તમારા કામનું / અમાસના દિવસે એક નહીં બે ખાસ સંયોગ, બસ આ ઉપાય કરવાથી પિતૃ અને કાલસર્પ દોષથી મળશે મુક્તિ

• કાલસર્પ દોષથી મળે છે છુટકારો 
• પિતૃદોષના કારણે નથી મળતી પ્રસિદ્ધી 
• ચૈત્ર અમાસ છે ખાસ 

હિન્દુ ધર્મમાં અમાસ અને પૂનમ તિથિનું વિશેષ મહત્વ છે. કહેવાય છે કે અમાસ તિથિ પિતૃ દોષથી મુક્તિ મેળવવા માટે ખાસ છે. તેથી આ દિવસે પિતૃદોષથી મુક્તિ મેળવવા માટે ઉપાય કરવામાં આવે છે. જ્યોતિષ શાસ્ત્રના નિષ્ણાંતો કહે છે કે જે લોકોમાં પિતૃ દોષ હોય છે. તેમની પ્રગતિમાં હંમેશા કોઈને કોઈ અવરોધ આવે છે. આ સિવાય બાળકોની ખુશીમાં પણ તેમને અવરોધોનો સામનો કરવો પડે છે. એવામાં જાણીએ કે ચૈત્ર અમાસ ક્યારે છે અને પિતૃ દોષ અને કાલસર્પ દોષમાંથી છુટકારો મેળવવા માટે કયા ઉપાયો કરવા જોઈએ.

ક્યારે છે ચૈત્રી અમાસ?
હિન્દી કેલેન્ડર મુજબ ચૈત્રી અમાસ 31મી માર્ચે બપોરે 12.22 વાગ્યાથી શરૂ થઈ રહી છે. તેમજ અમાસ તિથિ 1 એપ્રિલના રોજ સવારે 11.53 કલાકે સમાપ્ત થશે. જોકે, ઉદયા તિથિ પર આધારિત ચૈત્રી અમાસ 1લી એપ્રિલ, શુક્રવારના રોજ છે. આ દિવસે સવારે 9.37 સુધી બ્રહ્મ યોગ છે. જે પછી ઈન્દ્ર યોગ શરૂ થશે.

પિતૃદોષથી છુટકારો મેળવવાના ઉપાય શું છે?
ધાર્મિક માન્યતાઓ અનુસાર ચૈત્રી અમાસના દિવસે પવિત્ર નદીમાં સ્નાન કર્યા બાદ દાન કરવામાં આવે છે. જો નજીકમાં કોઈ નદી ન હોય તો ઘરમાં પાણીમાં ગંગાજળ ભેળવીને સ્નાન કરવું જોઈએ. જેઓ પિતૃદોષથી પ્રભાવિત હોય છે તેઓ પિતૃઓ માટે તર્પણ, પિંડ દાન અને દાન કરે છે. તેઓ બ્રાહ્મણોને ભોજન પણ આપે છે. ખોરાકનો એક ભાગ કાગડા અને ગાયને ખવડાવવામાં આવે છે. આ પછી અંતમાં પૂર્વજ પાસેથી આશીર્વાદ લેવામાં આવે છે. એવું માનવામાં આવે છે કે આમ કરવાથી પિતૃ દોષમાંથી મુક્તિ મળે છે.

કાલસર્પ દોષથી છુટકારો મેળવવા માટે કયા ઉપાયો જણાવવામાં આવ્યા છે?
ચૈત્રી અમાસ કાલ સર્પ દોષથી મુક્તિ મેળવવા માટે પણ વિશેષ માનવામાં આવે છે. આ દિવસે કાલસર્પ દોષમાંથી મુક્તિ મેળવવા માટે ચાંદીના સાપ અને નાગની પૂજા કરવામાં આવે છે. આ પછી તેને પવિત્ર નદીમાં પધરાવવામાં આવે છે. 

આ સાથે ગાયત્રી મંત્ર અને મહામૃત્યુંજય મંત્રનો પણ જાપ કરવામાં આવે છે. આ ઉપરાંત ત્ર્યંબકેશ્વર, નાસિક અથવા ઉજ્જૈન વગેરે તીર્થસ્થળોમાં નાગની પૂજા કરવાથી કાસ સર્પ દોષમાંથી મુક્તિ મેળવવાની માન્યતા છે.