ખેડૂતો સાથે દ્રોહ? / ડુંગળીની નિકાસ પર ભાજપે ખોટો પ્રચાર કર્યો ? ગુજરાત કિસાન કોંગ્રેસે કહ્યું આ તો વાહવાહીનું ષડયંત્ર

શું કેન્દ્ર સરકારે ડુંગળીની નિકાસ પર લાગેલો પ્રતિબંધ હટાવ્યો નથી.. ? આ સવાલ ગુજરાત કિસાન કોંગ્રેસ દ્વારા સરકારને પૂછવામાં આવી રહ્યો ગુજરાત કિસાન કોંગ્રેસના ચેરમેન પાલ આંબલિયાએ આ મામલે ભાજપ સરકાર પર નિશાન સાધ્યુ છે.. તેમણે કહ્યું કે જો ખરેખર પ્રતિબંધ હટાવી લેવાયો હોય ગઇકાલે કેન્દ્ર સરકારના ગ્રાહક બાબતોના સચિવ રોહિત કુમાર સિંઘે ડુંગળીની નિકાસ પરનો પ્રતિબંધ હજુ હટ્યો નથી અને 31 માર્ચ સુધી યથાવત છે તેવી વાત કેમ કહી.. તેમણે આક્ષેપ કર્યો કે ભાજપ સરકાર ખેડૂતોને ગુમરાહ કરવાનું કામ કરી રહી છે. 

તેમ માંગ કરી છે કે ડુંગળીની નિકાસબંધી હટાવવામાં આવી હોય તો ભાજપ સરકાર નોટિફિકેશન જાહેર કરે છે. નોટિફિકેશન જાહેર કર્યા વગર જ કેમ જાહેરાતો કરવામાં આવી રહી છે તેવો સવાલ તેમણે કર્યો હતો. તેમણે કહ્યું કે જો પ્રતિબંધ હટાવ્યો જ નથી તો પછી જાહેર માધ્યમોને ખોટી માહિતી શા માટે આપવામાં આવી રહી છે.  

આ પણ વાંચોઃ દારૂ મુદ્દે બે ઠાકોર ધારાસભ્યો વિધાનસભામાં બાખડ્યા, સાંઠગાંઠ અને તોડની બંનેની ખૂલી પોલ, અધ્યક્ષ વચ્ચે પડ્યા

કિસાન કોંગ્રેસના ચેરમેન પાલ આંબલિયાએ આક્ષેપ કર્યો કે ખોટી માહિતી જાહેર કરીને ભાજપે ખેડૂતોનો દ્રોહ કર્યો છે. ખોટો પ્રચાર કરીને ખેડૂતોને ગુમરાહ કરવા બદલ  ભાજપે માફી માંગવી જોઇએ તેવી તેમણે માંગ કરી છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો