- ચોમાસાની સિઝનમાં રોગોનો પ્રમાણમાં વધારો
- મચ્છરોનો ઉપદ્રવથી ડેન્ગ્યુ, ચિકનગુનિયા, મેલેરિયા ટાઇફોઇડ સહિતના તાવ અને રોગચાળાનું જોખમ
- સીઝનલ ફલૂથી બચવા માટે રસી લેવી જરૂરી
ચોમાસાની સિઝન દરમિયાન રોગચાળો માથું ઉચકતો હોય છે. આવી સ્થિતિ વચ્ચે સ્વસ્થ રહેવું મુશ્કેલ બની જતું હોય છે. ઠેર ઠેર પાણી ભરાવાની સમસ્યાને લઈને મચ્છરોનો ઉપદ્રવ વધતા ડેન્ગ્યુ, ચિકનગુનિયા, મેલેરિયા ટાઇફોઇડ સહિતના તાવ અને રોગચાળાનું જોખમ વધતું હોય છે. ત્યારે શરદી, ઉધરસ સહિતના તમામ પ્રકારના ઇન્ફેક્શનથી બચવા અમુક ખાસ બાબતોનું ધ્યાન રાખવું જોઈએ જેનાથી ફિટ અને હેલ્ધી રહી શકાય છે.
રોગપ્રતિકારક શક્તિમાં વધારો થઈ શકે છે
આ મામલે દિલ્હી ખાતે આવેલ સર ગંગારામ હોસ્પિટલના હેલ્થ એન્ડ વેલનેસ ડિપાર્ટમેન્ટના ડાયરેક્ટ ડો. સોનિયા રાવતે જણાવ્યું હતું કે વરસાદી સીઝનમાં બીમારીઓથી બચવા માટે સૌપ્રથમ મચ્છરથી બચવું જોઈએ અને ખાવા પીવાની બાબતોમાં ખાસ ધ્યાન રાખવું જોઈએ. દૂષિત પાણી પીવાથી ટાઈફોઈડની સમસ્યાનું જોખમ તોળાઈ રહે છે. આ ઉપરાંત તમામ લોકોએ ફલૂથી બચવા માટે રસી લેવી જોઈએ. આવી રસી એક વર્ષમા એક વખત ખાસ લગાવવી જોઈએ. જેને લઈને રોગપ્રતિકારક શક્તિમાં વધારો થઈ શકે છે. આ રસી બદલાતી સીઝનના વાયરસથી બચાવી શકે છે.
રસી લેવાથી બીમારીનું જોખમ 40 થી 60 ટકા જેટલું ઘટાડી શકાય
સોનિયા રાવતે જણાવ્યું કે રસી લેવી સ્વાસ્થ્ય માટે ફાયદાકારક છે અને આ રસી લેવાથી બીમારીનું જોખમ 40 થી 60 ટકા જેટલું ઘટાડી શકાય છે. જોકે તે દરેકને અલગ અલગ રીતે અસર કરે છે. સામાન્ય રીતે રસી ત્રણ વર્ષથી વધુ સમયના દરેક વ્યક્તિ માટે સલામત માનવામાં આવે છે. અમુક રોગોથી પીડિત લોકોને પણ આવી રસી લઈ શકે છે પરંતુ આવા લોકોએ સૌ પ્રથમ તબીબની સલાહ લેવી જરૂરી બને છે.
