મોટી આગાહી / નવરાત્રીમાં ભારે પવન-કરા સાથે વરસાદની શક્યતા, ખેલૈયાઓની મજા બગાડશે મેઘરાજા, જાણો કારણ

 

• નવરાત્રીમાં વરસાદની કરવામાં આવી છે આગાહી
• 17થી 19 વચ્ચે પશ્ચિમી વિક્ષેપને લઈ વરસાદની શક્યતા
• હિમાચલથી ગુજરાતના ભાગોમાં કમોસમી વરસાદની શક્યતા

Rain Forecast in Gujarat: દેશભરમાં મોસમ અચાનક મિજાજ બદલી રહ્યું છે, ક્યાંક કેટલાંક રાજ્યોમાં વિદાયનો સિલસિલો જારી છે, ક્યાંક ઠંડીએ દસ્તક દીધી છે તો ક્યારેક ગરમી, ક્યારેક વરસાદ તો ક્યારેક વાવાઝોડું અનુભવાય છે. હાલમાં હિમાચલ, દિલ્હી સહિત કેટલાક રાજ્યોમાં ચોમાસું ફરી એક્ટિવ થતાં કેટલાક રાજ્યોમાં ભારે વરસાદનું એલર્ટ હવામાન વિભાગે જારી રહ્યું છે. તો આ વચ્ચે ગુજરાતમાં પણ વરસાદની શક્યતા વ્યક્ત કરવામાં આવી છે.

નવરાત્રીમાં વરસાદની શક્યતા 
ગુજરાતમાંથી ચોમાસાએ સત્તાવાર રીતે વિવાદ લઈ લીધી છે. ચોમાસાની વિદાય છતાં નવરાત્રીમાં વરસાદની શક્યતા હવામાન નિષ્ણાંતો દ્વારા વ્યક્ત કરવામાં આવી રહી છે. એવું કહેવામાં આવી રહ્યું છે કે આગામી 17 ઓક્ટોબરથી 19 ઓક્ટોબરની વચ્ચે પશ્ચિમી વિક્ષેપને લઈને ભારે પવન અને કરા સાથે વરસાદની શક્યતા છે. આ 17થી 19 ઓક્ટોબર દરમિયાન હિમાચલથી ગુજરાતના ભાગોમાં કમોસમી વરસાદની શક્યતા છે. 

કેટલાક ભાગોમાં થઈ શકે છે હિમવર્ષા
એવું પણ કહેવામાં આવી રહ્યું છે કે, તા.9 સુધી આવેલા વેસ્ટર્ન ડિસ્ટર્બન્સને લઈ ગુજરાતના કેટલાક ભાગોમાં હિમવર્ષા થઈ શકે છે. 12 ઓક્ટોબરે અરબસાગરમાં હાઈ પ્રેશર બનશે. 20 ઓક્ટોબર બાદ બંગાળના ઉપસાગરમાં ચક્રવાતની શક્યતા છે. 

14 ઓક્ટોબર સુધી વરસાદની સંભાવના નહીવતઃ હવામાન વિભાગ
અમદાવાદ કેન્દ્રના હવામાન વિભાગના ડાયરેક્ટર ડો. મનોરમા મોહંતીએ જણાવ્યુ છે કે, આ શનિવાર સુધીમાં એટલે 14મી ઓક્ટોબર સુધીમાં વરસાદ પડવાની કોઇ સંભાવના નથી. હવામાન વિભાગની આ આગાહીને કારણે ક્રિકેટરસિકો ખુશ ખુશાલ જોવા મળી રહ્યા છે.

અંબાલાલે કરા પડવાની કરી આગાહી
તો બીજી બાજુ અંબાલાલ પટેલે જણાવ્યું છે કે, 14 અને 15 ઓક્ટોબરે એક વેસ્ટર્ન ડિસ્ટર્બન્સ આવશે. જેના કારણે રાજસ્થાન, જમ્મુ-કાશ્મીર, પંજાબ, હરિયાણા, હિમાલયના ભાગોમાં કરા પડી શકે છે. જેથી ગુજરાતમાં ઠંડીનો અનુભવ થશે.