- નવસારી શહેરનાં વિજલપોરમાં ખેલાયો ખૂની ખેલ
- લગ્ન પહેલાનાં પ્રેમ સબંધને લઈ અદાવત થઈ હતી
- પ્રેમ સબંધને લઈ બંને પરિવાર વચ્ચે ઉભો થયો હતો ખટરાગ
નવસારી શહેરના વિજલપોર વિસ્તારમાં ધોળા દિવસે સરા જાહેર ખૂની ખેલ ખેલાયો હતો. મૂળ ઉત્તર પ્રદેશના બે પરિવાર વચ્ચે લગ્ન પહેલાના પ્રેમ સબંધને લઈ અદાવત થઈ હતી. વિજલપોર વિસ્તારના ક્રિષ્ના નગર ખાતે રહેતા ધર્મેન્દ્ર સોનકરને આ વિસ્તારમાં જ રહેતા દિનેશ સોનકરની બહેન જોડે પ્રેમ સબંધ બંધાયો હતો. જે સબંધને લઈ બંને સોનકર પરિવારો વચ્ચે ખટરાગ પેદા થયો હતો. પ્રેમ સબંધને લઈ અગાઉ ઝઘડા પણ થયા હતા. જોકે બાદમાં દિનેશની બહેનના યુ.પી ખાતે લગ્ન કરી દેવાયા હતા.
દિનેશની બહેન નવસારી આવતા ફરી દુશ્મનીનું ભૂત ધુણવા લાગ્યું
બીજી તરફ ધર્મેન્દ્ર પણ લગ્ન કરી બે બાળકોનો પિતા બન્યો હતો. હાલ જ્યારે યુ.પી ખાતેથી દિનેશની બહેન નવસારી આવતા ફરી પ્રેમ સબંધને કારણે થયેલી દુશ્મનીનું ભૂત ધુણવા લાગ્યું હતું. દિનેશ ગુસ્સાની આગમાં બળી રહ્યો હતો. તે દરમિયાન બપોરના સમયે વિજલપોર વિસ્તારમાં આવેલ એક લોન્ડ્રી નજીક ધર્મેન્દ્ર સોનકર ઉભો હતો. ત્યારે દિનેશ સોનકર અચાનક ત્યાં ધસી ગયો હતો. ધર્મેન્દ્ર કઈક સમજે તે પહેલા દિનેશ ત્રણ થી ચાર જેટલા તીક્ષ્ણ ચપ્પાના ઘા ઝીંકી ફરાર થઈ ગયો હતો.
આરોપીને કોર્ટ માં રજૂ કરવાની તૈયારી હાથ ધરી
બીજી તરફ અચાનક થયેલા હુમલા ના કારણે ધર્મેન્દ્ર લોહી લુહાણ હાલત માં રસ્તા ઉપર ફસડાઈ પડ્યો હતો. તેને સારવાર માટે હોસ્પિટલ લઈ જવાયો પરંતુ સારવાર મળે તે પહેલા જ તેનું પ્રાણ પંખેરું ઉડી ગયું હતું. ધમેન્દ્રની ઘાતકી હત્યાના કારણે સોનકર પરિવારના માથે આભ તુટી પડયું હતું. તેના બે બાળકો અને પત્ની નિરાધાર થયા હતા. હત્યાને લઈ ધમેન્દ્રના ભાઈએ દિનેશ સોનકર વિરૂદ્ધ વિજલપોર પોલીસ મથકમાં ફરિયાદ નોંધાવી હતી. જેને લઇ દોડતી થયેલી પોલીસે ગણતરીના કલાકોમાં ઘાતકી હત્યા કરી ફરાર થઈ ગયેલા દિનેશ સોનકરને ઝડપી પાડ્યો હતો. હાલ વિજલપોર પોલીસ આ મામલામાં આરોપીને કોર્ટ માં રજૂ કરવાની તૈયારી સાથે આગળની તપાસ કરી રહી છે.
હત્યા સુધી નું કાવતરું ઘડી કાઢી આખરે જેલની હવા ખાવી પડી
લગભગ પ્રેમ સંબંધો ના કારણે મારપીટ અને હત્યા ના બનાવો માં સતત વધારો થઈ રહ્યો છે તેમ છતાં પ્રેમ લીસી લીપસની બની રહ્યો છે. પ્રેમ એ ગુનો નથી પણ પ્રેમના દુશ્મન અને સામાજિક બંધનો ના કારણે થતી બદનામી ના કારણે હત્યા સુધી નું કાવતરું ઘડી કાઢી આખરે જેલ ની હવા ખાવી પડી રહી છે.
