- રાજકોટમાં ભારત-ઈગ્લેન્ડ વચ્ચે રમાશે ત્રીજી ટેસ્ટ મેચ
- 15 ફેબ્રુઆરીએ રાજકોટનાં ખંઢેરી સ્ટેડિયમ ખાતે શરૂ થશે ટેસ્ટ મેચ
- બંને ટીમોને કાઠીયાવાડી અંદાજમાં વેલકમ કરવામાં આવશે
ભારત-ઈગ્લેન્ડ વચ્ચેની ત્રીજી ટેસ્ટ મેચ આગામી તા. 15 ફેબ્રુઆરીથી રાજકોટ ખાતે રમાનાર છે. ભારત અને ઈગ્લેન્ડની ટીમ વચ્ચે ટેસ્ટ માટે બંને ટીમનું રાજકોટમાં આગમન થશે. આવકતીકાલે ટીમ ઈંડિયા રાજકોટ આવી પહોંચશે. તેમજ ટીમ ઈંડિયાના સદસ્યોનું કાલાવડ રોડ ખાતે સયાજી હોટેલમાં આવતીકાલે આગમન થશે. ઈગ્લેન્ડની ક્રિકેટ ટીમ સોમવારે રાજકોટ આવશે. ઈગ્લેન્ડની ટીમનો ઉતારો 150 ફૂટ રોડ ઉપરની ફોર્ચ્યુન હોટેલ ખાતે રાખવામાં આવ્યો છે. બંને ટીમોને કાઠીયાવાડી અંદાજમાં વેલકમ કરવામાં આવશે. ટીમ ઈન્ડિયાના અડધા ખેલાડીઓ આવતીકાલે આવશે.
ટેસ્ટ મેચને લઈ ટિકિટનાં દર પણ નક્કી કરવામાં આવ્યા
ભારત-ઈગ્લેન્ડ વચ્ચે 5 ટેસ્ટની શ્રેણી હાલ ચાલી રહી છે. જેમાંથી ત્રીજી ટેસ્ટ મેચ તા. 15 થી 19 ફ્રેબુઆરી દરમ્યાન રાજકોટ ખાતે ખંઢેરી સ્ટેડિયમ ખાતે રમાનાર છે. જેને લઈ સૌરાષ્ટ્ર ક્રિકેટ એસોસિયેશન દ્વારા તડામાર તૈયારીઓ હાથ ધરી છે. રાજકોટમાં રમાનારી ભારત-ઈગ્લેન્ડ વચ્ચેની ટેસ્ટ મેચને લઈ ટિકિટનાં દર 500 થી 25000 નક્કી કરવામાં આવી છે.
વધુ વાંચોઃ ગ્રાન્ટ માટે તરસી રહી છે નવસારીની આંગણવાડી: પગારમાંથી નાસ્તો કરાવતા વર્કર્સે કહ્યું- અમારા બાળકોનું શું?
ટેસ્ટ મેચ રમાવાની હોવાથી ક્રિકેટ રસીકોમાં અનેરો ઉત્સાહ
ભારત અને ઈગ્લેન્ડ વચ્ચે રમાનાર ટેસ્ટ ટેસ્ટ સિરીઝની ત્રીજી મેચ રાજકોટ ખાતે રમાનાર છે. 11 ફેબ્રુઆરીનાં રોજ ભારતીય ટીમનાં ખેલાડીઓ રાજકોટ આવી પહોંચશે. અને હોટલ સયાજી ખાતે રોકાશે. જ્યારે તા, 12 મી ફેબ્રુઆરીનાં રોજ ઈગ્લેન્ડની ટીમ રાજકોટ આવશે.જે 150 ફૂટ રિંગ રોડ પર આવેલ ફોર્ચ્યુંન હોટલમાં રોકાશે. રાજકોટમાં ટેસ્ટ મેચ રમાવાની હોવાથી ક્રિકેટ રસીકોમાં અનેરો ઉત્સાહ જોવા મળી રહ્યો છે.
