VTV / ગુજરાત / અમદાવાદ / Came to Ahmedabad by flight to save money for cricket betting, broke ATM and stole Rs 10 lakhs, method of theft was astonishing
ધરપકડ / ક્રિકેટના સટ્ટામાં રૂપિયા રોકવા ફ્લાઇટ પકડી અમદાવાદ આવ્યા, ATM તોડી 10 લાખ ઉઠાવ્યા, ચોરીની રીત હેરાનમાં મૂકે તેવી
અમદાવાદ શહેર ક્રાઈમ બ્રાન્ચ અને એલસીબીને ATM ચોરી કરતી આંતર રાજ્ય ગેંગનાં બે આરોપીઓની ધરપકડ કરી છે. પકડાયેલા ગેંગનાં સભ્યોની પૂછપરછ કરતા આશ્ચર્ય ચકિત કરે તેવી વિગત સામે આવી હતી. ઝડપાયેલા બંને આરોપીઓ વિરૂદ્ધ અન્ય રાજ્યોમાં પણ હત્યાનાં અનેક ગુનાઓ નોંધાયેલા છે.
Share
અમદાવાદ ક્રાઈમ બ્રાન્ચ અને એલ.સી.બી. ને મળી મોટી સફળતા
ATM માંથી ચોરી કરતી આંતર રાજ્ય ગેંગની કરી ધરપકડ
એક શહેરમાંથી બીજા શહેરમાં જવા માટે ફ્લાઈટનો ઉપયોગ કરતા
— Ahmedabad Police અમદાવાદ પોલીસ (@AhmedabadPolice) October 1, 2023
ક્રિકેટના સટ્ટાની રમતમાં પૈસા રોકવા માટે ATM તોડી પૈસાની ચોરી કરતી ગેંગનો પર્દાફાશ અમદાવાદ શહેર ક્રાઈમ બ્રાન્ચ અને એલસીબી ઝોન ચાર દ્વારા કરવામાં આવ્યો છે. પોલીસે આ ગેંગના બે આરોપી સમયજયોત સીંગ અને રવિન્દ્ર ગિલ ની ઝડપી પાડ્યા છે. મોટી વાત એ છે કે ચોરી કરવા માટે પણ ગેંગના બે સભ્યો એક શહેરમાંથી બીજા શહેરમાં ફ્લાઇટ મારફતે જ હતા.
ચોરી કરવા માટે OLX પરથી ટુ વ્હીલર ખરીદ્યુ
આ બંને આરોપીઓ અમદાવાદના મેઘાણીનગર વિસ્તારમાંથી ગેસ કટર વડે ATM મશીનને કાપીને રૂપિયા 10, 72,000 ની ચોરી કરી લીધી હતી. આરોપીઓએ ATM ચોરી કરવા માટે olx પરથી ટુવ્હીરલ ખરીદ્યું હતું અને નજીકની હોટેલમાં બનાવટી આધાર કાર્ડના આધારે રોકાયા હતા. સાથે જ મેઘાણીનગર વિસ્તારમાં ઓક્સિજન સિલિન્ડર અને ATM કટ કરવાનો સામાન પણ ખરીદ્યો હતો. રાત્રે 2:00 વાગે ATM માં પ્રવેશીને એટીએમનું શટલ બંધ કરી રૂ.500 ની નોટોની ચોરી કરી હતી. અમદાવાદના મેઘાણીનગર વિસ્તારમાં ખાનગી બેંકના ATM માંથી પૈસા ચોરી કર્યા બાદમાં પણ તેઓ ફ્લાઇટ મારફતે દિલ્હી ભાગી ચૂક્યા હતાં.
આરોપીઓ સામે અન્ય રાજ્યોમાં હત્યાનાં અનેક ગુના નોંધાયેલ
આ બંને આરોપીઓએ માત્ર અમદાવાદમાં જ નહીં પરંતુ આ સિવાય મહારાષ્ટ્ર, કર્ણાટક, ઓડીસા, પંજાબ અને રાજસ્થાનમાં પણ ATM તોડીને પૈસા ની ચોરી કરી ચૂક્યા છે. માત્ર ATM ચોરી નહિ પરંતુ આરોપીઓ પર અલગ અલગ સ્થાનો પર હત્યા અને હત્યાના પ્રયાસના ગુના પણ દાખલ થઈ ચૂક્યા છે.
ચૈતન્ય માંડલિક (DCP, ક્રાઈમ બ્રાંચ)
સિક્યુરિટી વગરનાં ATM સેન્ટરને ટાર્ગેટ કરી ગુનાને અંજામ આપતા
સમરજ્યોત સીંગ આ ગેંગનો મુખ્ય સાગરીત છે. અમદાવાદ માં નારતોલ પાસે 8 વર્ષ પહેલા કામ કરતો હતો. જેથી અમદાવાદના વિસ્તારોમાં ફરી સિક્યુરિટી વગરના ATM સેન્ટરને ટાર્ગેટ કરી ગુનાને અંજામ આપતા હતા.
