બેંક હોલિડે! / બેન્કના કામ હોય તો સત્વરે પતાવી નાખજો, સતત 6 દિવસ બેન્ક રહેશે બંધ, જાણો કેમ

• 6 દિવસો સુધી બેંકો બંધ રહેશે
• દેશનાં અલગ-અલગ વિસ્તારોમાં બેંક બંધ રહેશે
• મંગળવારથી ફરી કામ શરૂ થાય તેની સંભાવના

રાજ્યોનાં હિસાબે અલગ-અલગ વિસ્તારમાં હવે 6 દિવસો સુધી બેંક બંધ રહેશે અને મંગળવારે બેંક સંબંધિત કામ ફરી શરૂ થશે. અલગ-અલગ તહેવારોની રજાઓની સાથે લોન્ગ વિકેન્ડ આવી રહ્યો છે. કાલે અને પરમ દિવસે અલગ-અલગ રાજ્યોમાં ઈદ-એ-મિલાદનો તહેવાર ઊજવવામાં આવશે. જો કે જમ્મૂ અને કેરળમાં આજે જ આ તહેવાર ઊજવાયો છે. આ કારણે આ 2 રાજ્યોમાં આજે બેંક હોલીડે હતો. પરંતુ કેટલાક રાજ્યોમાં 28 સપ્ટેમ્બર કે 29 સપ્ટેમ્બરનાં ઈદ ઊજવવામાં આવશે જેથી બેંક બંધ રહેશે.

28 તારીખે અહીં બંધ રહેશે બેંક
ઈદ-એ-મિલાદનાં તહેવારે ગુજરાત, મિઝોરમ, મહારાષ્ટ્ર, કર્ણાટક, તમિલનાડુ, ઉત્તરાખંડ, તેલંગાણા, મણિપુર, ઉત્તરપ્રદેશ, નવી દિલ્હી, છત્તીસગઢ અને ઝારખંડમાં બેંકો બંધ રહેશે.

29 સપ્ટેમ્બરનાં આ સ્થળો પર બેંક બંધ
કેટલાક રાજ્યોમાં શુક્રવાર 29 સપ્ટેમ્બરનાં રોજ ઈદ-એ- મિલાદ ઊજવવામાં આવશે. આ દિવસે સિક્કમ અને શ્રીનગરમાં ઈદની રજાઓ નિમિત્તે બેંક બંધ રહેશે. શનિવારે 30 સપ્ટેમ્બરનાં બેંક ચાલુ રહેશે કારણકે આ મહિનાનો આ પાંચમો શનિવાર છે. જો કે આ દિવસે બેંકનું કામ સ્લો ચાલતુ હોઈ શકે કારણકે ઘણાં કર્મચારીઓ લોન્ગ વિકેન્ડનો પ્લાન કરીને ગયાં હોઈ શકે છે.

સોમવારે પણ બેંક રહેશે બંધ
સોમવારે 2 ઓક્ટોબર છે. 2 ઓક્ટોબર એટલે કે મહાત્મા ગાંધી જયંતિ. આ દિવસે આપણાં દેશમાં રાષ્ટ્રીય રજા હોય છે અને બેંકોમાં પણ રજા રહે છે. તેથી હવે બેંકોમાં વ્યવસ્થિત રીતે કામકાજ મંગળવારથી શરૂ થાય તેવું લાગી રહ્યું છે.