વાયરલ / VIDEO : હાથી પાસે રિવર્સ ગિયરમાં દોડાવી ગાડી, આનંદ મહિન્દ્રાએ શેર કર્યો વર્લ્ડના બેસ્ટ ડ્રાઈવરનો વીડિયો

• કર્ણાટકના કાબિની રિઝર્વનો વીડિયો વાયરલ
• ચાલતી ગાડીની એકદમ નજીક આવ્યો હાથી
• હાથીને જોતા ડ્રાઈવરે સાંકડા રસ્તા પર રીવર્સ ગીયરમાં ભગાવી ગાડી
• હાથી પાછળ દોડતી ગાડીની આગળ આગળ દોડતો રહ્યો

ઉદ્યોગપતિ આનંદ મહિન્દ્રા સોશિયલ મીડિયા પર અવનવા વીડિયો મૂકવા માટે જાણીતા છે. તેમણે હવે કર્ણાટકના કાબિની રિઝર્વમાં હાથીનો એક અદ્દભુત વીડિયો શેર કર્યો છે. આનંદ મહિન્દ્રાએ સાંકડા રસ્તા પર પાછળ ગાડી ચલાવનાર ડ્રાઈવરને દુનિયાનો બેસ્ટ ડ્રાઈવર ગણાવ્યો છે. વીડિયો શેર કરતાં આનંદ મહિન્દ્રાએ લખ્યું કે ગયા ગુરુવારનો આ કબીની રિઝર્વનો વીડિયો છે. મને એ કહેતા ખૂબ જ આનંદ થાય છે કે આ માણસ વિશ્વનો શ્રેષ્ઠ બોલેરો ડ્રાઇવર છે. હું તેને કેપ્ટન કૂલ ઉપનામ આપું છું. 

35 સેકન્ડનો વીડિયો ચાર લાખ લોકોએ જોયો 
જણાવી દઈએ કે 35 સેકન્ડના આ વીડિયોને લગભગ ચાર લાખ લોકોએ જોયો છે. વીડિયોમાં સ્પષ્ટ જોઈ શકાય છે કે બોલેરો ચલાવતી વખતે હાથી ખૂબ નજીક આવે છે પરંતુ તે વ્યક્તિ ડરતો નથી. તે પાછળની તરફ સ્પીડમાં વાહન ચલાવતો રહે છે. છેવટે હાથી પોતાનો રસ્તો બદલીને નીકળી જાય છે.

This was apparently at the Kabini Reserve last Thursday. I hereby anoint the man at the wheel as the best Bolero driver in the world & also nickname him Captain Cool. pic.twitter.com/WMb4PPvkFF

— anand mahindra (@anandmahindra) September 12, 2022

લોકોએ ડ્રાઈવરને આપી શાબાસી
વીડિયો જોયા બાદ લોકોએ ડ્રાઈવરને ખૂબ શાબાસી આપી છે. બીજા કોઈ હોત તો તે હાથીથી ડરીને ગાડી મૂકીને ભાગી જાત પરંતુ પ્રકાશ નામના ડ્રાઈવરે ખૂબ હિંમતથી રિવર્સ ગિયરમાં ગાડી દોડાવી હતી.