દુર્ઘટના / જમ્મુ-કાશ્મીરના કિશ્તવાડમાં આર્મીનું હેલિકોપ્ટર ક્રેશ, બેથી ત્રણ લોકો હતા સવાર

• જમ્મુ-કાશ્મીરના કિશ્તવાડમાં આર્મીનું હેલિકોપ્ટર ક્રેશ
• આ દુર્ઘટનામાં હેલિકોપ્ટરમાં સવાર પાયલોટ ઈજાગ્રસ્ત
• પોલીસ અને સેનાની ટીમ ઘટનાસ્થળે જવા રવાના થઈ 

જમ્મુ-કાશ્મીરના કિશ્તવાડ જિલ્લાના દૂરના વિસ્તાર મડવાના મચના જંગલોમાં સેનાનું એક હેલિકોપ્ટર ક્રેશ થયું છે, જેમાં બે લોકો ઘાયલ થયા છે. જે હેલિકોપ્ટર ક્રેશ થયું છે તે સેનાનું ALH ધ્રુવ હેલિકોપ્ટર છે. સેનાના અધિકારીના જણાવ્યા અનુસાર આ દુર્ઘટનામાં પાયલોટને ઈજા થઈ છે, પરંતુ તેઓ સુરક્ષિત છે. આર્મી ઓફિસરે કહ્યું કે, હજુ વધુ માહિતીની રાહ જોવાઈ રહી છે. જમ્મુ ડિવિઝનના કિશ્તવાડના દૂરના વિસ્તારમાં સેનાનું હેલિકોપ્ટર ક્રેશ થયું હોવાની માહિતી મળી છે. કહેવામાં આવી રહ્યું છે કે તેમાં બેથી ત્રણ લોકો હતા. અકસ્માતની જાણ થતાં જ પોલીસ અને સેનાની ટીમ ઘટનાસ્થળે રવાના થઈ ગઈ છે. રેસ્ક્યુ ઓપરેશન ચાલુ છે.

An Army ALH Dhruv Helicopter crashed near Kishtwar, Jammu & Kashmir. Pilots have suffered injuries but are safe. Further details awaited: Army Officials. pic.twitter.com/ya41m7CRfn

— ANI (@ANI) May 4, 2023

સેનાનું ALH ધ્રુવ હેલિકોપ્ટર દુર્ઘટનાનો શિકાર બન્યું

મળતી માહિતી અનુસાર, કિશ્તવાડ જિલ્લાના મારવાહ વિસ્તારમાં ગુરુવારે સવારે સેનાનું ALH ધ્રુવ હેલિકોપ્ટર દુર્ઘટનાનો શિકાર બન્યું હતું. માહિતી મળતા જ સ્થાનિક લોકો ઘટના સ્થળે પહોંચી ગયા હતા. પોલીસ અને સેનાને પણ જાણ કરવામાં આવી હતી. દુર્ઘટના સાથે જોડાયેલ એક ફોટો પણ સામે આવ્યો છે, જેમાં કેટલાક લોકો ક્ષતિગ્રસ્ત હેલિકોપ્ટર પાસે એકઠા છે. હાલ બચાવ કામગીરી ચાલી રહી છે.

Indian Army chopper crashes in J-K's Kishtwar

Read @ANI Story | https://t.co/BcO6f51ra8#Armychoppercrash #JammuKashmir pic.twitter.com/jWu2kxwLY2

— ANI Digital (@ani_digital) May 4, 2023