રાજકોટ / ઈફ્કોમાં જયેશ રાદડિયાનું રાજ જશે? બીપીન પટેલને યોગેશ પટેલનો ટેકો, આજે સાંજે પરિણામ

સહકારી ક્ષેત્રની સૌથી મોટી સંસ્થા ઇફ્કોના ડિરેક્ટર પદ માટે ચૂંટણી યોજાવા જઈ રહી છે. દિલ્હીમાં ઈફ્કોની ચૂંટણી માટે મતદાન થવાનું છે. ઈફ્કોનાં ચેરમેન દિલીપ સંઘાણી પણ દિલ્હી પહોંચ્યા હતા. તેમજ સૌરાષ્ટ્રનાં 100 થી વધુ મતદારો દિલ્હી પહોંચ્યા છે. ભાજપમાંથી ઈફ્કોની ચૂંટણીમાં બિપીન પટેલને મેન્ડેટ આપ્યું હતું. સાંજે 4 વાગ્યા બાદ ચૂંટણીનું પરિણામ જાહેર થયા બાદ કોણ બાજી મારશે તે ખબર પડે.

175થી વધુ મતદાતા મતદાન કરે તેવી સંભાવના

ઈફ્કોની ચૂંટણીમાં બિપિન પટેલ અને જયેશ રાદડિયા વચ્ચે જંગ જામ્યો છે. ત્રીજા ઉમેદવાર પંકજ પટેલે બિપિન પટેલને સમર્થન કરતા હવે બે ઉમેદવારો વચ્ચે ખરાખરીનો જંગ જામ્યો છે. ઈફ્કોની એક બેઠક માટે ત્રણ ઉમેદવારોએ ફોર્મ ભર્યા છે. બિપિન પટેલ, જયેશ રાદડિયા અને પંકજ પટેલે ઉમેદવારી નોંધાવી છે. છેલ્લી ઘડીએ પંકજ પટેલે બિપિન પટેલને સમર્થન જાહેર કર્યું હતું. આજે ફક્તે બે ઉમેદવાર માટે મતદાન યોજાશે. કુલ 182 મતદારમાંથી 170 જેટલા મતદારોએ મતદાન કર્યું હતું. જ્યારે 4 થી 5 મદતારો વિદેશમાં રહેવા હોવાથી તેમનો સંપર્ક થવા પામ્યો ન હતો. જેથી તેઓ મતદાન કરી શકશે નહી. 175 થી વધુ મતદાતા મતદાન કરે તેવી શક્યતા છે.

ચૂંટણીમાં ભાજપના મેન્ડેટથી બિપિન પટેલ લડી રહ્યા છે ચૂંટણી

ઈફ્કોની ચૂંટણીને લઈ ખરાખરીનો જંગ જામ્યો છે. ઈફ્કોની ચૂંટણીમાં મોડાસાનાં પંકજ પટેલે બિપિન પટેલને ટેકો જાહેર કર્યો હતો. અપક્ષ ઉમેદવારી કરનારા પંકજ પટેલે બિપિન પટેલને સમર્થન કર્યું હતું. ચૂંટણીમાં ભાજપનાં મેન્ડેટથી બિપિન પટેલ ચૂંટણી લડી રહ્યા છે. ઈફ્કોની ચૂંટણીમાં પૂર્વ મંત્રી જયેશ રાદડિયાએ પણ ઉમેદવારી નોંધાવી છે.