- CMના મુખ્ય સલાહકાર તરીકે હસમુખ અઢિયાની નિમણુંક
- 2014માં અઢિયાને કેન્દ્રમાં લઇ જવામાં આવ્યા હતા
- અઢિયા પીએમ મોદીના ખાસ વિશ્વાસુ અધિકારી બની રહ્યા
મુખ્યમંત્રી ભૂપેન્દ્ર પટેલના મુખ્ય સલાહકાર તરીકે હસમુખ અઢિયાની નિમણુંક કરવામાં આવી છે. રાજ્ય સરકારે જાહેરનામુ બહાર પાડીના હસમુખ અઢિયાની મુખ્યમંત્રીના મુખ્ય સલાહકાર તરીકે નિમણુંક કરી છે. અઢિયા પીએમ નરેન્દ્ર મોદીના વિશ્વાસુ અધિકારીમાં સ્થાન પામે છે. 1981ની બેંચના ગુજરાત કેડરના આઇએએસ અધિકારી અઢિયા કેન્દ્રમાં મોદી સરકારમાં નાણાં અને મહેસુલ સચિવ રહી ચુક્યા છે. 2018માં અઢિયા કેન્દ્રમાંથી નિવૃત થયા છે. હાલમાં તેઓ બેંક ઓફ બરોડાના નોન એક્ઝિક્યુટિવ ચેરમેન છે અને સેન્ટ્રલ યુનિવર્સિટી ઓફ ગુજરાતના ચાન્સેલર પણ છે.
2014માં અઢિયાને કેન્દ્રમાં લઇ જવામાં આવ્યા હતા
2014માં નરેન્દ્ર મોદી પ્રધાનમંત્રી બન્યા ત્યારે અઢિયાને કેન્દ્રમાં લઇ જવામાં આવ્યા હતા. દેશમાં જીએસટીની અમલ કરવામાં અઢિયાનો રોલ મહત્વનો રહ્યો હતો. જીએસટી સરળ રીતે અમલી બને તે માટે અઢિયા અને તેની ટીમે ભારે જહેમત ઉઠાવી હતી. જીએસટી સાથે નોટબંધીનો અમલ કરવામાં પણ અઢિયાની ભૂમિકા મહત્વની રહી હતી. મોદી જ્યારે મુખ્યમંત્રી હતા ત્યારે અધિકારીઓ માટે ચિંતન શિબિરની શરુઆત કરી હતી. આવી એક ચિંતન શિબિર દરમિયાન અઢિયા મોદીની નજીક આવ્યા હતા. અઢિયાએ યોગમાં પીએચડી કર્યું હતું.
પીએમ મોદીના ખાસ વિશ્વાસુ અધિકારી બની રહ્યા
ચિંતન શિબિરના માધ્યમથી અધિકારીઓં યોગ કલ્ચર વિકસાવવામાં પણ અઢિયાની ભૂમિકા રહી છે. ચિંતન શિબિર વખતથી અઢિયા પીએમ મોદીના ખાસ વિશ્વાસુ અધિકારી બની રહ્યા. નવેમ્બર 2018માં જ્યારે અઢિયા નિવૃત થયા ત્યારે પૂર્વ નાણામંત્રી અરુણ જેટલી ફેસબુક પોસ્ટ લખી અઢિયાના યોગદાનની પ્રશંસા કરી હતી. તેઓએ કહ્યું હતું કે "ડૉ. અઢિયા નિઃશંકપણે અત્યંત સક્ષમ, શિસ્તબદ્ધ, નો-નોનસેન્સ મુલકી સેવક અને અલબત્ત, દોષરહિત પ્રમાણિકતા ધરાવતા અધિકારી રહ્યા છે."
વિભાગના કામમા ગતિ આવશે
મુખ્યમંત્રીના મુખ્ય સલાહકાર તરીકે અઢિયા નાણા, આર્થિક બાબતો, શિક્ષણ, ઊર્જા અને બિનપરંપરાગત ઊર્જા, રોકાણોને લગતી બધી બાબતો જોશે. આ સાથે આ વિભાગની પોલિસી અને વિભાગનું મોનિટરીંગ પણ કરશે. હાલના વિભાગો સાથે રાજ્ય સરકાર જે સુનિશ્ચિત કરશે તે વધારાના વિભાગની જવાબદારી પણ વિભાવશે. અઢિયાના મુખ્ય સલાહકાર બનવાથી વિભાગના કામમા ગતિ આવશે. હસમુખ અઢિયાની ઓળખ કદી ન થાકનાર અને સમસ્યા વચ્ચે ગમે તેમ કરીને રસ્તો કરનાર અધિકારી તરીકે થાય છે. માનવામાં આવે છે તેંમની નિમણૂંકથી મહત્વના પ્રોજેક્ટ અને યોજનોને વેગ મળશે.
