માસુમ / તરછોડાયેલા બાળક મળવાનો સિલસિલો યથાવત, હવે ગુજરાતના આ ગામમાંથી નવજાત મળી આવતા ચકચાર

• રાજ્યમાં બાળકને તરછોડવાની વધુ એક ઘટના
• સાબરકાંઠાના તલોદમાં તરછોડાયેલું બાળક મળ્યું
• બાળકની સિવિલમાં ચાલી રહી છે સારવાર

ગુજરાતમાં તરછોડાયેલા બાળક મળવાનો સિલસિલો યથાવત જોવા મળી રહ્યો છે ત્યારે હવે ફરી એકવાર નવજાત બાળક મળી આવતા હડકંપ મચી ગયો છે..સાબરકાંઠાના તલોદમાંથી એક નવજાત બાળક મળી આવતા ખળભળાટ મચી ગયો છે.. આ બાળકોને કોણ રસ્તે રઝળતા મુકી ગયું તેને લઈને હવે અનેક સવાલો ઉઠી રહ્યા છે.. 

સાબરકાંઠાના તલોદમાં તરછોડાયેલું બાળક મળ્યું

તલોદમાંથ રોડની સાઈડમાં નવજાત ત્યજી દેવાયેલી હાલતમાં મળી આવ્યું જેને લઈને સ્થાનિકો દ્વારા પોલીસને જાણ કરવામાં આવી છે, હાલ તો બાળકને હિંમતનગર સિવિલ હોસ્પિટલમાં ખસેડવામાં આવ્યું છે.. પરતું રાજ્યમાં બાળકને તરછોડવાના બનાવો વધી રહ્યા છે ત્યારે રાજ્યમાં આવા કિસ્સા વધવાને લઈને અનેક સવાલો ઉઠી રહ્યા છે.. પોલીસ  દ્વારા બાળકના માતા પિતાને શોધવાની કાર્યવાહી હાથ ધરવામાં આવી છે.. બાળકને કોઈએ અપહરણ કરીને રોડ પર ત્યજી દીધુ કે કેમ તે દિશામાં પણ પોલીસ તપાસ કરી રહી છે.. 

તરછોડાયેલા બાળક મળવાનો સિલસિલો યથાવત

મહત્વનું છે કે રાજ્યમાં બાળક તરછોડવાની કિસ્સા વધી રહ્યા છે. આ અગાઉ નડિયાદમાં પણ નવજાત બાળકને અનાથ આશ્રમમાં તરછોડી દેવાની ઘટના સામે આવી હતી.. અજાણી વ્યક્તિ બાળકને આશ્રમમાં  મુકી ચાલી ગઈ હતી.. તરછોડાયેલા બાળકની તબિયત નાજુક હોવાથી તેને સારવાર અર્થે ખસેડવામાં આવ્યું હતું..જે બાદ અનાથ આશ્રમના સંચાલકોએ બાળ સુરક્ષા વિભાગ અને પોલીસને જાણ કરી હતી.. અમદાવાદમાં 5 નવેમ્બરે એક નાનકડી બાળકી કૃષ્ણનગર વિસ્તારમાં આવેલ મહાલક્ષ્મી મંદિર પાસે amts બસ સ્ટેન્ડ પરથી મળી આવી હતી, તે પહેલા પણ 14 ઓક્ટોબરે શ્રીનંદ સિટી પાસે જ્યારે 29 ઓક્ટોબરે અમરાઈવાડીમાં મહાલક્ષ્મી નગર પાસે બાળક મળી આવ્યું હતું. સમાજમાં માનવીય મૂલ્યોનું કેટલી હદે પતન થઈ ગયુ છે, તે બાળક ત્યજી દેવાની ઘટના પરથી જોઈ શકાય છે અગાઉ પણ ગાંધીનગરના પેથાપુરમાં બાળક ત્યજી દેવાની ઘટના સામે આવી જેમાં ઘટનાનો પર્દાફાશ થતા બાળકની માતાની હત્યા બાદ બાળકને ત્યજી દેવામાં આવ્યું હોવાનું સામે આવ્યું હતું.