ઑટો / તૈયાર થઇ જાવ જુલાઇમાં આવી રહ્યા છે 4 જોરદાર બાઇક્સ, Honda ને આપશે ટક્કર

હાલ કંપનીની વેબસાઇટ પર 4 બાઇક્સનો ઉલ્લેખ કરવામાં આવ્યો છે. પરંતુ સૌથી પહેલા કયું બાઇર લૉન્ચ થશે એ માટે વધારે જાણકારી નથી. 

ભારતમાં સીએફ મોટો 300 એનકે, 650 એનકે, 650 એમટી અને 650 જીટી નામનું મૉડલ્સ લૉન્ચ કરવાની તૈયારીમાં છે. આ તમામ મૉડલ્સ પ્રીમિયમ હશે. કંપની સેલ્સ માટે હૈદરાબાદ, બેંગ્લોર, પૂના, મુંબઇ, ગોવા અને કોચીનમાં ડીલરશીપ ખોલશે. એના માટે કંપનીએ બેંગ્લોરની કંપની AMW ને ભારતમાં પોતાની પાર્ટનર બનાવી છે. જેની પાસે એક વર્ષમાં 10 હજાર બાઇક્સ ઉત્પાદન કરવાની ક્ષમતા વાળો પ્લાન છે. 

સોર્સ પ્રમાણે કંપનીની 300NK, 650NK, 650MT અને 650MT બાઇકમાંથી 300NK એન્ટ્રી લેવલ બાઇક હશે જેને સૌથી પહેલા લૉન્ચ કરી શકાય છે. આ સ્ટ્રીટ બાઇક હશે જેમાં સ્પોર્ટી લુક મળશે. તો બીજી બાજુ બાઇકમાં ફુલ એલઇડી હેડલેમ્પ અને ટર્ન ઇન્ડિકેટરક્સ આપવામાં આવ્યા છે. નવી 300 એનકેની સીધી સ્પર્ધા KTM 390 Duke, Honda CB300R અને BMW G310 R જેવી બાઇક્સ સાથે હશે. 

300NK બાદ કંપની પોતાનું આગળનું બાઇક 650MT  ને ભારતમાં લૉન્ચ કરશે. આ એક ટૂરિંગ બાઇક હશે જે લાંબી વિંડસ્ક્રીનની સાથે આવશે. આ બાઇકને ખાસ રીતે લૉન્ગ રાઇડ અને હાઇવેના હિસાબથી જ બનાવવામાં આવ્યું છે. જો કે કંપનીએ આ બાઇક્સની કિંમત માટે કોઇ જાણકારી આપી નથી.