હેલિકોપ્ટર ક્રેશ / VIDEO : શહીદ પૃથ્વી સિંહના અંતિમ સંસ્કારની હૃદયદ્રાવક ઘટના, દીકરા-દીકરીએ જે કર્યું તે જાણીને રડવું નહી રોકાય

• હેલિકોપ્ટર ક્રેશમાં શહીદ વિંગ કમાન્ડર પૃથ્વી સિંહના અંતિમ સંસ્કાર 
• 9 વર્ષીય દીકરા અવિરાજે પિતાના પાર્થિવ દેહ પરથી કેપ ઉઠાવીને પહેરી લીધી
• અવિરાજની માતાએ કેપ 12 વર્ષની દીકરીને પહેરાવી
• 12 વર્ષની દીકરી બોલી, પિતાની જેમ એરફોર્સમાં જોડાઈશ 

 અંતિમ સંસ્કારમાં શહીદના 9 વર્ષીય દીકરા અવિરાજ અને 12 વર્ષની દીકરી આરાધ્યાએ જે કર્યું તે જોઈને હાજર લોકોના કાળજે કરવત ફરી વળી હતી. દીકરા અવિરાજે પિતાના શબ પર રાખેલી કેપ ઉઠાવી લીધી અને પહેરી લીધી હતી અને પિતાને સલામી આપી. ત્યાર બાદ અવિરાજની માતાએ કેપ તેમની 12 વર્ષની દીકરી આરાધ્યાને પહેરાવી દીધી હતી. આરાધ્યાએ પણ કેપ પહેરીને પિતાને આખરી સલામી આપી. 

Salute from a Son!
Young son of Brave #IAF Wing Commander Prithvi Singh Chauhan ji salutes his father’s mortal remains after wearing his IAF cap during the final journey. The officer was pilot of the chopper which unfortunately crashed killing 13 onboard. pic.twitter.com/3YDm18MY8n

— Kuljeet Singh Chahal 🇮🇳 (@kuljeetschahal) December 11, 2021

મોટી થઈને પિતાની જેમ એરફોર્સમાં જોડાઈશ
આવા ગંભીર પ્રસંગે પણ આરાધ્યાએ જે કહ્યું તે તો ખરેખર જાણવા જેવું હતું. આરાધ્યાએ કહ્યું કે હું મોટી થઈને પિતાની જેમ એરફોર્સમાં જોડાઈશ. પિતાને મુખાગ્નિ આપ્યા બાદ આરાધ્યાએ જણાવ્યું કે પિતા મારે માટે હીરો હતા અને હું તેમના પગલે ચાલવા માગુ છું. પિતા હમેંશા મને અભ્યાસમાં ધ્યાન આપવાની સલાહ આપતા. 

ડીએનએ ટેસ્ટને કારણે ઓળખ મોડી થઈ

શહીદ પૃથ્વીસિંહની ઓળખ મોડી થઈ હોવાને કારણે તેમના અંતિમ સંસ્કારમાં વાર લાગી હતી. આજે સવારે તેમનો મૃતદેહ તેમના ગામ પહોંચાડાયો હતો. તેમના અંતિમ સંસ્કારમાં આખુ ગામ હીબકે ચડ્યું હતું.