વેરવિખેર.. / સિંધિયા, પ્રસાદ અને હવે મિલિન્દ: એક બાદ એક સાથ છોડી રહ્યા છે રાહુલ ગાંધીના જૂના સાથી

• 2019ની લોકસભા ચૂંટણી બાદ ઘણા મોટા નેતાઓએ કોંગ્રેસ પાર્ટી છોડી દીધી 
• કેપ્ટન અમરિંદર સિંહ, ગુલામ નબી આઝાદ, જ્યોતિરાદિત્ય સિંધિયા જેવા નેતા સામેલ
• રાહુલ ગાંધીની ભારત જોડો ન્યાય યાત્રા શરૂ થાય તે પહેલા લાગ્યો ફટકો
• 55 વર્ષથી કોંગ્રેસ સાથે રહેલા મોટા નેતા મિલિંદ દેવરાએ કોંગ્રેસને અલવિદા કહી દીધું

2019ની લોકસભા ચૂંટણી બાદ ઘણા મોટા નેતાઓએ કોંગ્રેસ પાર્ટી છોડી દીધી હતી. જેમાં કેપ્ટન અમરિંદર સિંહ, ગુલામ નબી આઝાદ, જ્યોતિરાદિત્ય સિંધિયા જેવા નેતાઓનો સમાવેશ કરવામાં આવ્યો છે. રાહુલ ગાંધીની ભારત જોડો ન્યાય યાત્રા શરૂ થાય તે પહેલા મહારાષ્ટ્રમાં પાર્ટીને મોટો ઝટકો લાગ્યો છે. 55 વર્ષથી કોંગ્રેસ સાથે રહેલા રાજ્યના મોટા નેતા મિલિંદ દેવરાએ કોંગ્રેસને અલવિદા કહી દીધું. તેમણે સોશિયલ મીડિયા દ્વારા રાજીનામાની માહિતી આપી હતી. લોકસભાની ચૂંટણી પહેલા કોંગ્રેસ સંગઠનમાં ભંગાણના કારણે ફરી એકવાર ચર્ચાએ જોર પકડ્યું છે કે તાજેતરના સમયમાં કોંગ્રેસના અનેક મોટા નેતાઓએ પાર્ટી કેમ છોડી? આમાંના મોટાભાગના નેતાઓ રાહુલ ગાંધીની નજીક રહ્યા છે.

કેપ્ટન અમરિન્દર સિંહ 

નવેમ્બર 2021માં કોંગ્રેસના મોટા નેતાઓમાં સામેલ કેપ્ટન અમરિંદર સિંહે પાર્ટી છોડી દીધી હતી. તેઓ પંજાબના મુખ્યપ્રધાન હતા પરંતુ નવેમ્બર 2021માં તેમણે પાર્ટી સાથે મતભેદ થતાં કોંગ્રેસમાંથી રાજીનામું આપી દીધું હતું. તેમણે પંજાબ લોક કોંગ્રેસ નામની અલગ પાર્ટી બનાવી છે અને ભાજપ સાથે મળીને 2022ની વિધાનસભા ચૂંટણી લડી છે.

ગુલામ નબી આઝાદ 

ઈન્દિરા ગાંધીના યુગથી રાહુલ ગાંધીના યુગ સુધી કોંગ્રેસના મોટા નેતાઓમાં સામેલ ગુલામ નબી આઝાદે પણ ઓગસ્ટ 2022માં પાર્ટીને અલવિદા કહી દીધું હતું. જમ્મુ-કાશ્મીરના પૂર્વ મુખ્યમંત્રી આઝાદે ડેમોક્રેટિક આઝાદ પાર્ટીના નામથી અલગ પાર્ટી બનાવી છે.

આરપીએન સિંહ 

એ જ રીતે જાન્યુઆરી 2022માં આરપીએન સિંહે પણ કોંગ્રેસ છોડી દીધી હતી. સિંહ, જે ઝારખંડ અને છત્તીસગઢના પ્રભારી હતા, તેમણે બાદમાં ભાજપનું સભ્યપદ લીધું.

કોંગ્રેસને અલવિદા કહેનારા અન્ય નેતાઓમાં જિતિન પ્રસાદે રાજીનામું આપ્યું અને જૂન 2021 માં ભાજપનું સભ્યપદ લીધું. સપ્ટેમ્બર 2021 માં, ગોવાના ભૂતપૂર્વ મુખ્ય પ્રધાન લુઇઝિન્હો ફ્લ્યુરીઓએ રાજીનામું આપ્યું અને TMCનું સભ્યપદ લીધું. મેઘાલયના ભૂતપૂર્વ મુખ્ય પ્રધાન, મુકુલ સંગમાએ પણ રાજીનામું આપ્યું અને નવેમ્બર 2021 માં TMCમાં જોડાયા. ફેબ્રુઆરી 2022 માં ચૂંટણી પહેલા અશ્વિની કુમાર જેઓ અગાઉ કેન્દ્રીય મંત્રી પણ રહી ચૂક્યા છે, તેમણે રાજીનામું આપ્યું. આસામ કોંગ્રેસના પૂર્વ અધ્યક્ષ રિપુન બોરાએ પણ એપ્રિલ 2022માં કોંગ્રેસને અલવિદા કહી દીધું હતું.

જ્યોતિરાદિત્ય સિંધિયા

કોંગ્રેસના મજબૂત નેતાઓમાં સામેલ જ્યોતિરાદિત્ય સિંધિયાએ પણ માર્ચ 2020માં પાર્ટી છોડી દીધી હતી. તેઓ ચાર વખત સાંસદ છે અને હાલમાં ભાજપ સરકારમાં નાગરિક ઉડ્ડયન મંત્રી છે.

સુષ્મિતા દેવ 

ઓગસ્ટ 2021માં કોંગ્રેસ પ્રવક્તા સુષ્મિતા દેવે પણ પાર્ટી છોડી દીધી હતી. મૂળ બંગાળી સમુદાયમાંથી, સુષ્મિતા અને તેના પરિવારનો આસામ તેમજ ત્રિપુરા અને પશ્ચિમ બંગાળમાં પ્રભાવ છે.

કપિલ સિબ્બલ

વરિષ્ઠ નેતા કપિલ સિબ્બલે, સુપ્રીમ કોર્ટના ઉગ્ર વકીલોમાંના એક, મે 2022 માં કોંગ્રેસને અલવિદા કહ્યું હતું. કોંગ્રેસ સરકારમાં ભૂતપૂર્વ કેન્દ્રીય મંત્રી સિબ્બલે તે સમયે રાજ્યસભાની ચૂંટણી માટે સ્વતંત્ર ઉમેદવારી નોંધાવી હતી, જેને સમાજવાદી પાર્ટી (SP)નું સમર્થન મળ્યું હતું.

જ્યારે મે 2022માં પાટીદાર સમાજના અગ્રણી નેતા સુનીલ જાખડ અને હાર્દિક પટેલે પણ કોંગ્રેસ છોડી દીધી હતી. બાદમાં સુનિલ જાખર અને હાર્દિક પટેલે ભાજપનું સભ્યપદ લીધું હતું.

વધુ વાંચો : રાહુલ ગાંધીની ન્યાય યાત્રા પહેલા કોંગ્રેસને બેવડો ફટકો, મિલિંદ દેવરા બાદ હવે આસામના આ મોટા નેતાએ આપ્યું રાજીનામું