- CNG-PNGના ભાવમાં થઇ શકે છે ઘટાડો
- કમિટીએ સરકારને કરી ભલામણો
- રિપોર્ટમાં પ્રાકૃતિક ગેસને GST અંતર્ગત લાવવા ભલામણ
દિલ્હી: કિરીટ પારેખની અધ્યક્ષતાવાળી કમિટીએ બુધવારે સરકારને ગેસનાં ભાવ નિર્ધારણ ફોર્મુલા પર પોતાના તૈયાર કરેલ રિપોર્ટને સોંપી દીધેલ છે. પારેખે કહ્યું કે પ્રાકૃતિક ગેસને જીએસટીની અંદર લાવવું જરૂરી છે કારણકે તમામ વસ્તુઓને GSTની અંતર્ગત લેવામાં આવેલ છે. એક સૂચન પણ એવું પણ મૂકવામાં આવેલ છે કે કેન્દ્ર પાંચ વર્ષ સુધી રાજ્યનાં નુક્સાનની ચૂકવણી પણ કરે.
ગૈસ આધારિત અર્થવ્યવસ્થા પર સૂચન
કિરીટ પારેખ સમિતિએ ભારતમાં ગેસ આધારિત અર્થવ્યવસ્થાને પ્રોત્સાહન આપવા માટે બજારલક્ષી, પારદર્શક અને વિશ્વસનિય ભાવો નિર્ધારિત કરવાનું સૂચન પણ આપ્યું છે. સમિતિને એ પણ નક્કી કરવાનું હતું કે અંતિમ ગ્રાહકને યોગ્ય ભાવે ગેસ CNG પ્રાપ્ત થાય.
સમિતિએ આપ્યું આ સૂચન
આ પેનલે ગેસ પ્રાઇસ પર લગાવવામાં આવતી સીમાઓને આવનારાં 3 વર્ષો માટે પૂરું કરી દેવાનું સૂચન આપ્યું છે. સાથે જે દેશમાં જૂનાં ગેસ ફિલ્ડથી ઉત્પાદન થનારા પ્રાકૃતિક ગેસનાં પ્રાઇસ બેન્ડને 4 થી 6.5 ડોલર પ્રતિ યૂનિટ નક્કી કરવાની ભલામણ કરી છે. તેનાથી નિશ્ચિત થશે કે ગયાં વર્ષની જેમ ઉત્પાદન ખર્ચની નીચે ન આવે અથવા હાલનાં દરોની જેમ રિકોર્ડ ઊંચાઇઓ સુધી ન પહોંચે. સમિતિએ સરકારથી ગેસ પ્રાઇસનાં ભાવોને કાચાં તેલનાં ભાવ સાથે જોડવાની ભલામણ પણ કરી છે.
દરવર્ષે ભાવ વધારાની કરી છે ભલામણ
કિરિટ પારેખ સમિતિએ જૂનાં ગેસ ફિલ્ડથી ઉત્પાદન થતાં પ્રાકૃતિક ગેસનાં ભાવોને દર વર્ષે વધારવાની જ ભલામણ કરી છે. સાથે જ પેનલે 1 જાન્યુઆરી 2027થી ગેસના ભાવ બજાર કિંમતોના આધારે નક્કી કરવાની વાત કરી છે.
ઘરેલુ ગેસની કિંમતોની સમીક્ષા કરવાનું કામ સોપ્યું હતું
સરકારે સપ્ટેમ્બર 2022માં દેશમાં ઉત્પાદન થનારા ઘરેલુ ગેસની કિંમતોની સમીક્ષા કરવા માટે યોજના આયોગનાં પૂર્વ સદસ્ય અને એનર્જી સેક્ટરનાં જાણકાર કિરીટ પારેખની અધ્યક્ષતામાં પેનલનું ગઠન કરવામાં આવ્યું હતું. આ કમિટીમાં ફર્ટિલાઇઝર મિનિસ્ટ્રીથી લઇને ગેસ ઉત્પાદક અને ગ્રાહકોનાં પ્રતિનિધિઓ પણ સમાવિષ્ટ હતાં. સામાન્ય જનતાને ગેસ સસ્તા ભાવે મળે તે માટે યોજના બનાવવાની જવાબદારી પારેખનાં હસ્તક હતી.
