કોરોના વાયરસ / વડોદરાના યુવકનો કોરોના પોઝિટિવ કેસ, યુવકના પિતા શ્રીલંકાના પ્રવાસે ગયા હતા

• વડોદરામાં કોરોના વાયરસનો વધુ એક કેસ પોઝિટીવ
• નિઝામપુરા વિસ્તારના યુવકનો કોરોનાનો કેસ પોઝિટિવ આવ્યો
• યુવાનના પિતા અને અન્ય લોકો શ્રીલંકાના પ્રવાસે ગયા હતા

વડોદરામાં વધુ એક વ્યક્તિ કોરોના રિપોર્ટ પોઝિટિવ આવ્યો છે. નિઝામપુરા વિસ્તારના યુવકનો કેસ કોરોના પોઝિટિવ કેસ આવતા તંત્ર ચિંતિત બન્યું છે. યુવાનના પિતા અને અન્ય લોકો શ્રીલંકાના પ્રવાસે ગયા હતા. ત્યારબાદ યુવાનના પિતાનો ટેસ્ટ કોરોના પોઝિટિવ આવ્યો હતો. વધુ એક રિપોર્ટ પોઝિટિવ આવતા વડોદરામાં કોરોનાના પોઝિટવ કેસની સંખ્યા વધીને 7 થઈ ગઈ છે.

રાજકોટમાં 2 વધુ દર્દીઓના કોરોના રિપોર્ટ પોઝિટિવ

રાજકોટમાં 2 વધુ દર્દીઓના કોરોનાનો રિપોર્ટ પોઝિટિવ આવ્યો છે. જેથી હવે રાજકોટમાં કોરોનાના દર્દીની સંખ્યા વધીને 3 થઈ ગઈ છે. રાજકોટના કુલ 12 દર્દીઓના સેમ્પલ રિપોર્ટ માટે મોકલાયા હતા. જેમાંથી 2 લોકોના રિપોર્ટ નેગેટિવ આવતા તંત્ર દોડતું થયું છે. જામનગરની  જી.જી હોસ્પિટલમાં કુલ 22 નમૂનાનું પરીક્ષણ કરાયું હતું. 20 દર્દીઓના રિપોર્ટ નેગેટિવ આવ્યા છે. જે બે દર્દીના રિપોર્ટ નેગેટિવ તેમાંથી એક દર્દીની ઉંમર 75 વર્ષ છે. હાલ આ બંને દર્દી સારવાર હેઠળ છે.

ગુજરાતમાં અત્યાર સુધીમાં કોરોનાના કુલ 36 કેસ

આજે અમદાવાદમાં કોરોનાનો એક પણ નવો કેસ નથી નોંધાયો. અમદાવાદમાં કુલ 13 પોઝિટિવ વ્યક્તિઓની સારવાર ચાલી રહી છે. અત્યાર સુધીમાં ગુજરાતમાં કોરોનાના કુલ 36 કેસ નોંધાયા છે. આજે સુરતમાં 2 અને વડોદરામાં 2 નવા કેસ સામે આવ્યા છે. સુરતમાં 2 નવા કેસ આવતા કુલ પોઝિટિવ કેસની સંખ્યા 6 પર પહોંચી છે. રાજકોટમાં મંગળવારે 2 નવા કેસ નોંધાયા હતા. રાજકોટમાં હાલ 1 કોરોના પોઝિટિવ વ્યક્તિની સારવાર ચાલી રહી છે. વડોદરામાં કુલ 3 નવા કેસ મળતા કુલ પોઝિટિવ કેસ 7 થયા છે. ગાંધીનગરમાં કોરોના પોઝિટિવ એક પણ નવો કેસ નથી મળ્યો. ગાંધીનગરમાં કુલ 6 કોરોના પોઝિટિવ વ્યક્તિઓ સારવાર હેઠળ છે. કચ્છમાં પણ નવો કેસ નોંધાયો નથી. 1 વ્યક્તિની સારવાર ચાલી રહી છે. આમ, અમદાવાદ-13, સુરત-6, વડોદરા-6, ગાંધીનગર-6, રાજકોટ-1, કચ્છ-1 કોરોનાનો દર્દી સારવાર હેઠળ છે.