- નયનતારાની ફિલ્મ Annapooraniને લઈ વિવાદ વધી રહ્યો છે.
- આ ફિલ્મને હવે નેટફ્લિક્સ પરથી પણ હટાવી દેવામાં આવી છે.
- એક સીનમાં ભગવાન રામને માંસાહારી તરીકે દર્શાવવામાં આવ્યા છે.
નયનતારાની ફિલ્મ અન્નપૂરાણીને(Annapoorani) લઈને વિવાદ વધી રહ્યો છે. જ્યારે આ ફિલ્મ સિનેમાઘરોમાં રીલિઝ થઈ ત્યારે તેને સારો પ્રતિસાદ મળ્યો ન હતો પરંતુ જ્યારે તે OTT પર આવી ત્યારે હોબાળો શરૂ થયો છે. લવ જેહાદને પ્રોત્સાહન આપવા અને હિંદુઓની ધાર્મિક લાગણીઓને ઠેસ પહોંચાડવા બદલ નયનતારાની ફિલ્મ વિરુદ્ધ પહેલા FIR દાખલ કરવામાં આવી હતી. હવે આ ફિલ્મ નેટફ્લિક્સ પરથી પણ હટાવી દેવામાં આવી છે.
વાત એમ છે કે ફિલ્મના એક સીનમાં ભગવાન રામને માંસાહારી તરીકે દર્શાવવામાં આવ્યા છે. જેના કારણે લોકોની ધાર્મિક ભાવનાઓને ઠેસ પહોંચી હતી.. શિવસેનાના ભૂતપૂર્વ નેતા રમેશ સોલંકીએ 6 જાન્યુઆરીએ ફિલ્મ અન્નપૂર્ણીના નિર્માતાઓ વિરુદ્ધ મુંબઈમાં ફરિયાદ નોંધાવી હતી. વિવાદ વધ્યા બાદ નેટફ્લિક્સ પરથી ફિલ્મને હટાવી દેવામાં આવી હતી.
હવે લોકો એવું માની રહ્યા છે કે ફિલ્મના વિવાદાસ્પદ દ્રશ્યોને એડિટ કરીને ફરીથી નેટફ્લિક્સ પર મૂકવામાં આવશે. ફિલ્મના સહ-નિર્માતા ઝી સ્ટુડિયોએ રમેશ સોલંકીએ નોંધાવેલી FIRનો જવાબ આપ્યો. રમેશે આ વાત સોશિયલ મીડિયા પર શેર કરી છે. એવું કહેવામાં આવ્યું હતું કે ઝી તેના સાથી નિર્માતાઓ સાથે મળીને લોકોની ફરિયાદો દૂર કરવાનો પ્રયાસ કરશે. તેમણે Netflixને તેના પ્લેટફોર્મ પરથી ફિલ્મને તાત્કાલિક અસરથી હટાવવાની સૂચના પણ આપી છે.આ સાથે જ ઝીએ તેના જવાબી મેઈલમાં એમ પણ કહ્યું હતું કે તેનો ઈરાદો હિંદુઓ કે બ્રાહ્મણોની ધાર્મિક લાગણીઓને ઠેસ પહોંચાડવાનો નહોતો. જો તેની ફિલ્મથી લોકોને દુઃખ થયું હોય તો તે તેમની માફી માંગે છે.
વિવાદનું કારણ શું હતું?
ફિલ્મના અનેક દ્રશ્યો પર વાંધો ઉઠાવવામાં આવ્યો હતો. આ ફિલ્મમાં એક બ્રાહ્મણ છોકરીની વાર્તા દર્શાવવામાં આવી છે, જેના પિતા મંદિરના પૂજારી છે. પરંતુ છોકરીએ ટોપ શેફ બનવું છે અને તેના માટે નોન-વેજ ડીશ પણ બનાવી પડે છે. આ છોકરીનો એક મિત્ર તેને આ પડકારોને દૂર કરવામાં મદદ કરે છે, જેમાં નોન-વેજ ફૂડ અને રસોઈ બંનેનો સમાવેશ થાય છે.
વધુ વાંચો: VIDEO: મોઢે માસ્ક, માથે ટોપી... મેટ્રોમાં મુસાફરી કરતા નજરે પડ્યો અક્ષય કુમાર, નજીકમાં રહેલા ફેન્સ પણ ન ઓળખી શક્યા
એક સીનમાં નયનતારાના પાત્રની નોન-વેજ વિશેની ખચકાટ દૂર કરવા માટે, તેનો મિત્ર એક દ્રશ્યમાં કહેતો જોવા મળે છે કે ભગવાન રામ અને તેમના ભાઈ લક્ષ્મણ પણ તેમના વનવાસ દરમિયાન નોન-વેજ ખાતા હતા. આ સાથે જ એક સીનમાં નયનતારા નોન-વેજ બનાવવા માટે હિજાબ પહેરેલી જોવા મળે છે.
