- વડોદરા હરણી તળાવ બોટ દુર્ઘટના મામલો
- પોલીસે 6 આરોપીઓને કોર્ટમાં રજૂ કરી રિમાન્ડ માંગ્યા
- રિમાન્ડ દરમ્યાન હજુ પણ થઈ શકે છે ચોંકાવનારા ખુલાસા
વડોદરા હરણી તળાવ બોટ દુર્ઘટના મામલે પોલીસે અત્યાર સુધી કુલ 6 આરોપીઓની ધરપકડ કરી છે. પોલીસ દ્વારા નામદાર કોર્ટ સમક્ષ આરોપીઓના રિમાન્ડ મેળવવાની તજવીજ હાથ ધરી હતી. સરકાર વકીલ અનિલ દેસાઈ અને સિનિયર વકીલ હિતેશ ગુપ્તાએ આરોપીઓના રિમાન્ડ માટે ધારદાર દલીલો કરી હતી. જે દલીલોને કોર્ટે ગ્રાહ્ય રાખી કોર્ટ દ્વારા તમામ આરોપીઓના 5 દિવસના રિમાન્ડ મંજૂર કર્યા હતા. રિમાન્ડ દરમ્યાન આરોપીઓની પૂછતાછમાં હજુ પણ ચોંકાવનારા ખુલાસા થઈ શકે છે. તેમજ મેસર્સ કોટીયા પ્રોજેક્ટનાં સંચાલકો, ભાગીદારો તેમજ ડાયરેક્ટરની શોધખોળ ચાલી રહી છે. પરેશ શાહ અને નિલેશ જૈનને શોધા પોલીસે વિવિધ ટીમો બનાવી છે.
આરોપીઓ સામે લૂક આઉટ નોટિસ બહાર પાડી છેઃ વડોદરા પોલીસ કમિશ્નર
વડોદરા બોટ દુર્ઘટના મામલે પોલીસ કમિશ્નર અનુપમસિંહ ગેહલોતે નિવેદન આપ્યું હતુ કે, આરોપીઓ સામે લૂક આઉટ નોટિસ બહાર પાડી છે. તેમજ આરોપીઓ વિદેશ ભાગી ન જાય તે માટે પાસપોર્ટ ઓફીસની મદદ લેવામાં આવી છે. ગઈકાલે આરોપીઓ પકડાયા તેમના મોબાઈલની ચકાસણી કરાઈ હતી. તેમજ આરોપીની કડકાઈથી પૂછપરછ પણ કરાઈ હતી.
વધુ વાંચોઃ વડોદરા હરણીકાંડ પર મોટું અપડેટ, 10 દિવસમાં ખબર પડી જશે શું બન્યું હતું? કલેક્ટરે કર્યું એલાન
આવકનું રિપોર્ટિંગ પરેશ શાહ અને નિલેશ જૈનને રોજ સ્ટાફ આપતો હતો
આરોપીઓ કબૂલાત કરી કે ડોલ્ફીન નામની કંપનીને પેટા કોન્ટ્રાક્ટ આપ્યો હતો. જે કંપની નિલેશ જૈનની હતી. તેમજ આવકનું રિપોર્ટીંગ પરેશ શાહ અને નિલેશ જૈનને રોજ સ્ટાફ આપતો હતો. ટીકીટ વેચાણની માહિતી પણ પરેશ શાહ અને નિલેશ જૈનને આપવામાં આવતી હતી. પરેશ શાહ અને નિલેશ જૈનને આખરે પોલીસે આરોપી બનાવ્યો હતો. પરેશ શાહનો હરણી લેક ઝોનમાં મુખ્ય રોલ હતો. તેમજ હાલ પરેશ શાહ, પુત્ર, પુત્રી અને તેની પત્નિ મળી ચારેયને આરોપી બનાવાયા છે.
