- કેબિનેટ મીટિંગમાં ખેડૂતોને લઈને લેવાયો નિર્ણય
- ખાતરની કિંમતમાં કોઈ ફેરફાર કરવામાં આવશે નહીં
- ખેડૂતોને રાહતદરે ખાતર મળતાં રહેશે
પ્રધાનમંત્રી નરેન્દ્ર મોદીનાં નેતૃત્વમાં આજે કેન્દ્રીય કેબિનેટ મીટિંગ થઈ હતી જેમાં ખેડૂતો માટે મોટો નિર્ણય લેવામાં આવ્યો છે. મોદી કેબિનેટની મીટિંગ દરમિયાન થયેલા નિર્ણયો અંગે જાણકારી આપતાં કેન્દ્રીય મંત્રી અનુરાગ ઠાકુરે જણાવ્યું કે સરકારે નિર્ણય કર્યો છે કે ખેડૂતોનાં ખાતરમાં સબસિડી મળતી રહેશે અને ખેડૂતોની કિંમતો પર સરકાર કોઈપણ પ્રકારની અસર થવા દેશે નહીં.
યૂરિયાને લઈને નિર્ણય
કેબિનેટ મીટિંગમાં લેવામાં આવેલ નિર્ણય અંગે માહિતી આપતાં કેન્દ્રીય મંત્રીએ જણાવ્યું કે ફર્ટિલાઈઝરની કિંમત પર કોઈ અસર થશે નહીં. ખેડૂતોને રાહતદરે ખાતર મળતાં રહેશે અને યૂરિયાની કિંમતમાં એક પૈસાનો પણ વધારો નહીં થાય.
યૂરિયાને લઈને નિર્ણય
કેબિનેટ મીટિંગમાં લેવામાં આવેલ નિર્ણય અંગે માહિતી આપતાં કેન્દ્રીય મંત્રીએ જણાવ્યું કે ફર્ટિલાઈઝરની કિંમત પર કોઈ અસર થશે નહીં. ખેડૂતોને રાહતદરે ખાતર મળતાં રહેશે અને યૂરિયાની કિંમતમાં એક પૈસાનો પણ વધારો નહીં થાય.
વધતી કિંમતોની અસર ભારતીય ખેડૂતો પર નહીં થાય
મંત્રી અનુરાગ ઠાકુરે કહ્યું કે સરકાર આંતરરાષ્ટ્રીય બજારમાં વધતી કિંમતની અસર દેશનાં ખેડૂતોને પડવા નહીં દે. રવિસત્ર માટે ન્યૂટ્રિએંટ બેસ્ટ સબસિડી પ્રદાન કરવામાં આવશે. વર્ષ 2021થી જ સબસિડીનાં દરને એ પ્રકારને નક્કી કરવામાં આવ્યાં છે જેથી ખેડૂતો પર ભાવ વધારાની અસર ન થાય. ખેડૂતોએ એક રૂપિયો પણ ન આપવો પડે. તેમણે આગળ કહ્યું કે યૂરિયા પર પણ એક રૂપિયાનો ભાવ નહીં વધે અને Mop 45 રૂપિયા પ્રતિ બોરી પર મળશે. યૂરિયા, DAP પહેલાની કિંમત પર જ મળતા રહેશે.
1 ઓક્ટોબર 2023થી 31 માર્ચ 2024 સુધીની રવિ સિઝન માટે સબસિડી નીચે મુજબ હશે.
નાઈટ્રોજન માટે રૂ. 47.2 પ્રતિ કિલો,
ફોસ્ફરસ રૂ. 20.82 પ્રતિ કિલો,
પોટાશ સબસિડી રૂ. 2.38 પ્રતિ કિલો હશે,
સલ્ફર સબસિડી 1.89 રૂપિયા પ્રતિ કિલો હશે.
