મહામારી / દેશમાં કોરોનાના વધતા કહેર વચ્ચે સીરમ ઇન્સ્ટિટ્યૂટે આપી ખુશખબર, હવે શરુ કર્યું આ મોટું કામ

• સિરમ ઈન્સ્ટીટ્યુટે કોરોનોની બીજી રસી Covovax ની ટ્રાયલ શરુ કરી
• કોવિશિલ્ડ સિરમ ઈન્સ્ટીટ્યુટની પહેલી રસી
• સીઈઓ અદાર પૂનાવાલાએ ટ્વિટ કરીને આપી જાણકારી

અગાઉ જૂન સુધીમા Covovax લોન્ચ કરવાની આશા રાખનાર અદાર પૂનાવાલાએ આજે બપોરે ટ્વિટ કરીને જણાવ્યું કે સપ્ટેમ્બરના અંત સુધીમાં Covovax લોન્ચ કરવાની કંપનીની ગણતરી છે. બ્રિટનમાં Covovax ની ટ્રાયલ થઈ હતી તેમાં આ રસી 89.3 ટકા અસરકારક સાબિત થઈ છે. અને આફ્રિકન અને યુકે વેરિએન્ટની સામે પણ ટેસ્ટ કરાઈ છે. 

Covovax trials finally begin in India; the vaccine is made through a partnership with @Novavax and @SerumInstIndia. It has been tested against African and UK variants of #COVID19 and has an overall efficacy of 89%. Hope to launch by September 2021! https://t.co/GyV6AQZWdV

— Adar Poonawalla (@adarpoonawalla) March 27, 2021

પૂનાવાલાએ જણાવ્યું કે અમેરિકાની રસી બનાવતી કંપની Novavax ની સાથે મળીને Covovax બનાવાઈ રહી છે. તેમણે કહ્યું કે ભારતમાં તેની ટ્રાયલ શરુ કરાઈ છે. સપ્ટેમ્બર 2021 માં ભારતમાં લોન્ચ કરવાની આશા છે. 

ઉલ્લેખનીય છે કે Covovax સિરમ ઈન્સ્ટીટ્યુટની બીજી રસી છે. આ પહેલા સિરમ ઈન્સ્ટીટ્યુટની કોવિશિલ્ડને ડીસીજીઆઈની મંજૂરી મળી ચૂકી છે. કોવિશિલ્ડને બીજા દેશોમાં પણ મોકલાઈ રહી છે. 
SIIએ ભારતમાં વેક્સિનની જરૂરિયાતોને પ્રાથમિકતા આપવા કહ્યું છે. સીરમ ઇન્સ્ટીટ્યૂટ ઑફ ઇન્ડિયા જ કોવિશીલ્ડ રસીનું ઉત્પાદન કરી રહ્યું છે અને ઑક્સફોર્ડ યૂનિવર્સિટી અને બ્રિટિશ-સ્વીડિશ કંપની એસ્ટ્રાજેનકાએ વિકસિત કર્યું છે.અદાર પૂનાવાલાએ કહ્યું કે, પ્રિય દેશો અને સરકારો, જેવું કે તમે લોકો કોવિશીલ્ડ વેક્સિનની સપ્લાઈની રાહ જોઇ રહ્યા છે. હું તમે સૌને વિનમ્ર નિવેદન કરું છું કે તમે સૌ ધીરજ રાખો. સીરમ ઇન્સ્ટીટ્યૂટ ઑફ ઇન્ડિયાએ ભારતમાં વેક્સિનની ભારે જરૂરિયાતોને પ્રાથમિકતા આપવા આદેશ આપ્યો છે. સાથે જ અન્ય દેશોની જરૂરિયાતોને પૂર્ણ કરવા માટે સંતુલન બનાવવાના પ્રયત્નો કરી રહ્યા છે. અમે પોતાની તરફથી સંપૂર્ણ પ્રયત્ન કરી રહ્યા છીએ.