BTP ના પૂર્વ ધારાસભ્યએ થોડા સમય અગાઉ ભાજપ પ્રમુખ સાથે મુલાકાત કર્યા બાદ અનેક ચર્ચાઓ શરૂ થવા પામી હતી. તે તમામ ચર્ચાઓને હવે અંત આવવા પામ્યો છે. આદિવાસી નેતા તેમજ કોંગ્રેસનાં ધારાસભ્ય આગામી સમયમાં તેમનાં ટેકેદારો સાથે ભાજપમાં જોડાશે.
Share
લોકસભાની ચૂંટણી પહેલા ભાજપમાં ભરતી મેળા દ્રશ્યો જોવા મળી રહ્યા છે ત્યારે થોડા દિવસ પહેલા ગુજરાત ભાજપ પ્રદેશ અધ્યક્ષ સી આર પાટીલ અને btp ના પૂર્વ ધારાસભ્ય મહેશ વસાવા સાથે બેઠક થઈ હતી ત્યારે મહેશ વસાવા એ ભાજપ જોડાવાનું નક્કી કર્યું છે અને vtv સાથેની વાતચીતમાં સ્પષ્ટ જણાવ્યું હતું કે 11 માર્ચના રોજ તેઓ કમલમ ખાતે ભાજપમાં કેસરિયો ધારણ કરશે અને ત્યારબાદ મતવિસ્તારમાં શક્તિ પ્રદર્શન પણ કરવામાં આવશે.
ભરૂચ જીલ્લા ભાજપ પ્રમુખે BTP અધ્યક્ષ સાથે બેઠક યોજી હતી
ભરૂચ જીલ્લા ભાજપ પ્રમુખ મારૂતિસિંહ અટોદરીયાએ મહેશ વસાવા સાથે બેઠક કરી હતી. ત્યારે આ બેઠકમાં ભરૂચ લોકસભા સીટનાં ભાજપના ઉમેદવાર મનસુખ વસાવા પણ બેઠકમાં જોડાયા હતા. આ બેઠકમાં આગામી દિવસોમાં થનાર કાર્યક્રમો અંગે ચર્ચા થઈ હતી. BTP ના અધ્યક્ષ મહેશ વસાવા જેઓ છોટુ વસાવાનાં પુત્ર છે.
થોડા સમય પહેલા મહેશ વસાવાએ સી.આર.પાટીલ સાથે મુલાકાત કરી હતી
લોકસભાની ચૂંટણી જેમ જેમ નજીક આવી રહી છે તેમ તેમ રાજકીય માહોલ જોરદાર ગરમાઈ રહ્યો છે. અત્યારે જોડ તોડ અને ભરતી મેળાની મોસમ ફૂલબહારમાં ખીલી છે. અત્રે જણાવીએ કે, BTP અધ્યક્ષ મહેશ વસાવાએ ભાજપ પ્રદેશ અધ્યક્ષ સી આર પાટીલ સાથે મુલાકાત કરી છે. જેઓ ટૂંક સમયમાં ભાજપમાં જોડાઈ શકે છે.
ભરૂચમાં 7 વિધાનસભામાંથી 6 ભાજપ પાસે છે
લોકસભાની ચૂંટણી લઈ ભાજપએ ભરૂચ બેઠક પર આમ આદમી પાર્ટી ઉમેદવાર ચૈતર વસાવા સામે મજબૂત ટક્કર લેવા માટે રાજકીય ચોગઠા ગોઠવવાનું શરૂ કરી દીધું છે. જેનો માસ્ટર સ્ટોક પ્રથમ મહેશ વસાવાને ભાજપમાં લઈ જવાનો કહી શકાય. અત્રે જણાવીએ કે, ભરૂચમાં 7 વિધાનસભામાંથી 6 ભાજપ પાસે છે. ત્યારે એક ડેડિપાડા બેઠક પર આપનો પ્રભાવ છે અને જ્યાં ટક્કર લેવા માટે મહેશ વસાવાને ભાજપમાં ભેળવી દેવાશે.
ભરૂચ બેઠક પર કોંગ્રેસ અને આપનું ગઠબંધન
કોંગ્રેસ તેમજ આમ આદમી પાર્ટી દ્વારા ગુજરાતની બે લોકસભા સીટ પર ગઠબંધન કર્યું છે. જેમાં ભરૂચ લોકસભા સીટ પર આમ આદમી પાર્ટી દ્વારા ચૈતર વસાવાની ટિકીટ આપવામાં આવી છે. જ્યારે ભાજપ દ્વારા મનસુખ વસાવાને ટીકિટ આપવામાં આવી છે. ત્યારે બંને આદિવાસી નેતાઓ દ્વારા પુરજોશમાં પ્રચાર શરૂ કરી દેવામાં આવ્યો છે. હવે કોણ વિજયી બનશે તે આગામી સમયમાં જ ખબર પડશે.
કાર્યકરો પાસે સેન્સ લઈ અરવિંદ લાડાણી છોડી શકે છે કોંગ્રેસ
કોંગ્રેસના વધુ એક ધારાસભ્ય રાજીનામું આપે તેવી સંભાવના છે. માણાવદરનાં ધારાસભ્ય અરવિંદ લાડાણી રાજીનામું આપી શકે છે. અરવિંદ લાડાણીએ પોતાના મત વિસ્તારનાં લોકો સાથે મુલાકાત શરૂ કરી દીધી છે. કાર્યકરો પાસેથી સેન્સ લઈ અરવિંદ લાડાણી કોંગ્રેસ છોડી ભાજપમાં જોડાય તેવી શક્યતાઓ છે. હવે અર્જુન મોઢવાડીયા ગ્રુપનાં વધુ એક નેતા અરવિંદ લાડાણી ભાજપમાં જોડાતા કોંગ્રેસ દ્વારા તેઓને મનાવવા માટે અનેક પ્રયત્નો હાથ ધરવામાં આવ્યા છે.
