- સુરતના પાંડેસરામાં 11 વર્ષના છોકરાની ચાકૂબાજી
- 12 વર્ષના છોકરાને 12 વાર ચાકૂ હૂલાવ્યું
- ગર્લફ્રેન્ડ બાબતે બન્ને વચ્ચે થયો ઝગડો
સુરતના પાંડેસરામાં 11 વર્ષના છોકરાની ભયાનક ચાકૂબાજીની ઘટના સામે આવી છે. 11 વર્ષના છોકરાએ પોતાનાથી એક વર્ષ મોટા છોકરાને 13 વાર ચાકૂથી મારી દીધો. સુરતના પાંડેસરા વિસ્તારમાં 11 વર્ષની બાળકી સાથે ગર્લફ્રેન્ડ બાબતે ઝગડો થતાં આ ઘટના બની હતી. 13 વાર છરીના ઘા વાગતાં 12 વર્ષના બાળકને ખૂબ વાગ્યું છે અને તેની ગંભીર હાલતમાં સારવાર ચાલી રહી છે.
ગર્લફ્રેન્ડ બાબતે બન્ને વચ્ચે થયો ઝગડો
આરોપી છોકરો એક છોકરીને પોતાની ગર્લફ્રેન્ડ બનાવવા માંગતો હતો પરંતુ પીડિત બાળકે તેને આમ કરતા રોક્યો અને તેને ઠપકો આપ્યો. ડીસીપી વિજય સિંહ ગુર્જરે જણાવ્યું કે,
આરોપી છોકરાએ ધોરણ 4 સુધી અભ્યાસ કર્યા બાદ શાળા છોડી દીધી છે, જ્યારે ઘાયલ બાળક મજૂરી કામ કરે છે. નવરાત્રિના પહેલા જ દિવસે છોકરી માતાજીના દર્શન કરવા આવી હતી. તે સમયે આરોપીએ તેની સાથે વાત કરવાનો પ્રયાસ કર્યો હતો અને તેનું નામ પૂછ્યું હતું. ઇજાગ્રસ્ત બાળકે કથિત રૂપે તેને અટકાવ્યો હતો અને તેને ઠપકો આપ્યો હતો.
પેટ, પીઠ, ગળું, છાતી પર 13 વાર ચપ્પાના ઘા
બંને વચ્ચે ઝઘડો થયો હતો અને આરોપી છોકરાએ પીડિત પર પથ્થર ફેંક્યો હતો. બે દિવસ બાદ મંગળવારે પીડિતા પોતાના ઘર પાસે કચરો ફેંકવા ગઈ હતી ત્યારે ફરી બંને સામસામે આવી ગયા હતા. બંને વચ્ચે બોલાચાલી થઈ હતી. આ દરમિયાન આરોપીએ છરી કાઢીને તેના પર હુમલો કરવાનું શરૂ કરી દીધું હતું, તેણે પીડિત બાળકના શરીર પર અનેક વાર ચાકુ માર્યા હતા. તેણે પેટ, પીઠ, ગળું, છાતી સહિત 13 જગ્યાએ ચાકુ મારી દીધું હતું.
ઘાયલ છોકરાની તબિયત સારી
ઘાયલ બાળકને હોસ્પિટલમાં દાખલ કરવામાં આવ્યો છે. તેમની હાલત નાજુક છે. જો કે, ડોક્ટરો હવે કહી રહ્યા છે કે તે જોખમની બહાર છે. આરોપી બાળકને કસ્ટડીમાં લેવામાં આવ્યો હતો અને ગુરુવારે જુવેનાઈલ કોર્ટમાં રજૂ કરવામાં આવ્યો હતો. નાના બાળકોમાં આવા જીવલેણ હુમલાથી બધાને આઘાત લાગ્યો છે.
