયે ટીમનો સ્કોર 43.1 ઓવરમાં 7 વિકેટ પર 148 રન હતો. જોંસે 50મી ઓવરનાં છેલ્લા બોલમાં છગ્ગો ફટકાર્યો ત્યારે આ સમગ્ર બનાવ બન્યો હતો.
રોલેંડ જોંસનો વીડિયો સોશિયલ મીડિયા પર વાયરલ
સોશિયલ મીડિયા પર રોલેંડ જોંસનો આ વીડિયો વાયરલ થઈ રહ્યો છે. લોકો અલગ-અલગ પ્રકારની કમેંટ કરી રહ્યાં છે. મિડિલસેક્સે પહેલી ઈનિંગમાં 199 રન બનાવ્યાં હતાં.
