- ભાવનગરના શિહોરમાં એક ગામમાં ભાઈ-બહેને ફિનાઈલ પીને આપઘાત કર્યો
- પરિવારના મોતના આઘાતમાંથી બહાર નહોતા આવી શકતા ભાઈ-બહેન
- 8 જુને સુરતમાં પરિવારના ચાર સભ્યોએ કર્યો હતો આપઘાત
ગુજરાતના ભાવનગરના શિહોરમાં એક ગામમાં બનેલી ઘટનાથી સૌ કોઈ હતપ્રત છે. હકીકતમાં પોતાના માતાપિતા અને ભાઈ-બહેનોના મોતના વિયોગમાં ઝૂરી રહેલા ભાઈ અને બહેને ઝેર પીઈને આપઘાત કરી લેતા લોકોને આંચકો લાગ્યો હતો. આંચકો લાગવાનું કારણ હતું, 8 જુને સુરતમાં આ જ ભાઈ અને બહેનના માતાપિતા અને ભાઈ-બહેને સાથે મળીને ઝેર પીએ આપઘાત કરી લીધો, આપઘાત વખતે આ બન્ને બાળકો બહાર હતા ત્યારથી તેઓ પરિવારના મોતનો વિયોગમાંથી બહાર આવી શક્યા નહોતા અને આખરે આજે તેમણે પણ પરિવારને પગલે ડગલું માંડ્યું અને મોતને ગળે લગાવી દીધું.
શિહોરમાં ભાઈ-બહેને ઝેરી દવા પીધી
ગુજરાતના ભાવનગર જિલ્લામાં એક દર્દનાક ઘટનાએ સનસનાટી મચાવી દીધી હતી. અગાઉ એક જ પરિવારના માતા-પિતા અને તેમના બે સંતાનો (ભાઈ-બહેન) એમ ટોટલ આપઘાત કરી લીધો હતો. પરંતુ થોડા મહિના બાદ ઘરમાંથી બચી ગયેલી 25 વર્ષીય યુવતી અને તેના નાના ભાઈએ ઘરમાં જંતુનાશક દવા પીને આત્મહત્યા કરી લીધી હતી. પોલીસે શનિવારે આ માહિતી આપી હતી. સિહોર તાલુકાના સોનગઢ પોલીસ સ્ટેશનના સબ-ઇન્સ્પેક્ટર ડી.વી.ડાંગરે જણાવ્યું હતું કે, ઋષિતા મોરડિયા અને તેના ભાઈ પાર્થે શુક્રવારે બપોરે તેમના ઘરે ફિનાઇલ પી લીધું હતું અને સિહોરની હોસ્પિટલ લઈ જતાં રસ્તામાં જ તેનું મોત નીપજ્યું હતું.
સુરતમાં મોરડિયા પરિવારે કર્યો હતો આપઘાત
મોરડિયા પરિવારના ચાર સભ્યોએ જૂન મહિનામાં સુરત શહેરમાં આત્મહત્યા કરી લીધી હતી, જ્યારે ઋષિતા અને પાર્થ ઘરની બહાર હતા. 8 જુનના દિવસે સુરતમાં રત્ન કલાકાર વિનુભાઈ મોરડિયા (55), તેમના પત્ની શારદાબેન, પુત્રી સનિતા (19) અને પુત્ર કૃષે તેમના ઘરે ઝેરી દવા પીઈને આપઘાત કર્યો હતો. આપઘાત વખતે ઋષિતા અને પાર્થ ઘરની બહાર હોવાથી બચી ગયા હતા. પરંતુ ત્યાર બાદ બન્નેને પરિવારના મોતનો ભારે આઘાત લાગ્યો
અને માતાપિતાના ગમમાં રહેવા લાગ્યાં હતા.
ઋષિતાએ અગાઉ પણ પીધું હતું ફિનાઈલ
માતા-પિતાનું અવસાન થયા બાદથી ભાઇ-બહેન પોતાના સંબંધીઓ સાથે સુરતમાં રહેતા હતા, પરંતુ તેઓ ત્રણ દિવસ પહેલા સિહોર તાલુકાના તેમના વતન ગામ પડપાણ પરત ફર્યા હતા. "ભાઈ-બહેન તેમના પરિવારના ચાર સભ્યોને ગુમાવવાનો આઘાત સહન કરી શક્યા નહીં અને અનેક વાર અગાઉ આપઘાતની વાતો કરવા લાગ્યાં હતા. પરિવારના ચાર સભ્યોના મોતના બે દિવસ બાદ ઋષિતાએ ફિનાઇલ પીને આત્મહત્યાનો પ્રયાસ કર્યો હતો, પરંતુ તેને તાત્કાલિક હોસ્પિટલમાં ખસેડવામાં આવી હતી અને ડોક્ટરોએ તેને બચાવી લીધી હતી પરંતુ આજે તે ન બચી શકી. આ ઘટનાએ ભારે ચકચાર મચાવી છે.
આપઘાત પહેલા ઋષિતાએ તેના ભાઈને કહ્યું હતું આવું
ઋષિતાએ તેના ભાઈને અવારનવાર એવું કહેતું હોવાનું પણ સાંભળવામાં આવતું હતું કે તેમને હવે જીવીને શું કરવું છે. મમ્મી-પપ્પા અને ભાઈ-બહેન ચાલ્યાં ગયા તેમણે પણ હવે મરવું છે. તેણે અગાઉ પણ એક વાર આપઘાતનો પ્રયાસ કર્યો હતો. આપઘાત પહેલા દીકરીના મનમાં એવું જ થતું હશે કે હવે તેઓ સ્વર્ગે ચાલ્યાં જશે અને ત્યાં મમ્મી-પપ્પાને મળશે.
