મિશન મૂન / ચંદ્ર પર સૂર્યોદય છતાં પણ ચંદ્રયાન-3ને આજે નહીં જગાડવામાં આવે! ISRO અમદાવાદનાં વૈજ્ઞાનિકે જણાવ્યું મોટું કારણ

• ચંદ્રયાન-3નાં લેન્ડર-રોવર આજે નહીં જાગે
• ISRO અમદાવાદનાં નીલેશ દેસાઈએ આપી માહિતી
• કહ્યું જરૂરી ઊર્જા ન મળતાં આજે જગાડવામાં નહીં આવે

Chandrayaan 3નાં વિક્રમ લેન્ડર અને પ્રજ્ઞાન રોવર આજે એટલે કે 22 સપ્ટેમ્બર 2023નાં નહીં જાગે. અમદાવાદમાં સ્થિત ઈસરોનાં સ્પેસ એપ્લિકેશન સેંટરનાં ડાયરેક્ટર નીલેશ દેસાઈએ કહ્યું કે ISRO ચંદ્રયાન-3 એટલે કે લેન્ડર-રોવરને આવતીકાલ 23 સપ્ટેમ્બરનાં જગાડવાનો પ્રયાસ કરશે. હાલમાં આ બંને નિષ્ક્રિય સ્થિતિમાં છે.

Although it may be sad that we haven't heard from #Chandrayaan3 yet it's entirely possible it is fine and simply didn't respond to the @ESA Kouruo signal and presumably commands from @ISRO earlier. Assuming that's what Kouruo was up to. Lets give it time and vigilance.

— Scott Tilley 🇺🇦 (@coastal8049) September 22, 2023

ચંદ્ર પર સૂર્યોદય
ચંદ્ર પર સૂર્યોદય તો થઈ ગયો છે પરંતુ ચંદ્રયાન-3નાં લેન્ડર અને રોવરને હજુ સુધી જરૂરી હોય તેટલી ઊર્જા નથી મળી શકી. ચંદ્રયાન-3 તરફથી કેટલાક ઈનપુટ મળ્યાં છે જેની ઈસરો વૈજ્ઞાનિકો તપાસ કરી રહ્યાં છે. છેલ્લાં 10 દિવસોનાં ડેટાને એનાલાઈઝ કરવામાં આવી રહ્યું છે. આ દરમિયાન પ્રજ્ઞાન રોવરે 105 મીટર સુધી મૂવમેંટ પણ કર્યું છે.

ચંદ્રનાં તાપમાનની ચંદ્રયાન પર થઈ શકે છે અસર
અત્યાર સુધી લેન્ડર-રોવર સ્લીપ મોડમાં હતાં. તે સમયે ચંદ્રનાં દક્ષિણી ધ્રુવીય વિસ્તારમાં તાપમાન માઈનસ 120થી માઈનસ 220 ડિગ્રી સેલ્સિયસ હતો. આવું તાપમાન યંત્રોનાં સર્કિટને બગાડી શકે છે. આ તાપમાનની અસર લેન્ડર અને રોવર પર કેટલી થઈ છે તે તો ચંદ્રયાન-3નાં જાગ્યા બાદ જ જાણી શકાશે. 

I'm left to conclude this signal is not #Chandrayaan3 but it is interesting as nothing else I have logged in the past matches this from the Moon. The signal does have characteristics similar to US classified objects observed in the GEO belt. But this is another mystery... 🛑 pic.twitter.com/LxYIJYIgdT

— Scott Tilley 🇺🇦 (@coastal8049) September 22, 2023

યૂરોપિયન સ્પેસ એજન્સી ચંદ્રયાન-3ને મોકલી રહી છે સંદેશાઓ
આજે વહેલી સવારે યૂરોપિયન સ્પેસ એજન્સીનાં કોરોઉ સ્પેસ સ્ટેશનથી ચંદ્રયાન-3નાં લેન્ડર વિક્રમને સતત સંદેશાઓ મોકલવામાં આવી રહ્યાં છે. પરંતુ લેન્ડરની તરફથી મળતાં રિસપોન્સ ઘણાં કમજોર છે. એટલે કે જે પ્રકારની રેડિયો ફ્રિક્વેંસી મળવી જોઈએ એ નથી મળી રહી.- આ દાવો એમેચ્યોર એસ્ટ્રોનોમર સ્કોટ ટાઈલીએ કર્યો છે. તેણે ટ્વીટમાં લખ્યું કે આ ખરાબ ન્યૂઝ છે કે ચંદ્રયાન-3ની ચેનલ પર 2268 મેગાહર્ટસનું ઉત્સર્જન થઈ રહ્યું છે. આ એક કમજોર બેન્ડ છે. એટલે કે ચંદ્રયાન-3નાં લેન્ડર પાસેથી હજુ સુધી કોઈ મજબૂત સિગ્નલ નથી મળી શક્યાં.