કમાણી / બિગ બૉસ 13 એક એપિસોડ માટે સલમાન લેશે આટલી ફી, જાણીને ચોંકી જશો

રિપોર્ટ્સ અનુસાર, સલમાન ખાન આ સિઝનમાં પોતાની ફીસ બમણી કરી શકે છે. બિગ બૉસ 13 માટે દરેક વિકેન્ડ એટલે કે 2 એપિસોડ માટે 31 કરોડ રૂપિયા આપવામાં આવી રહ્યા છે. શોમાં 13 વિકેન્ડ હશે, જે હિસાબથી સલમાન ખાન બિગ બૉસ 13 માટે 403 કરોડ રૂપિયાની રકમ વસૂલશે. જોકે હજુ સુધી કોઇ સત્તાવાર જાહેરાત કરવામાં આવી નથી. 

રિપોર્ટ્સની માનવામાં આવે તો, ગત વર્ષની સિઝન માટે સલમાન ખાનને વિકેન્ડના એક એસિસોડ માટે 12-14 કરોડ રૂપિયા આપવામાં આવ્યા હતા. ત્યારે સિઝન 11માં સલમાનને એક એપિસોડ માટે 11 કરોડ રૂપિયા આપવામાં આવ્યા હતા, એ હિસાબથી સલમાન ખાનને સિઝન 11 અને સિઝન 12માં 300-350 કરોડ રૂપિયા આપવામાં આવ્યા હતા.

મળતી માહિતી અનુસાર, બિગ બૉસ સિઝન 4 અને 6 માટે સલમાન ખાનને એક એપિસોડ માટે 2.5 કરોડ રૂપિયા આપવામાં આવ્યા, જે પછી સિઝન 7 માં આ રકમ વધારીને 5 કરોડ રૂપિયા કરી દેવામાં આવી. આ પછી સિઝન 8 માટે સલમાન ખાનને 5.5 કરોડ રૂપિયા આપવામાં આવ્યા. સિઝન 9ના એક એપિસોડ માટે સલમાનને 8 કરોડ રૂપિયા મળ્યા, જ્યારે 10મી સિઝન માટે સલમાનને 8 કરોડથી વધારે રૂપિયા ઑફર કરવામાં આવી હતી. 

સલમાન ખાન ફિલ્મો બાદ ટીવી સીરિયલ શો પણ પ્રોડ્યૂસ કરી રહ્યો છે. કપિલ શર્માના શોનો પ્રોડ્યુસર સલમાન ખાન છે. આ ઉપરાંત નચ બલિયે સિઝન 9ને પણ પ્રોડ્યુસ કરી રહ્યો છે. આ સિઝન જલ્દીથી શરૂ થવાની છે. સલમાન ટીવીમાં બીજા પ્રોજેક્ટ શરૂ કરવા માંગે છે આ જ કારણથી તેણે પોતાની ફી વધારી છે.