યુરોપ પ્રવાસ / G20 ની વચ્ચે યુરોપ પહોંચ્યા કોંગ્રેસ નેતા રાહુલ ગાંધી, ત્યાંનાં સાંસદો મણિપુર મુદ્દે પણ થઈ ચર્ચા

• કોંગ્રેસના નેતા રાહુલ ગાંધી યુરોપના વિવિધ ભાગોની મુલાકાત લેશે
• આ સમયગાળા દરમિયાન ભારતમાં G20 સમિટનું આયોજન થવાનું છે
• રાહુલ ગાંધીએ યુરોપિયન સંસદના કેટલાક સભ્યો સાથે બેઠક કરી 

Rahul Gandhi Europe Tour: કોંગ્રેસ સાંસદ રાહુલ ગાંધી હાલ યુરોપ પ્રવાસ પર છે. કોંગ્રેસના નેતા રાહુલ ગાંધી યુરોપના વિવિધ ભાગોની મુલાકાત લેશે અને વિવિધ કાર્યક્રમોમાં ભાગ લેશે. આ સમયગાળા દરમિયાન ભારતમાં G20 સમિટનું પણ આયોજન થવાનું છે. રિપોર્ટ અનુસાર રાહુલ ગાંધી 11 સપ્ટેમ્બર સુધીમાં ભારત પરત ફરશે અને પાંચ દિવસ સુધી યોજાનાર સંસદના વિશેષ સત્રમાં ભાગ લેશે. 

Shri @RahulGandhi at a round table with MEPs in the European Parliament, co-hosted by MEP Alviina Almetsa (Shadow Rapporteur on EU-India Relationship) and MEP Pierre Larrouturou (portfolios within Parliamentary budget, climate & employment generation).

📍Brussels, Belgium pic.twitter.com/cCoHfa44ra

— Congress (@INCIndia) September 7, 2023

 પ્રથમ દિવસે 7 સપ્ટેમ્બરના રોજ, તેઓ બેલ્જિયમની રાજધાની બ્રસેલ્સ પહોંચ્યા હતા અને  અહેવાલ છે કે અને ગુરુવારે રાહુલ ગાંધીએ બ્રસેલ્સમાં યુરોપિયન સંસદના કેટલાક સભ્યો સાથે બંધ બારણે બેઠક યોજી હતી અને વિવિધ મુદ્દાઓ પર ચર્ચા કરી હતી.  એક અહેવાલ અનુસાર એ બેઠકમાં ચર્ચા કરાયેલા મુદ્દાઓમાંનો એક મણિપુરનો મુદ્દો પણ હતો. જણાવી દઈએ કે બે મહિના પહેલા મણિપુર હિંસા મુદ્દે યુરોપિયન સંસદમાં ચર્ચા થઈ હતી , જેના પર ભારતે સખત વાંધો વ્યક્ત કર્યો હતો.

7 સપ્ટેમ્બરે કોંગ્રેસે મીટિંગનો ફોટો શેર કર્યો હતો
7 સપ્ટેમ્બરે કોંગ્રેસે મીટિંગનો ફોટો શેર કર્યો હતો અને ટ્વીટ કરીને માહિતી આપી હતી, રાહુલ ગાંધીએ યુરોપિયન સંસદના સભ્યો સાથે રાઉન્ડ ટેબલ બેઠકમાં હાજરી આપી હતી. તેમાં સાંસદ અલ્વિના અલ્મેત્સા અને સંસદીય બજેટ, આબોહવા અને રોજગારના પોર્ટફોલિયોવાળા સાંસદ પિયર લારૌતુરો પણ હતા.  જો કે, બ્રસેલ્સમાં થયેલી ચર્ચા સંસદના સત્તાવાર દૈનિક કાર્યસૂચિમાં સામેલ ન હતી. કોંગ્રેસના સૂત્રોએ જણાવ્યું છે કે બ્રસેલ્સમાં યુરોપિયન સાંસદો સાથે રાહુલ ગાંધીની બેઠક સફળ રહી હતી. 

In Manipur, we want democratic rights, harmony and peace between people.

I walked 4000 km for that purpose.

The fight for democracy in India is our responsibility, and we will take care of it. The opposition will make sure that the onslaught on our institutions and freedom… pic.twitter.com/i9sDhHhZoj

— Congress (@INCIndia) September 8, 2023

પહેલા પણ મણિપુર હિંસા મુદ્દે યુરોપિયન સંસદમાં ચર્ચા થઈ હતી
હકીકતમાં, 12 જુલાઈના રોજ યુરોપિયન સંસદમાં મણિપુર હિંસા પર ચર્ચા થઈ હતી. યુરોપિયન સંસદમાં આઠમાંથી ઓછામાં ઓછા છ રાજકીય જૂથોએ દરખાસ્તો રજૂ કરી હતી. એક અહેવાલ મુજબ, ઠરાવમાં ભાજપના નેતાઓ પર દ્વેષપૂર્ણ ભાષણ અને કેન્દ્ર સરકાર પર વિભાજનકારી નીતિનો અમલ કરવાનો આરોપ લગાવવામાં આવ્યો છે. બીજી તરફ, તેમણે AFSPA (આર્મ્ડ ફોર્સિસ સ્પેશિયલ પાવર એક્ટ), UAPA, FCRA જેવા કાયદાના દુરુપયોગનો પણ આરોપ લગાવ્યો.

જ્યારે ચર્ચાનો મુદ્દો આવ્યો ત્યારે ભારતે પોતાનો વાંધો વ્યક્ત કરતા કહ્યું હતું કે આ દેશનો આંતરિક મુદ્દો છે. વિદેશ મંત્રાલયના પ્રવક્તા અરિંદમ બાગચીએ યુરોપિયન સંસદને એમના પોતાના આંતરિક મુદ્દાઓ પર સમયનો ઉપયોગ કરવાની સલાહ આપી હતી.