- લોકસભા ચૂંટણી 2024 ને લઈ રાજકીય પક્ષો દ્વારા તૈયારીઓ શરૂ કરી
- ગુજરાત ભાજપ 22 જાન્યુઆરી બાદ શરૂ કરશે લોકસભા ચૂંટણી કાર્યાલય
- કોંગ્રેસ દ્વારા 33 જીલ્લાના પ્રભારી અને 7 લોકસભા બેઠકનાં પ્રભારીની કરી જાહેરાત
આગામી લોકસભા 2024 ની ચૂંટણીને લઈ તમામ રાજકીય પક્ષો દ્વારા તૈયારીઓ શરૂ કરી દીધી છે. તા. 22 જાન્યુઆરીથી ગુજરાતમાં ભાજપ દ્વારા ચૂંટણી કાર્યાલ શરૂ કરવામાં આવનાર છે. તેમજ 23 જાન્યુઆરીથી એક સાથે 26 લોકસભા ચૂંટણી કાર્યાલય શરૂ કરાશે.
ઉમેદવાર જાહેર થાય તે પહેલાં ભાજપ ચૂંટણી કાર્યાલય શરૂ કરશે
ભાજપના રાષ્ટ્રીય અધ્યક્ષ જે.પી.નડ્ડા ગુજરાતની મુલાકાતે આવી રહ્યા છે. જે.પી.નડ્ડાના હસ્તે વર્ચ્યુઅલ માધ્યમથી ચૂંટણી કાર્યાલય શરૂ કરાશે. પ્રદેશ ભાજપ દ્વારા લોકસભા ચૂંટણીની તૈયારીઓ આરંભી દીધી છે. ઉમેદવાર જાહેર થાય તે પહેલાં ભાજપ ચૂંટણી કાર્યાલય શરૂ કરશે. ગાંધીનગર લોકસભા ચૂંટણી કાર્યાલયનો પણ પ્રારંભ કરાશે. "મોદીની ગેરંટી" સ્લોગન ઉપર ભાજપે ચૂંટણી લડવાનો નિર્ણય કર્યો છે. પ્રધાનમંત્રી નરેન્દ્ર મોદીના ચહેરા ઉપર લોકસભા ચૂંટણી લડાશે.
વધુ વાંચોઃ વડોદરા બોટ દુર્ઘટના: લુકઆઉટ નોટિસ જાહેર, ઓપરેટર પાસે બોટની નહોતી તાલીમ; હેલ્પરને તરતાં નહોતું આવડતું
કોંગ્રેસ દ્વારા 7 લોકસભા બેઠક માટે પ્રભારીની જાહેરાત જુઓ લિસ્ટ
લોકસભાની ચૂંટણીને લઇ યુવા કોંગ્રેસની તૈયારી
લોકસભાની ચૂંટણીને લઇ અમદાવાદમાં યુવા કોંગ્રેસની તૈયાર શરુ કરી છે. શહેરના યુવા કોંગ્રેસના ચાર ઉપપ્રમુખોને ઝોન સ્તરની જવાબદારી સોંપાઇ. પ્રદેશ મંત્રી અને મહામંત્રીની 33 જિલ્લા શહેરના પ્રભારી તરીકે પણ જવાબદારી સોંપાઇ. 7 લોકસભાની બેઠક માટે વિશેષ પ્રભારીઓની કરવામાં આવી જાહેરાત કરવામાં આવી. આગામી તા. 24 મી એ યુવા કોંગ્રેસની કારોબારી બેઠક પણ યોજાવાની છે.
કોંગ્રેસ દ્વારા 33 જિલ્લાના પ્રભારી તરીકેની જવાબદારીનું જુઓ લિસ્ટ
