- રવિવારે ભારત અને શ્રીલંકા વચ્ચે એશિયા કપ 2023ની ફાઇનલ મેચ
- ફાઇનલ મેચના દિવસે વરસાદની 80 ટકા સંભાવના
- વરસાદને કારણે મેચનું પરિણામ ન આવ્યું તો આ ટીમ જીતશે ફાઇનલ
Asia Cup 2023 : ભારત અને શ્રીલંકા વચ્ચે એશિયા કપ 2023ની ફાઇનલ મેચ રવિવાર 17 સપ્ટેમ્બરે કોલંબોના આર પ્રેમદાસા સ્ટેડિયમ (RPS) ખાતે રમાશે. જો કે કોલંબોનું હવામાન રવિવારે ચાહકોની આશા પર પાણી ફેરવી શકે છે.
ફાઇનલ મેચના દિવસે વરસાદની 80 ટકા સંભાવના
ભારત અને શ્રીલંકા વચ્ચે એશિયા કપ 2023ની ફાઇનલ મેચના દિવસે કોલંબોમાં વરસાદની 80 ટકા સંભાવના છે. હવે પ્રશંસકોના મનમાં સૌથી મોટો સવાલ એ છે કે જો ભારત અને શ્રીલંકા વચ્ચે એશિયા કપ 2023ની ફાઈનલ મેચ વરસાદને કારણે ધોવાઈ જાય છે તો ટ્રોફી કઈ ટીમને આપવામાં આવશે?
એશિયા કપ 2023ની ફાઈનલ મેચમાં વરસાદ બનશે વિલન!
એશિયા કપ 2023ની ફાઇનલ મેચ 17મી સપ્ટેમ્બરે રમાવાની છે. આ મેચમાં ભારત અને શ્રીલંકાની ટીમો સામસામે ટકરાશે. રોહિત શર્મા ભારતીય ટીમની કમાન સંભાળશે જ્યારે શ્રીલંકાની કમાન દાસુન શનાકા સંભાળશે. કોલંબોમાં વરસાદે છેલ્લી કેટલીક મેચોના પરિણામ બદલી નાખ્યા છે. હવે ફાઇનલ મેચ પર પણ વરસાદ પડવાની સંભાવના છે.
18મી સપ્ટેમ્બરને રિઝર્વ ડે તરીકે રાખવામાં આવ્યો
કોલંબોમાં રવિવારે હવામાન વધુ સારું દેખાતું નથી. રવિવારે કોલંબોમાં વરસાદની ઓછામાં ઓછી 80 ટકા સંભાવના છે. બપોરે 1 વાગ્યાથી સાંજના 7 વાગ્યા સુધી ભારે વરસાદની આગાહી કરવામાં આવી છે. ભારત અને શ્રીલંકા વચ્ચે એશિયા કપ 2023ની ફાઇનલ મેચ કોલંબોના આર પ્રેમદાસા સ્ટેડિયમ ખાતે બપોરે 3 વાગ્યાથી રમાશે. આવી સ્થિતિમાં આ મેચમાં સાંજે 7 વાગ્યા સુધી વરસાદ ચાલુ રહેશે. જો કે વરસાદના કારણે 17મી સપ્ટેમ્બરને રવિવારના રોજ આ મેચ પૂર્ણ થઈ શકી ન હતી, તો સોમવાર 18મી સપ્ટેમ્બરને રિઝર્વ ડે તરીકે રાખવામાં આવ્યો છે.
વરસાદને કારણે મેચનું પરિણામ ન આવ્યું તો આ ટીમ જીતશે ફાઇનલ
જો ભારત અને શ્રીલંકા વચ્ચે એશિયા કપ 2023ની ફાઇનલ મેચનું પરિણામ રવિવાર, 17 સપ્ટેમ્બર અને સોમવાર, 18 સપ્ટેમ્બર (રિઝર્વ ડે)ના રોજ વરસાદને કારણે જાણી શકાયું નથી, તો તે સ્થિતિમાં બંને ટીમોને સંયુક્ત વિજેતા જાહેર કરવામાં આવશે. એશિયા કપ 2023ની ફાઈનલ મેચનું પરિણામ મેળવવા માટે ભારત અને શ્રીલંકાની ટીમોએ ઓછામાં ઓછી 20-20 ઓવર રમવી પડશે.
ચેમ્પિયન્સ ટ્રોફી 2002માં આવું બન્યું હતું
જો ભારત અને શ્રીલંકા વચ્ચેની ફાઈનલ રદ થાય છે તો બંને ટીમ સંયુક્ત રીતે વિજેતા બનશે. મહત્વનું છે કે આ પહેલા પણ કોલંબોના આ આર સ્ટેડિયમમાં ભારત અને શ્રીલંકા વચ્ચે ICC ચેમ્પિયન્સ ટ્રોફી 2002ની ફાઈનલ રમાઈ હતી. 29 અને 30 સપ્ટેમ્બરના રોજ પ્રેમદાસા સ્ટેડિયમમાં રમાનારી મેચો વરસાદને કારણે પૂરી ન થવાને કારણે રદ કરવામાં આવી હતી. ત્યારબાદ કેપ્ટન સૌરવ ગાંગુલી અને સનથ જયસૂર્યાએ ટ્રોફી વહેંચી અને બંને ટીમોને સંયુક્ત વિજેતા જાહેર કરવામાં આવી હતી.
