- આંતરરાષ્ટ્રીય ક્રિકેટ જગતમાંથી મોટી ખબર
- બેન સ્ટોક્સે પોતાનું રિટાયર્મેન્ટ પાછું ખેંચ્યું
- ઈંગ્લેન્ડની ટીમે તેમને વનડે સીરીઝ માટે સ્થાન આપ્યું
ઈંગ્લેન્ડનાં ટેસ્ટ કેપ્ટન બેન સ્ટોક્સે વનડે ફોર્મેટમાં પોતાનું રિટાયર્મેન્ટ પાછું ખેંચી લીધું છે. તેમણે પોતાના આ સંન્યાસની જાહેરાત વર્લ્ડ કપ 2023 પહેલાં 26 જૂલાઈનાં રોજ કરી હતી. જો કે હવે વાપસી બાદ ઈંગ્લેન્ડની ટીમે તેમને ન્યૂઝીલેન્ડની સામે થનારી વનડે સીરીઝ માટે ટીમમાં સ્થાન આપ્યું છે. ઈંગ્લેંડે ન્યૂઝીલેન્ડની સામે વનડે સીરીઝ માટે 15 મેંમબર્સની ટીમનું એલાન કર્યું છે જેમાં સ્ટોક્સ પણ શામેલ છે.
ઓલરાઉંડર ખેલાડી છે સ્ટોક્સ
બેન સ્ટોક્સ જોરદાર ઓલરાઉન્ડર ખેલાડી છે. તેમણે 105 વનડેમાં લગભગ 39ની એવરેજથી 2924 રન બનાવ્યાં છે. તેમના બેટથી તેમણે 3 શતક અને 21 અર્ધશતક ફટકાર્યાં છે. જ્યારે 74 વિકેટ પણ તેમના નામે નોંધાયેલ છે. આ સિવાય સ્ટોક્સની ફિલ્ડિંગનાં પણ વખાણ કરવામાં આવી રહ્યાં છે. વર્ષ 2019માં ઈંગ્લેન્ડને વર્લ્ડ કપ જીતાડવા માટે સ્ટોક્સે મહત્વનો ભાગ ભજવ્યો હતો.
IPLમાં ન રમવાનો નિર્ણય લીધો
સ્ટોક્સની વનડે સીરીઝમાં વાપસીથી એ તો સ્પષ્ટ છે કે તે આ વખતે ભારતમાં થનારા વર્લ્ડ કપમાં પણ ઈંગ્લેંડની તરફથી મેચ રમશે. તેમનો આ અનુભવ ઈંગ્લેન્ડની ટીમને ઘણો કામ આવશે. જો કે વર્લ્કકપમાં રમવા માટે સ્ટોક્સે IPLમાં ન રમવાનો નિર્ણય લીધો છે. તે IPL 2024માં ચેન્નઈ સુપરકિંગ્સ માટે નહીં રમે.
ઈંગ્લેન્ડની વનડે ટીમ
જોસ બટલર (કપ્તાન), મોઈન અલી,જોની બેરસ્ટો, ગુસ એટકિન્સન, સેમ કુરાન, ડેવિડ મલાન, આદિલ રાશિદ, જો રૂટ,લિયામ લિવિંગ્સ્ટન, જેસન રોય,રીસ ટોપલી,બેન સ્ટોક્સ, ડેવિડ વિલી, માર્ક વુડ, ક્રિસ વોક્સ.
ઈંગ્લેન્ડની ટી20 ટીમ
જોસ બટલર (કપ્તાન), મોઈન અલી, હેરી બ્રુક, ગુસ એટકિન્સન, જોની બેરસ્ટો, સેમ કુરાન, બેન ડકેટ, ડેવિડ મલાન, વિલ જેક્સ, લિયામ લિવિંગ્સ્ટન,જોશ ટંગ, આદિલ રાશિદ, લ્યુક વુડ, જોન ટર્નર.
