ઉત્તરપ્રદેશ બાદ દિલ્હીમાં પણ હવે સ્ક્રબ ટાઈફસ બિમારીએ એન્ટ્રી કરી છે. જેમા બે બાળકો હાલ હોસ્પિટલમાં સારવાર હેઠળ છે. પરંતુ આ બિમારીને કારણે ડૉક્ટરો પણ ચિંતામાં મુકાઈ ગયા છે.
દિલ્હીમાં જોવા મળ્યા સ્ક્રબ ટાઈફસના કેસ
બે બાળકો હોસ્પિટલમાં સારવાર હેઠળ
નવી બિમારીને લઈને લોકોમાં ભયનો માહોલ
રાજધાની દિલ્હીના બે હોસ્પિટલોમાં હવે સ્ક્રબ ટાઈફસના કેસ જોવા મળ્યા છે. બે બાળકોમાં સ્ક્રબ ટાઈફસના લક્ષણો દેખાયા બાદ ડૉક્ટરો પણ અલર્ટ થઈ ગયા છે. આપને જણાવી દઈએ કે સ્ક્રબ ટાઈફસને કારણે ઉત્તરપ્રદેશના અલગ અલગ વિસ્તારોમાં પહેલાથી લોકો હેરાન પરેશાન થઈ ચુક્યા છે. ત્યારે હવે દિલ્હીમાં પણ તેની એન્ટ્રી થઈ ગઈ છે.
બ્લડ ટેસ્ટમાં રિપોર્ટ આવ્યા સામે
બંને બાળકોને 2 સપ્તાહ સુધી તાવ રહ્યો હતો. જેથી તેમનો બ્લડ ટેસ્ટ કરવામાં આવ્યો ત્યારે જાણ થઈ કે તેમને સ્ક્રબ ટાઈફસ છે. ડૉકટરોનું કહેવું થે કે સ્ક્રબ ટાઈફસ ડેન્ગ્યુના તાવની જેમ કહેર વર્તાવે છે. સાથેજ ડૉક્ટરોનું એમ પણ કહેવું છે કે જો સમયસર ઈલાજ કરવામાં ન આવે તો બાળકનું મોત થઈ શકે છે.
સ્ક્રબ ટાઈફસને કારણે શરીરને ભારે નુકશાન
આપને જણાવી દઈએ કે સ્ક્રબ ટાઈફસના લક્ષણો 7 થી 10 દિવસમાં દેખાવાનું શરૂ થાય છે. જેમા તાવ, શરીરમાં દુખાવ, માથામાં દુખાવો , ઉલ્ટી જેવા લક્ષણો જોવા મળતા હોય છે. સાથેજ સ્ક્રબ ટાઈફસને કારણે શરીરને ભારે નુકશાન પણ થઈ શકે છે.
નથી કોઈ વેક્સિન કે દવા
આપને જણાવી દઈએ કે આ બિમારીને લઈ હજુ સુધી કોઈ દવા કે વેક્સિન પણ નથીશોધાઈ. પરંતુ બાળકોમાં આ રોગ વધારે જોવા મળે છે. જેથી તેમને ગંદગી વાળી જગ્યાઓ પર જતા રોકવા જેથી કરીને તેઓ આ ગંભીર બિમારીનો શિકાર ન બને.
ઉત્તરપ્રદેશમાં સ્ક્રબ ટાઈફસનો હાહાકાર
ઉલ્લેખનીય છે કે આ તાવને કારણે ઉત્તરપ્રદેશમાં પહેલાથી લોકોની હાલ ગંભીર છે. યુપના અલગ અલગ જિલ્લાઓમાં સ્ક્રબ ટાઈફસના કેસ સામે આવ્યા છે. સાથેજ રાજ્યમાં ઘણા લોકોના આ રોગને કારણે મોત થયા છે. ત્યારે વધુમાં દિલ્હીમાં પણ આ તાવ ફેલાતા હવે અહીયાના લોકોમાં પણ ભયનો માહોલ ફેલાઈ ગયો છે.