કેન્દ્ર સરકારે નાગરિકતા સંશોધન કાયદો એટલે કે CAAને લાગુ કરવાનું નોટિફિકેશન જાહેર કરી દીધુ છે. તેની સાથે જ હવે નાગરિકતા સંશોધન કાયદો દેશભરમાં લાગુ કરી દેવામાં આવ્યો છે. નાગરિકતા સંશોધનનું બિલ ડિસેમ્બર 2019માં સંસદના બન્ને સદનોમાં પાસ થઈ ગયું હતું.
કેન્દ્રીય ગૃહમંત્રી અમિત શાહે એક્સ પર લખ્યું, "મોદી સરકારે નાગરિકતા સંશોધન નિયમ, 2024 નોટિફિકેશન જાહેર કરી દીધુ છે. એવામાં પાકિસ્તાન, બાંગ્લાદેશ અને અફઘાનિસ્તાનમાં ધાર્મિક ઉત્પીડનના કારણે ભારત આવેલા અલ્પસંખ્યકોને અહીંની નાગરિકતા મળી જશે."
ત્યાર બાદ કાયદામંત્રી અર્જુન રામ મેઘવાલે લખ્યું, "જે કહ્યું, તે કર્યું... મોદી સરકારે સીએએનું નોટિફિકેશન જાહેર કરી પોતાની ગેરેન્ટી પુરી કરી."
પરંતુ તેની સાથે જ હવે તેનો વિરોધ પણ શરી થઈ ગયો છે. પશ્ચિમ બંગળા અને કેરળ સરકારે તેનો વિરોધ કર્યો છે. પશ્ચિમ બંગાળની મુખ્યમંત્રી મમતા બેનર્જીએ કહ્યું કે હજુ નિયમ જોયો છે નિયમ જોયા બાદ જ કંઈક કહી શકાશે. જોકે તેમણે કહ્યું કે જો ધર્મ, જાતિ અને ભાષાના આધાર પર કોઈ ભેદભાવ થાય છે તો અમે તેને મંજૂર નહીં કરીએ.
ત્યાં જ કેરળના મુખ્યમંત્રી પિનરાઈ વિજયને કહ્યું કે અમારી સરકાર ઘણી વખત કહી ચુકી છે કે અમે CAAને લાગુ નહીં થવા દઈએ. જે મુસ્લિમોને બીજા વર્ગના નાગરિક માને છે. તે સાંપ્રદાયિક કાયદાના વિરોધમાં આખુ કેરળ એક સાથે ઉભુ હશે. એવામાં સવાલ ઉઠે છે કે શું કેરળ અને બંગાળ જેવા રાજ્યોમાં CAA લાગુ નહીં થાય?
અહીં લાગુ નહીં થાય CAA?
CAAનું નોટિફિકેશન સરકારે ભલે જાહેર કરી દીધુ હોય પરંતુ હજુ પણ આ આખા દેશભરમાં લાગુ નહીં થાય. કાયદા અનુસાર અસમ, મેઘાલય, મિઝોરમ અને ત્રિપુરાના જેવા આદિવાસી વિસ્તારોમાં CAA લાગુ નહીં થાય જેને બંધારણની છઠ્ઠી સૂચિ હેઠળ સંરક્ષિત કરવામાં આવ્યું છે. તેની સાથે જ ઈનર લાઈટ પરમિટ સિસ્ટમ વાળા પૂર્વોત્તરના રાજ્યોમાં પણ આ લાગુ નહીં થાય.
વધુ વાંચો: PM મોદી આજે ગુજરાત પ્રવાસે: 85 હજાર કરોડના વિકાસકાર્યોનો કરશે શિલાન્યાસ, દેશને મળશે નવી 10 વંદે ભારત
ઈનર લાઈન પરમિટ અને બંધારણની છઠ્ઠી સૂચિ પૂર્વોત્તર રાજ્યોના અમુક વિસ્તારોમાં જનજાતી સમૂહોને સંરક્ષણ આપવાના હેતુથી લાગુ કરવામાં આવ્યું હતું. મણિપુર પહેલા ઈનર લાઈન પરમિટમાં ન હતુ આવતું પરંતુ બાદમાં તેને પણ તેમાં શામેલ કરવામાં આવ્યું. ઈનર લાઈન પરમિટ એક પ્રકારનું યાત્રા દસ્તાવેજ હોય છે જે એક મર્યાદિત સમય માટે બીજા રાજ્યોના લોકોને યાત્રા કરવા માટે આપવામાં આવે છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
