BIG NEWS / બજરંગ દળ વીફર્યુ: કોંગ્રેસને મોકલી 110 કરોડ રૂપિયાની માનહાનિની નોટિસ, શું એક વાયદો ચૂંટણીની આખી દિશા બદલી નાંખશે?

• બજરંગ દળે કોંગ્રેસ સામે માનહાનિ બદલ એક અબજ દસ લાખ રૂપિયાની કાનૂની નોટિસ મોકલી
• કહ્યું બજરંગ બલીના કરોડો ભક્તોની ભાવનાઓનું અપમાન થયું
• કોંગ્રેસે PFI અને બજરંગ દળ પર પ્રતિબંધ મૂકવાનું વચન આપ્યું હતું 

કોંગ્રેસના ઘોષણા પત્રમાં બજરંગ દળ પર પ્રતિબંધની જાહેરાતથી નારાજ બજરંગ દળે કોંગ્રેસ સામે માનહાનિ બદલ એક અબજ દસ લાખ રૂપિયાની કાનૂની નોટિસ મોકલી છે. ચંદીગઢમાં વિશ્વ હિન્દુ પરિષદના લીગલ સેલના કો-હેડ એડવોકેટ સાહિલ બંસલે કોંગ્રેસ અધ્યક્ષ મલ્લિકાર્જુન ખડગેને આ નોટિસ મોકલવામાં આવી છે.

બજરંગ બલીના કરોડો ભક્તોની ભાવનાઓનું અપમાન થયું
જણાવી દઈએ કે લીગલ નોટિસમાં લખવામાં આવ્યું છે કે આ જાહેરાતથી બજરંગ બલીના કરોડો ભક્તોની ભાવનાઓનું અપમાન થયું છે. આ સાથે જ નોટિસમાં એમ પણ કહેવામાં આવ્યું છે કે જો 14 દિવસમાં એક અબજ રૂપિયાનું માનહાનિનું વળતર ચૂકવવામાં નહીં આવે તો આ કેસ કોર્ટમાં જશે જે પછી એક અબજ રૂપિયા ઉપરાંત અન્ય દસ લાખ રૂપિયાના મુકદ્દમા ખર્ચનો પણ દાવો કરવામાં આવશે.

A Legal notice for defamation of Bajrang Dal Chandigarh by congress posted to @INCindia president @kharge with a claim of ₹100 Cr in damages for defaming #BajrangDal and hurting sentiments of Hindus globally.
बजरंग दल को छेड़ने का फल तो भुगतना ही होगा... pic.twitter.com/qkDfdSXpgF

— Vishva Hindu Parishad -VHP (@VHPDigital) May 6, 2023

કોંગ્રેસે PFI અને બજરંગ દળ પર પ્રતિબંધ મૂકવાનું વચન આપ્યું 
જણાવી દઈએ કે કર્ણાટક વિધાનસભા ચૂંટણી માટેના કોંગ્રેસે તેના ઘોષણા પત્રમાં સાંપ્રદાયિક સૌહાર્દને ખલેલ પહોંચાડવાની સ્થિતિમાં પોપ્યુલર ફ્રન્ટ ઓફ ઈન્ડિયા અને બજરંગ દળ જેવા સંગઠનો સામે કડક પગલાં લેવાનું વચન આપ્યું છે. ત્યાર બાદ ગત મંગળવારથી કોંગ્રેસ બજરંગ દળના નિશાના પર છે. 

"A legal notice for defamation of Bajrang Dal by Congress posted to party president Mallikarjun Kharge with a claim of Rs 100 Crores in damages for defaming Bajrang Dal and hurting the sentiments of Hindus globally," tweets Vishva Hindu Parishad (VHP)

— ANI (@ANI) May 6, 2023

ભારતીય જનતા પાર્ટીએ તેને બજરંગ બલી સાથે જોડીને કોંગ્રેસ પર હિન્દુત્વ વિરોધી હોવાનો આરોપ લગાવ્યો છે.

ઘોષણાપત્રમાં શા માટે સામેલ કરવામાં આવ્યો બજરંગ દળનો મુદ્દો ?
કોંગ્રેસના સૂત્રોના જણાવ્યા અનુસાર જ્યારે ઘોષણાપત્ર તૈયાર થઈ રહ્યો હતો ત્યારે એક વિચાર આવ્યો કે કાયદો અને ન્યાય પ્રકરણમાં સમાજમાં નફરત ફેલાવતી સંસ્થાઓનું નામ લીધા વિના તેમની સામે દંડાત્મક પગલાં લેવાનું વચન આપવામાં આવે. જો કે પાછળથી એક કેન્દ્રીય નેતાએ તેને સંતુલિત રાખવા માટે ઘોષણાપત્ર કમિટીના વરિષ્ઠ સભ્યને PFI અને બજરંગ દળ જેવા નામો લખવાનું સૂચન કર્યું. પરિણામે નેતાની વિનંતીને સ્વીકારવામાં આવી હતી, જે બાદ બજરંગ બલી અને પીએફઆઈના નામ કોંગ્રેસના ઘોષણાપત્રમાં સામેલ કરવામાં આવ્યા હતા.

बजरंग दल राष्ट्रवादी संगठन है उसकी तुलना PFI जैसे आतंकी संगठन से करना दुर्भाग्यपूर्ण हैं। कांग्रेस और PFI का गठजोड़ के कारण बजरंग दल ( @BajrangDalOrg ) कांग्रेस की आंखों की किरकिरी बना हैं।

Bajrang Dal #देश_की_शान_बजरंगदल pic.twitter.com/nkUcvnV1ew

— BajrangDal (@BajrangDalOrg) May 2, 2023

10 મેના રોજ થવાનું છે વોટિંગ 
ઉલ્લેખનીય છે કે કર્ણાટક વિધાનસભાની 224 બેઠકો માટે 10 મેના રોજ એક જ તબક્કામાં મતદાન થવાનું છે. તે પહેલા ચૂંટણી પ્રચારના છેલ્લા તબક્કામાં ભાજપ અને કોંગ્રેસ વચ્ચે આરોપ-પ્રત્યારોપનો દોર તેજ બન્યો છે.